CURRENT-NEWS

Today News

मनेसेच्‍यावतीने तुळजाभवानी कारखान्‍यावर महाआरतीचे आयोजन

Written By tuljapurlive.com on Tuesday, 2 September 2014 | Tuesday, September 02, 2014

नळदुर्ग - येथिल श्री तुळजाभवानी शेतकरी साखर कारखान्‍याच्‍या गैरकारभाराविरोधात व कारखान्‍याला चांगले दिवस यावे, संचालक मंडळाला चांगली सदबुद्धी देवो व तालुक्‍यातील शेतक-यांना सुख समृद्धीचे दिवस यावेत यासाठी महाराष्‍ट्र नवनिर्माण सेनेचे माजी जिल्‍हाध्‍यक्ष अमरराजे कदम यांच्‍या नेतृत्‍वाखाली सकाळी ठिक 11 वाजता तुळजाभवानी साखर कारखाना नळदुर्ग येथे कारखान्‍याच्‍या मुख्‍य गेट समोर महाआरतीचे आयोजन करण्‍यात आले आहे.
 यावेळी जिल्‍हाध्‍यक्ष प्रशांत नवगिरे, तालुकाध्‍यक्ष शाम माळी, नळदुर्ग शहराध्‍यक्ष ज्‍योतीबा येडगे, तुळजापूर शहराध्‍यक्ष राजाभाऊ मलबा, बशीर शेख्‍ा, एस.के जहागिरदार, महेश जाधव, प्रमोद कुलकर्णी, प्रमोद कदम, सुरज कोटावळे, तानाजी खलाटे, अलीम शेख, रमेश घोडके, अरूण जाधव, गौस कुरेशी, दत्‍तात्रय धारवाडकर, शिवाजी चव्‍हाण, आदी उपस्थित राहणार आसल्‍याचे पत्रकाद्वारे अमरराजे कदम यानी  सांगितले आहे. 
                  पुढील विषयाच्‍या  विरोधात महाआरती   
कारखान्‍याची 429.25 एकर जमिनीच्‍या वापराचा व भाडेपट्टेचा आतापर्यंतचा हिशोब देण्‍यात यावा.सहकारी कायदा 1960 च्‍या कलम 83 नुसार कारखान्‍याच्‍या संपूर्ण गैरकारभाराची चौकाशी व्‍हावी.दि.24 डिसेंबर 1999 रोजीच्‍या कलम 83 नुसार झालेल्‍या चौकाशीतून कलम 88 नुसार जबाबदारी निश्चित झालेल्‍या व्‍यक्‍तीवर तात्‍काळ कारवाई व्‍हावी, कारखान्‍यातील उपयोगी वस्‍तू भंगारामध्‍ये विक्री करणा-या भंगार चोराविरोधात गुन्‍हा दाखल व्‍हावा.संचालक मंडळ, लोकमंगल उदयोग समूह, दृष्‍टी शुगर यांनी कारखान्‍यावरती 100 कोटींच्‍या पूढे कर्जाचा बोजा वाढवून कारखाना मोडकळीस आणला. या सर्व प्रकारची चौकाशी व्‍हावी असे नमुद केले आहे.

जिजाऊ चौक तरूण गणेश मंडळाच्या श्रीगणेशाची आरती

उस्‍मानाबाद -जिजाऊ चौक तरूण गणेश मंडळाच्या श्रीगणेशाची आरती पोलीस निरीक्षक रायकर यांच्या हस्ते करण्यात आले. यावेळी महेश पोतदार, स्वप्निल शिंदे, निलेश शिंदे, रत्नदीप पाडुळे, संजय आवाड, योगेश दहिटनकर, यशवंत मगर, सत्यजित शिंदे, सचिन कडवकर, अक्षय भोराळे आदी. (छाया - राहुल कोरे)

ऑनलाईनवर अर्ज करण्याचे आवाहन


    उस्मानाबा - शालेय शिक्षण व क्रीडा विभाग यांचे दि. 13 ऑगस्ट 2014 अन्वये ग्रामीण भागातील कळंब तालुक्यातील रांजणी व उमरगा तालुक्यातील आलूर येथे  (ऊर्दु) माध्यमाच्या नवीन माध्यमिक शाळा विनाअनुदान तत्वावर सुरु परवानगी देण्यात येणार आहे.
    इच्छुक व पात्र शैक्षणिक संस्थांकडून  विहित प्रपत्रात ऑनलाईन पध्दतीने अर्ज मागविण्यात येत आहे. ऑनलाइन अर्जासाठी संकेतस्थळ http://newschooolsanctions.maharashtra.gov.in  या संकेतस्थतावर ऑनलाईन अर्ज 20 सप्टेंबरपर्यंत करावेत. अर्ज केल्यानंतर त्यासेाबतच्या कागदपत्राच्या छायांकित प्रती सांक्षाकित करुन प्रस्ताव दोन प्रतीत दि. 25 सप्टेंबर रोजी सायंकाळी 5 वाजेपर्यंत शिक्षणाधिकारी (माध्यमिक) जिल्हा परिषद,उस्मानाबाद यांचेकडे जमा करावेत, असे आवाहन  शिक्षणाधिकारी (मा), जि. प उस्मानाबाद यांनी केले आहे.

शेतकरी गट स्थापनेचे उदिष्ट पूर्ण करा- जिल्हाधिकारी डॉ.नारनवरे

    उस्मानाबाद - कृषी विभागामार्फत केंद्र आणि राज्य शासनाकडून विविध प्रकारच्या पावणेदोनशे योजना राबविल्या जात आहेत.  या योजनांची प्रभावी अंमलबजावणी या शेतकरी गटामार्फत करण्यात येणार असल्याने शेतकऱ्यांचे गटाची स्थापना करण्याची मोहिम जिल्हाभर राबविण्यात येत आहे. या मोहिमेत 100 टक्के शेतकऱ्यांनी  गटाची नोंदणी करुन सहभाग नोंदविण्याचे आवाहन  जिल्हाधिकारी डॉ.प्रशांत नारनवरे यांनी केले.  
    येथील जिल्हा परिषदेच्या कै. यशवंतराव चव्हाण सभागृहात कृषि सहायक, मंडळ अधिकारी, तालुका कृषि अधिकारी यांची गटनोंदणी बाबत नुकतेच आढावा बैठकीचे आयोजन करण्यात आले होते. त्यावेळी ते बोलत होते. जिल्हा अधिक्षक कृषि अधिकारी शंकर तोटावार, आत्माचे प्रकल्प संचालक व्ही.डी.लोखंडे, उपविभागीय कृषि अधिकारी यु.बी.बिराजदार, आर.टी.जाधव, कृषि उपसंचालक एम.एस.मीनीयार, आत्माचे उपसंचालक एस.आर.चोले, जिल्हा रेशम विकास अधिकारी श्रीमती पी.एस.गणाचार्य, मत्स्य विभागाचे र.धो.औरंगे यांची उपस्थिती होती.
डॉ.नारनवरे म्हणाले की, सर्व शेतकऱ्यांच्या गटांची नोंदणी झाल्यास शेतकऱ्यांना संगणकाच्या माध्यमातून जिल्ह्यातील कृषी विभागाच्या विविध योजना व शेती विषयक परिस्थिती आणि किती शेतकऱ्यांनी कृषि विभागाच्या योजनांचा लाभ घेतला याची  माहिती काही मिनीटातच घर बसल्या उपलब्ध्‍ होऊ शकेल. ही मोहिम शेतक-यांच्या दृष्टीने हिताची आहे. राष्ट्रीय पीक विमा योजनेचे उदिृष्ट याच माध्यमातून कृषी सहायकांना पूर्ण करता येईल. यापुढे कृषि योजनेची अंमलबजावणी नोंदणी गटाच्यामार्फतच करण्यात येणार आहे. या मोहिमेत सहभागी होण्यासाठी नाममात्र शुल्क आकारण्यात येते. कृषी सहायकांनी हे उदिष्ट 15 सप्टेंबरपर्यंत पूर्ण करावयाचे असल्याने शेतकऱ्यांनी गट नोंदणीसाठी पुढाकार घेऊन सहकार्य करावे, असे त्यांनी सांगितले.     
श्री.तोटावार यांनी मंडळनिहाय आढावा घेतांना सांगितले की, कृषि सहायकांनी 15 सप्टेंबरपर्यंत गटाची नोंदणी करुन जिल्ह्याचा एक आदर्श निर्माण करावा. गावात सकाळी व सायंकाळीच्या वेळेत शेतकऱ्यांच्या भेटी होतात त्या वेळेसच जाऊन नोंदणी करावी. गावात जाण्याअगोदर त्या गावात दवंडी देऊन वेळ व तारीख निश्चित केल्यास जास्तीत जास्त शेतकरी गटाची नोंदणी होईल, यासाठी नियोजन करावे, असेही त्यांनी सांगितले.
           या बैठकीस जिल्ह्यातील कृषि सहायक, मंडळ अधिकारी तसेच संबंधित कर्मचारी व अधिकारी उपस्थित होते.                     

पांगरी जि.प.शाळेला आज ग्रामस्थ कुलूप ठोकणार

Written By tuljapurlive.com on Monday, 1 September 2014 | Monday, September 01, 2014

पांगरी (गणेश गोडसे) :- पांगरी (ता. बार्शी) येथील जिल्हा परिषद शाळेतील दारुड्या शिक्षकाची बदली करण्याची मागणी वारंवार करूनही वरिष्ठ प्रशासनाने याची दखल न घेतल्यामुळे संतप्त झालेल्या पालक व ग्रामस्थांनी पांगरी जि.प.शाळेलाच आज दि. 1 सप्टेंबर पासून कुलूप ठोकण्याचा निर्णय घेतला आहे. मद्यपी गुरुजीमुळे शालेय नुकसान होत असून त्या शिक्षकाची तत्काल बदली करून बरबाद होणारी भावी पिढी वाचवावी अशी मागणी ग्रामस्थ व पालकांनी एका लेखी निवेदनाद्वारे बार्शीचे गट शिक्षण अधिकारी यांच्याकडे केली होती.
       गट शिक्षण अधिकार्‍यांना दिलेल्या निवेदनात म्हटले आहे की, सबंधित शिक्षक हे वर्गावर येताना दारू पिऊन येतात.त्यामुळे ज्या उदेशासाठी शासनाने त्यांची नेमणूक या शाळेत केली आहे तो उदेश त्यांच्या कडून साध्य होत नाही.त्यांच्या वर्गाची गुणवत्ता खूपच खालावलेली आहे.प्रशासनाकडे वारवार लेखी तोंडी निवेदने देऊनही त्याची दखल घेण्यात आलेली नाही.एका शिक्षकामुळे एक भावी पिढीच बरबाद होत आहे.सध्या संबंदीत मद्यपी शिक्षक पंधरा दिवसापासून रजेवर असून त्या शिक्षकाच्या वर्गातील मुले दुसर्‍या वर्गात बसवली जात असल्यामुळे एकाच वर्गात सत्तर विद्यार्थी होऊ लागल्यामुळे दोन्ही वर्गातील विद्यार्थांचे शैक्षणिक नुकसान होत आहे.शिक्षक दिन काही दिवसावर येऊन ठेपला असताना हा प्रकार समोर आल्यामुळे गावात चर्चेला उधाण आले आहे.
 गट शिक्षण अधिकार्‍यांना दिलेल्या निवेदनावर शालेय वेवस्थापन समितीचे अध्यक्ष(मुली)बाबा जाधव शालेय वेवस्थापन समितीचे अध्यक्ष(मुले )विलास गोडसे उपाध्यक्ष अनिल गरड शालेय वेवस्थापन समिति (उर्दू) चे अध्यक्ष मेहमुद शेख ग्रामपंचायत सदस्य अमृत आरोळे, प्रमोद  देशमुख, रामभाऊ शेळके, प्रमोद सरडे-पाटील,कैमुदिन काजी,मधुकर सरडे,बालाजीकाळे,कुलदीप जगदाळे,उमेश देशपांडे,विशाल गरड,अमर गुरव, पांडुरंग निमकर,बाळासाहेब नाईकवाडि बजरंग पौळ,शिवाजी गोडसे, विष्णु कांबळे यांच्यासह गावातील शेकडो ग्रामस्थ व पालकांच्या सह्या आहेत.
   शालेय वेवस्थापन समितीच्या पदाधिकार्‍यांनी शालेय वेळेत भेट देऊन पाहणी केली असता संबदित शिक्षक हा दारूच्या नशेत तर्र असल्याचे त्यांच्या निदर्शनास आले होते. तशी नोंदही त्यानी केंदप्रमुखच्या शेरेबुकात केली होती. तेव्हा पासून विद्यार्थ्‍यांचे अपरिमित होणारे नुकसान टाळण्यासाठी गट शिक्षण अधिकार्‍याकडे समबंधिताच्या बदलीची मागणी करूनही त्याकडे कानाडोळा करण्यात आल्याचा ग्रामस्थांचा आरोप आहे.

श्री सिध्‍दीविनायक मल्‍टीस्‍टेटची वार्षिक सर्वसाधारण सभा संपन्‍न

Written By tuljapurlive.com on Sunday, 31 August 2014 | Sunday, August 31, 2014

उस्‍मानाबाद -: श्री सिध्‍दीविनायक मल्‍टीस्‍टेट को.ऑप. केडीट सोसायटी लि., उस्‍मानाबाद या संस्‍थेची तिसरी वार्षिक सर्वसाधारण सभा संस्‍थापक दत्‍ता कुलकर्णी यांच्‍या उपस्थितीमध्‍ये संपन्‍न झाली. सर्वप्रथम सभेच्‍या सुरुवातीस काळीण दुर्घटनेतील मृतांना श्रध्‍दांजली अर्पण करुन सभेच्‍या कामकाजास सुरुवात करण्‍यात आली. आगामी कालावधीत संस्‍था विमा व कृषी क्षेत्रामध्‍ये कार्य करण्‍याचा ठराव सर्वानुमते मंजूर करण्‍यात आला.  
     संस्‍था आगामी कालावधीमध्‍ये स्‍वताःचे डाटा स्‍टोअर सेंटर उभारणार असून संस्‍थेच्‍यावतीने चालू वर्षामध्‍ये वेअर हाऊस उभारण्‍या यावे व त्‍यामधील माल तारणावर सभासदांना कर्ज वाटप करण्‍यात यावे, असा ठराव संमत करण्‍यात आला.
     यावेळी संस्‍थेचे संस्‍थापक दत्‍ता कुलकर्णी, बालाजी कोरे, राजेश घुटे, संतोष जहागिरदार, अॅड. सचिन मिनियार, प्रवीण पाठक, अभिजीत पाटील, जिवन वाठवडे, बालाजी जाधव, संजय बारकुल, राजेश पौळ यांच्‍यासह संस्‍थेचे सभासद उपस्थित होते.

डीसीसी बँकेने गोरगरीबाना हातभार लावावा : सुधीर पाटील

उस्‍मानाबाद :- काँग्रेस व राष्ट्रवादीच्या नेतेमंडळीनी आपल्या संस्था व नातेवाईकांसाठी शेतक-याच्या जिव्हाळ्याच्या असणा-या मध्यवर्ती बँकेतून मोठ्या प्रमाणात कर्जे उचलून त्या कर्जाचा भरणा केला नसल्यामुळे मध्यवर्ती बँकचे आर्थिक डबघाईस आली आहे. तेव्हा या धनदांडग्याकडून कर्ज वसुली करुन त्या कर्जातून सामान्य गोरगरीबाना मध्यवर्ती बँकेने हातभार लावला पाहिजे असे मागणी शिवसेना जिल्हाप्रमुख सुधीर पाटील यांनी केली.
       उस्‍मानाबाद तालुक्यातील पाडोळी विभागाअंतर्गत असणा-या २४ गावातील शिवसेनेच्या शाखांची पुर्नबांधणी करुन त्या शाखांच्या नामफलकाचे अनावरण आज रविवार रोजी शिवसेनेचे जिल्हाप्रमुख सुधीर पाटील यांच्या हस्ते करण्यात आले. त्यावेळी मार्गदर्शन करताना पाटील यांनी ही मागणी केली.
     शेतक-याची आर्थिक नाडी समजल्या जाणा-या जिल्हा मध्यवर्ती बँकेस काँग्रेस आघाडीच्या नेत्यानीच आर्थिक डबघाईस आणले आहे. तेव्हा या लोकांकडून बँकेच्या कर्जाची सक्तीने वसुली करुन त्या रक्कमेचा विनीयोग जिल्ह्यातील गोर, गरीब जनतेच्या विकासासाठी करण्यात यावा अशी मागणीही त्यांनी यावेळी केली.  काँग्रेस व राष्ट्रवादीच्या संचालव् मंडळाने बेकायदेशीर रित्या मध्यवर्ती बँकेचे कर्ज वाटप केले असून या प्रकरणी या संचालक मंडळावर शासनाने कायदेशीर कार्यवाही करावी अशी मागणी यावेळी केली.
    शिवसेना जिल्हाप्रमुख सुधीर पाटील यांच्या हस्ते आज तालुक्यातील मेडसिंगा, बरमगांव, विठ्ठलवाडी, धुता, कनगरा, टाकळी, पाडोळी, मेंढा, घुगी, लासोना, समुद्रवाणी, सांगवी, कामेगाव, वाघोली, काजळा, तेर, मुळेवाडी, वरुडा, शिंगोली, जहागिरदारवाडी तांडा, गड देवधरी, उपळा, तुगाव, रुई ढोकी, बोरखेडा, शेकापूर येथील शांखाची पुर्नबांधणी करुन शाखेच्या नामफलकाचे अनावरण करण्यात आले. यावेळी शिवसेना उपजिल्हाप्रमुख कमलाकर चव्हाण, तालुकाप्रमुख दिलीप जावळे, माजी तालुकाप्रमुख रामेश्वर शेटे, बाळकृष्ण घोडके पाटील, सुनिल जाधव, प्रशांत साळुंके, कमलाकर दाणे, गोविंद कोळगे यांच्यासह शिवसेनेचे पदाधिकारी व शिवसैनिक उपस्थित होते.




मुंगशी ग्रामस्‍थांनी फिल्‍मी स्‍टाईलने चोरट्यास पकडले

वैराग (महेश पन्‍हाळे)  :- अंधाराचा फायदा घेवून पाहटे चोरी करून पळून जाणा-या  चोरटयांना ग्रामस्‍थानी रंगेहाथ पकडून पोलिसाच्‍या स्वाधीन केले. ही घटना बार्शी तालुक्‍यातील मुंगशी (वा) येथे शनिवारी पहाटे चारच्‍या सुमारास घडली. यावेळी चोरटयांकडे एअर पिस्‍तूल असताना गावक-यांनी धाडस  करून चोरटयांना पकडल्‍याने सर्वत्र कौतुक होत आहे.
     याबाबत वैराग पोलिसात चौघा चोरटयाविरोधात गुन्‍हा दाखल करण्‍यात आला असून चौघापैकी दोघेजन पळून गेले असले तरी इतर दोघांना गावक-यांनी पकडून पोलिसांच्‍या स्‍वाधीन केले आहे. याबद्दलची माहिती मुंगशी (वा) या गावामध्‍ये गेल्‍या चार पाच दिवसांपासून अरविंद रामचंद्र क्षीरसागर ,अण्‍णा नवनाथ्‍ा क्षीरसागर यांच्‍या  शेळया पळवण्‍याचा प्रयत्‍न चालू होता. दरम्‍यान  शनिवारी पाहटे चारच्‍या सुमारास इंद्रजीत सदाशिव क्षीरसागर, अगस्तिक सदाशिव क्षीरसागर, दत्‍तू दिग्रबर स्‍वामी, लक्ष्‍मी लोखंडे यांच्‍या राहत्‍या घरी पाहटे चोरटयांनी कुलूप कडी  उचकटून आतमध्‍ये प्रवेश करून एक तोळे सोन्‍याचे गंठन, एक ग्रॅम सोन्‍याची अगंठी, चांदीचे दागिने, पाच हजार पाचशे रूपये रोख असा तीस हजार पाचशे रूपयांचा ऐवज चोरटयांनी लंपास केला. चौघा चोरटयानी चोरी करून पळुन जात असताना यांचा सुगाव ग्रामस्‍थाना लागल्‍याने गावतच सापळा रचुन या चोराना पकडण्‍याचा प्रयत्‍न केला मात्र ते निसटून जाण्‍यात यशस्‍वी झाले, तरीही ग्रामस्‍थानी त्‍यांचा पाठलाग करून अखेर चोरटयांना मुंगशी महाविद्यालयाजवळ पकडले. यावेळी दोघे चोरटे पळुन जाण्‍यात यशस्‍वी झाले.
      ग्रामस्‍थानी पाठलाग करून बण्‍या वशिल्‍या शिंदे रा.उंडेगाव, अमोल उर्फ लल्‍या शिंदे रा. वैराग या दोघाना रंगेहाथ पकडले, तर बंटया ठाक-या भोसले रा. रस्‍तापूर , राहुल भारत काळे रा. कोरफळे हे दोघे पळुन गेले. पकडलेल्‍या चोरटयाकडुन एअर पिस्‍तुल, करावणी, एक मोटारसायकल, चांदीचा करंडा, दोन चांदीचे पंचपात्र, एक चांदीची मुर्ती असा 24 हजार 200 रुपयाचा मुद्देमाल मिळाला आहे. यावेळी पोलिसांनी केलेल्‍या अंगझडतीमध्‍ये दोन सोन्‍याची कर्णफुले मिळून आली. याबाबतची फिर्याद इंद्रजित सदाशिव क्षिरसागर यांनी वैराग पोलिसात दिली आहे. पुढील तपास सहाय्यक पोलीस फौजदार राजेंद्र बुरंगे हे करीत आहेत.

वैराग परिसरात जोरदार पाऊस

वैराग (महेश पन्‍हाळे) : बार्शी तालुक्‍यात मृग नक्षत्राच्‍या झालेल्‍या जोरदार पावसामुळे नागझरी व भोगावती नद्याचे पात्र भरून ओसंडून वाहू लागल्‍या आहेत.
    नद्यांना आलेल्‍या पाण्‍यामुळे शनिवारी दि. 30 ऑगस्‍ट रोजी बाळेरास (ता.बार्शी) येथील नागझरी नदीवरील पुलावरून वाहणा-या पाण्‍यामुळे बार्शी ते सोलापूर या मार्गावरील वाहतूक सात तास ठप्‍प झाली होती. अचानक आलेल्‍या या पाण्‍यामुळे नद्या काठच्‍या हत्‍तीज राळेरास, धामणगाव (दु), सासुरे, दहिटणे, मुंगशी (वा) आदी गावातील शेतकरी, जनावरे शेतात अडकून पडले होते. नदीकाठच्‍या शेतातील पिके, शेती औजारे नद्यामधील पाण्‍यात वाहून गेले आहेत. रूई (ता.बार्शी)  येथील एक पाझर तलाव फुटल्‍याने अनेक शेतक-यांची जमीन, माती व कांद्याचे पिकही वाहून गेली आहेत. गेली अनेक महिने वाट पाहवी लागणा-या पावसामुळे नुकसान का होईना? मात्र अणखी दमदार पाऊस पडायला हवा अशी विनवणी बळीराजाकडून केली जात आहे.
    दरम्‍यान गेली कित्‍येक वर्षे कोरडी असलेल्‍या नागझरी नदी वाहू लागल्‍याने राळेरास सरपंच सुरेश पंके, बार्शी तालुका कॉंग्रेस अध्‍यक्ष सुधीर गाढवे, मोहन पाटील आदींनी नदीचे जलपूजन करुन श्रीफळ अर्पण केला. हिंगणी, हत्‍तीज, जळगाव, राळेरात, शेळगाव मुंगशी ते शेरेवाडी, भागाईवाडी कौठाळी (ता. उत्‍तर सोलापूर) या गावचा संपर्क नदीस आलेल्‍या पाण्‍यामुळे तुटला आहे. सायंकाळी पाचनंतर नदीच्‍या पाण्‍याचा प्रवाह कमी झाल्‍याचे धनाजी मल्‍लीकार्जून क्षीरसागर यांनी सांगितले. तर पाहटे सव्‍वाचार नंतरच्‍या एस.टी बसेस राळेरात येथे अडकून पडल्‍याने प्रवाशी व वाहनधारकांची मोठी पंचायत झाली होती.

जिल्हा निर्मल करण्यासाठी कामाला लागा : जिल्हाधिकारी डॉ. नारनवरे

Written By tuljapurlive.com on Saturday, 30 August 2014 | Saturday, August 30, 2014

उस्मानाबाद :-  उस्मानाबाद तालुका संपूर्णपणे निर्मल व्हावा यासाठी प्रयत्न करण्यात येत आहेत. नागरिकांना त्यासंदर्भात जागृत करण्याचे काम हे ग्रामपातळीवर काम करणाऱ्या सरकारी यंत्रणेतील अधिकारी-कर्मचाऱ्यांचे आहे. त्यामुळे या सर्वांनी जिल्हा हागणदारीमुक्त होण्यासाठी प्रयत्न करावेत आणि घर तेथे शौचालय असलेच पाहिजे, यादृष्टीने काम करावे, असे आवाहन जिल्हाधिकारी डॉ. प्रशांत नारनवरे यांनी केले.
        येथील जिल्हा परिषदेच्या कै. यशवंतराव चव्हाण सभागृहात तलाठी, ग्रामसेवक, पोलीस पाटील यांच्यासाठी जिल्हास्तरीय कार्यशाळेचे आयोजन करण्यात आले होते. त्याचे उद्धाटन डॉ. नारनवरे यांच्या हस्ते झाले. त्यावेळी ते बोलत होते. अपर जिल्हाधिकारी जे.टी. पाटील, उपजिल्हाधिकारी (रोहयो) श्री तांबे, जिल्हापरिषदेच्या पाणीपुरवठा व स्वच्छता कक्षाचे उप मुख्य कार्यकारी अधिकारी दुबाकले, उपमुख्यकार्यकारी अधिकारी (पंचायत) श्री. माने, विविध तालुक्यातील तहसीलदार व गटविकास अधिकारी यांची यावेळी उपस्थिती होती.
          यावेळी बोलताना जिल्हाधिकारी डॉ. नारनवरे यांनी गेल्या काही महिन्यांपासून विविध नावीन्यपूर्ण उपक्रमांच्या माध्यमातून जिल्हा प्रशासन  काम करीत असल्याचे सांगितले. मात्र, त्याचबरोबर उत्तम आरोग्यासाठी आणि स्वच्छ परिसरासाठी प्रत्येकाने आपला परिसर स्वच्छ ठेवणे आवश्यक आहे. जिल्ह्यात केवळ 30 टक्के नागरिकांकडे वैयक्तिक शौचालये आहेत. पर्यावरणाच्या दृष्टीनेही घर तेथे शौचालय ही संकल्पना प्रत्यक्षात येणे आवश्यक आहे, असे त्यांनी नमूद केले.
            आपला जिल्हा निर्मल जिल्हा होण्यासाठी प्रत्येक नागरिकाने आणि प्रत्येक कुटुंबाने पुढाकार घेतला पाहिजे.  त्यामुळेच यापुढे निवेदने घेऊन जिल्हा मुख्यालयात येणाऱ्या विविध संघटना, मित्रमंडळे आणि नागरिकांकडे वैयक्तिक शौचालये आहेत का, त्यांनी आपापल्या गावात वृक्षलागवड केली आहे का, याचीही माहिती घेतली जाणार आहे.    तलाठी, ग्रामसेवक, पोलीस पाटील या ग्रामस्तरावरील कर्मचाऱ्यांनी अधिक जागरुकतेने याबाबत नागरिकांना आवाहन केले पाहिजे. शासकीय योजनांचा लाभ घ्यायचा असेल तर प्रत्येकाने कर्तव्यही बजावले पाहिजे. ग्रामस्तरावरील यंत्रणांनी अधिकाधिक गतीमान झाले पाहिजे, असे निर्देश त्यांनी दिले.
         वैयक्तिक शौचालय बांधकाम, परिसर स्वच्छता, पर्यावरण संतुलित समृद्ध ग्राम योजनेसाठी वृक्षलागवड असे उपक्रम राबविण्यात येणार आहेत. जी गावे या उपक्रमाकडे दुर्लक्ष करतील, त्यांच्याच विकासावर परिणाम होणार असल्याने ही गावे मागे राहतील. त्यामुळे सर्वांनी पुढाकार घ्यावा, असे आवाहन केले. विविध योजनांची एकत्रित अंमलबजावणी गावात व्हावी, यासाठी गावानेच एकत्र येऊन विकास आराखडा तयार करावा, असे डॉ. नारनवरे यांनी नमूद केले.
    अपर जिल्हाधिकारी श्री. पाटील यांनी युवक-युवती मेळाव्यांच्या माध्यमातून व्यसनमुक्ती, महिला सबलीकरण, निर्मल ग्राम, पर्यावरणपूरक गाव निर्मितीसाठी प्रयत्न करण्यात येत असल्याचे सांगितले. तालुकावार असे मेळावे घेऊन युवक-युवतींना प्रोत्साहन देण्याचे काम अशा उपक्रमातून होत आहे. प्रत्येक गावांत मिळत असणारा प्रतिसाद पाहता गावांमध्ये सकारात्मक बदल होऊ शकेल, असे त्यांनी सांगितले.
     उपजिल्हाधिकारी श्री. तांबे यांनी रोजगार हमी योजनेंतर्गत वैयक्तिक शौचालय घेण्यासाठी प्रेरित करण्याचे आवाहन ग्रामस्तरावरील यंत्रणांना केले. श्री. दुबाकले यांनी प्रमुख मान्यवरांचे स्वागत केले. रमाकांतगायकवाड यांनी सूत्रसंचलन केले.

फोटो गॅलरी

जुनी लेखमाला

वाचक क्रमांक

नर—मादी धबधबा

तुळजापुरचे आजचे तापमान

जाहिरात


श्री क्षेत्र गाणगापूर, भक्‍त निवास

पद्मश्री डॉ. विठ्ठलराव एकनाथराव विखे पाटील स्‍मृती मंडळ

श्री दत्‍तात्रय कृपा भक्‍त निवास, संगम रोड, श्री क्षेत्र गाणगापूर, जि. गुलबर्गा

फोन - (08470) 274449

Shri Guru Datta Family Restaurant

Temple Ghangapur, tq - Afzalpur, Dist - Gulbarga

prop : M.N. Tonashal

Cell : 9449527500, 8722199972, 7411988898

अभय डिजीटल अँन्ड बुक डेपो

मेन रोड पांगरी, ता. बार्शी

प्रो.प्रा. वासकर बंधु

मो. 9421027633, 9604471107.

गुरूदत्त सिमेंट अँन्ड इलेक्ट्रिकल्स

पांगरी, ता. बार्शी

आमच्याकडे सर्व प्रकारचे इलेक्ट्रिकचे साहित्य व सिमेंट योग्य दरात मिळेल.

प्रो.प्रा. विक्रांत गरड

मो. 9423989888, 9763550450

जीप व कार भाड्याने मिळेल

आमच्‍याकडे टाटा स्‍पोसिओ गोल्‍ड जीप, इंडिका, क्रुझर योग्‍य दरात भाडयाने मिळेल

संपर्क - अफझल हॉटेल

व्‍यासनगर, नळदुर्ग, ता.तुळजापूर

मो. 9096719058, 9881785863

टाटा सुमो भाडयाने मिळेल

बालाघाट झेरॉक्‍स व जनरल स्‍टोअर्स

उस्‍मानाबाद जनता बँकेच्‍या खाली, नळदुर्ग, ता.तुळजापूर

संपर्क - विक्रम मगतराव

मो. 7588937491

चालक - विनायक वाघमोडे, मो. 8007205676

सायबर कॉम्पुटर्स

भवानी चौक पांगरी, ता. बार्शी

प्रो.प्रा. निलकंठ कदम

मो. 8275303079, 9096271219

सक्सेस कॉम्पुटर इन्स्टयुट पांगरी, ता. बार्शी प्रो.प्रा. वाहिद शेख मो. 8275457858, 9767777879. सादिक रेडीएटर्स सेल्स अँन्ड सर्व्हिस

हॉटेल शालीमार समोर, बार्शी

प्रो.प्रा. सादिक काझी

मो. 9822669832, 9158499000

ज्ञानगंगा कोचिंग क्लासेस

शिवरामनगर, पांगरी, ता. बार्शी

1 ली ते 12 वी पर्यंत गणित, इंग्रजी, विज्ञान, मराठी व इंग्रजी माध्यम.

प्रो.प्रा. दादासाहेब बचुटे

मो. 9561786109, 9404054796

जी.बी.घावटे

विमा व जनरल इंश्युरन्स प्रतिनिधी

मु.पो. पांगरी ता. बार्शी.

मो. 9922974675, 9405678213

बचुटे ट्रॅव्हल्‍स पांगरी

आमच्याकडे सर्व प्रकारच्या चारचाकी गाडया भाडयाने मिळतील

संपर्क - धनंजय बचुटे पांगरी ता.बार्शी़

मो. 8275266633, 9763637614.

कार विकणे आहे

महिंद्रा लोगन कंपनी 2007 चा मॉडेल,

ब्‍लॅक कलर, गुड कंडिशन मध्‍ये असलेली

कार योग्‍य किंमतीस विकणे आहे.

संपर्क - मनीषसिंह हजारे, नळदुर्ग (जि. उस्‍मानाबाद)

मो. 9975384400

समर्थ कॉम्‍प्‍युटर सेंटर

मेन रोड नळदुर्ग, माऊली नगर नळदुर्ग

आमच्‍याकडे नवीन संगणक विक्री, दुरुस्‍ती, नौकरीविषयक फॉर्म विक्री,

ऑनलाईन फॉर्म भरणे, जॉबवर्क यासह कलर झेरॉक्‍स

संपर्क - संजय हजारे

मो. 9860888020, 8275516356

फोन. 02471 - 246158

श्री तुळजाभवानी देवीचे पुजारी

श्री. रमेश रामचंद्र कदम

मंगळवार पेठ, खंडोबा मंदिरासमोर श्री क्षेत्र तुळजापूर

फोन नं. 02471-243184

मो.नं. 9850280838, 9028840845

श्री तुळजाभवानी देवीचे पुजारी

क्षेत्र तुळजापूर - पुजारी व सेवदारी, देवीच्‍या पुजेची व जेवणाची,

राहण्‍याची उत्‍तम सोय,

शिवपार्वती निवास, घाटशिळ रोड, कार पार्किंग समोर

श्री क्षेत्र तुळजापूर,

संपर्क : संभाजी शिवाजीराव चोपदार,

मो. 9850442574, 9850426337, 9922181829