CURRENT-NEWS

Today News

उस्‍मानाबादेत तरूणांचा भाजपात प्रवेश

Written By tuljapurlive.com on Thursday, 28 August 2014 | Thursday, August 28, 2014

 उस्‍मानाबाद - गणेश मोरे यांच्‍या नेतृत्‍वाखाली नेताजी कोळगे, अंकुश शिंदे, वसिम पठाण, प्रमोद कुलकर्णी, सोनु धावारे, उमेश कुलकर्णी, आशिष डीगीकर, किरण सोनवणे, भरत धुमाळ, अनंत जाधव यासह मोठया संख्‍येनी तरूणांनी भारतीय जनता पार्टी मध्‍ये प्रवेश केला. भाजपाचे जिल्‍हाध्‍यक्ष नितीन काळे यांच्‍या हस्‍ते प्रमुख कार्यकर्त्‍यांचे पक्षामध्‍ये स्‍वागत करण्‍यात आले. याप्रसंगी रामभाऊ पडवळ, तालुकाध्‍यक्ष भिमराव साळुंके, भिमाशंकर हासुरे, प्रविण पाठक, विनायक कुलकर्णी यांची प्रमुख उपस्थिती होती.
  यावेळी बोलताना नितीन काळे म्‍हणाले की, भारतीय जनता पार्टीचे पंतप्रधान नरेंद्र मोदी यांची निवड झाल्‍यापासून देशातील तरूणांमध्‍ये उत्‍साहाचे वातावरण पसरले आहे. त्‍यामुळे सक्षम बनविण्‍यासाठी तरूणांनी तन,मन,धनाने भाजपमध्‍ये प्रवेश करावा. असेही त्‍यांनी सांगितले.   

रक्‍तदान शिबीर

उस्‍मानाबाद - कॉंग्रेसचे माजी जिल्‍हाध्‍यक्ष विश्‍वास आप्‍पा शिंदे, वाढदिवसा निमित्‍त रक्‍तदान शिबीर देण्‍यात आले. यावेळी अशोक शिंदे, बाळासाहेब मुडे, नवनाथ डांगे, अग्निवेश शिंदे, सांरंग वाडगवकर, हरिदास शिंदे, प्रशांत बेंद्रे, विजय नाईकवाडी, राहुल जगधने, रणजित आव्‍हसड, संतोष जहागिरदार, गणेश उजनकर, सत्‍यजित शिंदे आदी

डॉ. आंबेड‍कर यांच्‍या विचाराशिवाय परिवर्तनाची चळवळ अशक्‍य

नळदुर्ग -  सामाजिक परिवर्तनाची परिभाषा शिकविणारे महामानव डॉ. बाबासाहेब आंबेड‍कर यांच्‍या विचाराशिवाय समग्र परिवर्तनाची चळवळ यशस्‍वी होणार नाही, म्‍हणूनच साहित्‍य सम्राट लोकशाहीर आण्‍णा भाऊसाठे यांनी 'जग बदल घालूनी घाव मज सांगून गेले भिमराव' असे सांगितल्‍याचे  परिवर्तन सामाजिक संस्‍थचे सचिव मारूती बनसोडे, यांनी गुजनूर ता. तुळजापूर येथे बोलताना सांगितले.
   साहित्‍यरत्‍न आण्‍णाभाऊ साठे जयंती उत्‍सव मंडळ गुजनूरच्‍या वतीने आण्‍णाभाऊ साठे यांच्‍या जयंती निमित्‍त घेण्‍यात आलेल्‍या विविध स्‍पर्धेतील विजेत्‍या शालेय विद्यार्थ्‍यांना बक्षीस वितरण व व्‍याख्‍यानाच्‍या कार्यक्रमाचे आयोजन गुरूवार रोजी करण्‍यात आले होते.यावेळी  पूढे बोलताना बनसोडे म्‍हणाले की, बहुजनांतील महामानवाचे विचार हे अखिल मानव जातीसाठी प्रेरणादायी आहेत. तेव्‍हा महामानवांना जाती जातीत बंदिस्‍त ठेवू नका. त्‍यांचे विचार आचरणात आणण्‍याच्‍या प्रत्‍येकांनी प्रयत्‍न करावा.
   यावेळी प्रमुख पाहूणे म्‍हणून रिपाईचे तालुकाध्‍यक्ष एस.के गायकवाड, आर.एस गायकवाड, दयानंद काळुंके, लहुजी शक्‍ती सेनेचे जिल्‍हाध्‍यक्ष शिवाजी गायकवाड, सोमनाथ बनसोडे, शिरीष डुकरे आदी उपस्थितीत होते.  या कार्यक्रमाच्‍या अध्‍यक्षस्‍थानी पोलिस पाटील किशोर वाघमारे, कार्यक्रमाचे प्रास्‍ताविक व सुत्रसंचलन महादेव मोरे यांनी केले. यावेळी सरपंच आण्‍णाराव मुलगे, उपसरपंच संतोष पाटील, इजाप्‍पा वाघमारे, जयवंत वाघमारे, संजय मोटे, दयानंद मोरे यांसह ग्रामस्‍थ उपस्थित होते.शेवटी भव्‍य मिरवणूकीने जयंतीची उत्‍सहात सांगता करण्‍यात आली.

बार्शीत रिपब्लिकन पार्टीच्या चौदा शाखांची स्थापना

    बार्शी - येथील रिपब्लिकन पार्टी ऑफ इंडिया (आठवले गट) च्या नूतन चौदा शाखांची स्थापना करण्यात आली. नूतन शहराध्यक्ष शंकर  वाघमारे यांची नुकतीच निवड झाल्यानंतर बार्शीतील विविध ठिकाणी शाखांची स्थापना करण्यात आली आहे.
    यावेळी विविध सामाजिक प्रश्‍नांसाठी शहरातून मोर्चा काढून तहसिलदार यांच्याकडे निवेदन देण्यात आले आहे. उपाध्यक्ष राहूलभैय्या बोकेफोडे, दयावान कदम, अभिमान थोरात, नितीन मस्के, प्रमोद शिंदे, सोमा बोकेफोडे, विशाल बोकेफोडे, सूरज कांबळे, विनोद लंकेश्वर, प्रविण गायकवाड, अजय वाघमारे यांच्यासह शेकडो कार्यकर्त्यांनी सहभाग नोंदविला.   
    बार्शीतील भीमनगर, लोकमान्य चाळ, ४२२ ख्वाजा गरिब नवाज नगर, रमामाता नक्षर, बेलदार गल्ली, रमाई चौक, भिमाई चौक, जैन मंदिर, ज्ञानेश्वर मठ, अण्णाभाऊ साठे नगर, जयभिम नगर, राजन मिल, सिध्दार्थ नगर, सोलापूर रोड आदी ठिकाणी या शाखांची स्थापना करुन फलक लावण्यात आले. बार्शी तालुका दुष्काळग्रस्त जाहीर करावा, दलितांवरील अन्यायाची दखल घ्यावी, शिष्यवृत्तीत वाढ, रमाई घरकुल योजनेतील जाचक अटी शिथील कराव्या, गारपीठग्रस्तांचे अनुदान वाटप करावे आदी मागण्यांचे निवेदन नायब तहसिलदार पवार यांच्याकडे देण्यात आले.

तुळजापूर-हिंदुगर्जना ढोल पथक सज्ज..

  तुळजापूर - तुळजापूर येथे नव्यानेच स्थापन करण्यात आलेल्या हिंदुगर्जना गणेश मंडळाच्याढोल पथकाची तयारी अंतिम टप्प्यात आलेली आहे.
   तुळजापूर मध्ये ढोल ताशा पथकाची स्थापना प्रथमच करण्यात आली आहे.पारंपारिक वाद्यापासून युवक दूर चालले असून पुन्हा एकदा पारंपारिक पद्धतीने मिरवणूक काढण्याची गरज आहे.युवा शक्तीचे योग्य मार्गाने प्रदर्शन करण्याचा मंडळाचा विचार आहे.

जैन समाज सभागृह बांधकामाचे भूमिपूज

  उस्‍मानाबाद - माजी मंत्री राणाजगजितसिंह पाटील यांच्‍या प्रयत्‍नातून आ. रामराव वडपुते यांच्‍या स्‍थानिक विकास निधीतून शहरातील जैन समाज सभागृहास पाच लाखांची निधी मंजूर करण्‍यात आले. या निधीतून बांधण्‍यात येणा-या सभागृहाचे भूमिपूजनाचा कार्यक्रम उत्‍सहात संपन्‍न झाला.
  शहरातील झाडे गल्‍ली येथे तपस्‍वी सम्राट प.पू 108 संयमसागरजी महाराज यांच्‍या चरणी श्रीफळ अर्पन करून अशिर्वाद घेतला. त्‍यानंतर सकल जैन समाजाच्‍या वतीने उपस्थित मान्‍यवरांचे स्‍वागत करण्‍यात आले. त्‍यानंतर सैतवाल जैन मंदिराचे अध्‍यक्ष महावीर दुरूगकर, नगरसेवक प्रदिप मुंडे, राजकुमार अजमेरा, ट्रस्‍टी कुणाल गांधी ,चार्तुमास  कमिटीचे अध्‍यक्ष प्रसन्‍न फडकुले यांच्‍या हस्‍ते श्रीफळ वाढुन भूमीपुजन करण्‍यात आले.
   यावेळी तपस्‍वी समा्रट प.पू. 108 संयमसागरजी महाराज सभागृहाच्‍या बांधकामात दर्जेदार व लवकर व्‍हावे, यासाठी आशिर्वाद दिला. चातुर्मास कमिटीचे माजी अध्‍यक्ष उल्‍हास चाकवते, माजी नगरसेवक चंद्रकांत मुडे, सैतवाल जैन मंदिराचे सचिव भारत दुरूगकर, कोषाध्‍यक्ष प्रविण बोपलकर, सहसचिव सुदर्शन कोंडेकर, मनोज चाकवते, स्‍वप्‍निल फडकुले, अतुल अजमेरा, सुहास हिंदाणे, बंटी फलसे, अविनाश ढोकर, विलास दुरूगकर, भारत झांबरे, मिलींद एखंडे, सुरेश फडकुले, धीरज पांडे यासह जैन समाजातील श्रावक - श्रविका मोठया संख्‍येने उपस्थित होते.
   

जिल्‍हा पत्रकार संघाच्‍या जिल्‍हाध्‍यक्षपदी पोतदार ,सरचिटणीसपदी सोनटक्‍के

उस्‍मानाबाद - उस्‍मानाबाद जिल्‍हा पत्रकार संघाच्‍या जिल्‍हाध्‍यक्षपदी झी 24 तासचे महेश पोतदार यांची तर सरचिटणीसपदी लोकमतचे  विशाल सोनटक्‍के यांची निवड करण्‍यात आली.
  उस्‍मानाबाद जिल्‍हा पत्रकार संघाच्‍या वतीने  वार्षिक सर्वसाधारण सभा मावळते, अध्‍यक्ष अनंत अडसुळ यांच्‍या अध्‍यक्षतेखाली पार पडली. यात सन 2014 - 16 साठी नवीन कार्यकारणी एकमतानी निवडण्‍यात आली. उस्‍मानाबाद जिल्‍हा संघाचे अध्‍यक्ष म्‍हणून झी 24 तासाचे जिल्‍हा प्रतिनिधी महेश पोतदार यांची निवड करण्‍यात आली.    अन्‍य पदाधिकारी पुढीलप्रमाणे - उपाध्‍यक्ष देविदास पाठक, स‍हसरचिटणीस जी. बी. राजपूत , कोषाध्‍यक्ष रणजित दुरूगकर ,  प्रांतप्रतिनिधी म्‍हणुन ज्ञानेश्‍वर पंतगे , जिल्‍हा संघटकपदी बालाजी निरफळ , प्रवक्‍ता कालिदास म्‍हेत्रे , कार्यकारणी  सदस्‍य म्‍हणुन सयाजी शेळके, बाळासहेब मुंदडा,  यांची निवड करण्‍यात आली. तर कायम निमंत्रितपदी कमलाकर कुलकर्णी, अनंत अडसुळ, संजय पाटोळे, रविंद्र केसकर, आदिच्‍या निवडी सर्वानुमते करण्‍यात आल्‍या .
खेळीमेळीच्‍या वातावरणात पार पडलेल्‍या या वार्षिक बैठकीस जेष्‍ठ पत्रकार दिलीप पाठक-नारीकर , चंद्रसेन देशमुख, विकास सुर्डी, राजेंद्र बहिरे, आदि सदस्‍य उपस्थि होते. नुतन पदाधिका-यांचा सत्‍कार संघाचे मावळते अध्‍यक्ष अनंत अडसुळ यांच्‍या हस्‍ते करण्‍यात आला.  

सत्‍ताधारी व विरोधकांच्‍या मिलीभगतमुळे विकास खुटला

नळदुर्ग - सत्‍ताधारी व विरोधकांच्‍या मिलीभगतमुळे तुळजापूर तालुक्‍याच्‍या विकासाची वाट लागली असुन मतदारानी यांचा वचपा विधानसभा निवडणुकीत काढुन त्‍यांना त्‍यांची जागा दाखवुन देण्‍याचे आवाहन महाराष्‍ट्र नवनिर्माण सेनेचे युवा नेते एस. के. जहागिरदार हे नळदुर्ग परिसरात मनसेच्‍या नुतन शाखा उदघाटन प्रसंगी केले .
    तुळजापूर तालुक्‍यातील  चिवरी (उमरगा), केशेगाव, इटकळ, आरबळी,गुळहळळी , पाटील तांडा, वागदरी, गुजनूर, आरळी (बु), बिजनवावाडी , किलज, शाहपूर , दहिटणा , काळेगाव,येवती , आदिसह पंधरा गावात  महाराष्‍ट्र नवनिर्माण सेनेच्‍या शाखा उघडण्‍यात आले आहे.  यावेळी जहागिरदार हे बोलत होते,  ते पुढे म्‍हणाले की, तालुक्‍यात एकही उद्योग धंदा टिकला नाही , त्‍यामुळे सहकार क्षेत्र मोडित निघाले , बेरोजगारी वाढली ,विकासाऐवजी अद्योगतीकडे वाटचाल सुरू आहे.   सत्‍ताधारी मंडळीनी तालुक्‍यात एकही उद्योगधंदा  उभा केला नाही. उलट त्‍यांनी सहकार क्षेत्र मोडित काढुन शेतक-यांना देशोधडीस लावले, तर कामगारांची मोठी गळचेपी केली असे असतानासुध्‍दा विरोधकांनी विरोध केला नाही. शेत‍क-यांच्‍या हितासाठी व सर्वाच्‍या विकासाठी येत्‍या विधानसभा निवडणुकीत सत्‍ताधा-यासह विरोधकांना त्‍यांची जागा दाखवुन देण्‍याचे सांगुन मनसेचे अध्‍यक्ष राज ठाकरे यांच्‍या मार्गदर्शनाखाली भविष्‍यात तुळजापूर तालुक्‍यात मोठयाप्रमाणात उद्योगधंदे उभारण्‍यात येणार आहे. त्‍यामुळे बेरोजगारांना रोजगार उपलब्‍ध होणार असल्‍याचे मनोदय त्‍यानी व्‍यक्‍त केले .

सवलती जिल्ह्यास मिळण्यासाठी पाठपुरावा करु- केंदिय मंत्री गीते

  उस्मानाबाद- उस्मानाबाद जिल्ह्याच्या विकासकामांसंदर्भात केंद्र शासनाकडे प्रलंबित प्रस्ताव असतील तर राज्य शासनामार्फत पुन्हा ते  प्रस्ताव सादर करावेत. ते प्रस्ताव मंजूर करण्यासाठी पाठपुरावा केला जाईल तसेच उस्मानाबाद जिल्ह्याचा समावेश मागास जिल्हा म्हणून करण्याबाबत आणि त्यासंदर्भातील सवलती जिल्ह्यास मिळण्याबाबतही पाठपुरावा करु, असे प्रतिपादन केंद्रीय अवजड उद्योग व सार्वजनिक उपक्रम मंत्री अनंत गीते यांनी केले.
   टंचाई परिस्थितीच्या कार्यवाहीबाबत पुन्हा एकदा आवश्यक ती पावले उचलून प्रत्यक्ष गावनिहाय संबंधित अधिकारी-कर्मचाऱ्यांमार्फत भेटी देऊन वस्तुनिष्ठ अहवालानुसार कार्यवाही करण्याच्या सूचना त्यांनी जिल्हा प्रशासनाला दिल्या. ठिबक सिंचनासाठीचा केंद्र शासनाचा अनुदानाचा प्रलंबित निधी देण्याबाबत कार्यवाही केली जाईल, असे त्यांनी सांगितले. 
         श्री. गीते यांनी बुधवारी सकाळी उस्मानाबाद तालुक्यातील घुगी, कोंड, नितळी, मेंढा आदी गावांना भेटी देऊन तेथील पीक परिस्थिती व टंचाई परिस्थिती जाणून घेतली. त्यानंतर त्यांनी जिल्हाधिकारी कार्यालय सभागृहात टंचाईबाबत आढावा बैठक घेतली.  खासदार प्रा. रवींद्र गायकवाड, आमदार ओमप्रकाश राजेनिंबाळकर, आमदार ज्ञानराज चौगुले, जिल्हाधिकारी डॉ. प्रशांत नारनवरे, सुधीर पाटील, उपविभागीय अधिकारी अभिमन्यू बोधवड, तहसीलदार सुभाष काकडे आदींची यावेळी उपस्थिती होती.
      यावेळी संबंधित गावात जाऊन श्री. गीते यांनी पीक परिस्थितीची पाहणी केली. तेथील शेतकऱ्यांशी संवाद साधून पीक पेरणी, पीक कर्ज वाटप, बी-बियाणे वाटप आदींबबत माहिती घेतली. त्यानंतर त्यांनी आढावा बैठकीत विविध शासकीय यंत्रणांची बैठक घेऊन आढावा घेतला. जिल्हाधिकारी डॉ. नारनवरे, जिल्हा परिषदेच्या मुख्य कार्यकारी अधिकारी सुमन रावत, अपर जिल्हाधिकारी जे.टी. पाटील, निवासी उपजिल्हाधिकारी श्रीरंग तांबे यांच्यासह विविध यंत्रणांचे प्रमुख उपस्थित होते.
        जिल्ह्यातील सध्याचा उपलब्ध पाणीसाठा, प्रशासनाने केलेल्या उपाययोजना, बोअर- विहीर अधीग्रहण आदींची श्री. गीते यांनी माहिती घेतली. जिल्हा प्रशासनामार्फत करण्यात येत असणाऱ्या भूजलपातळी वाढविण्यासाठीच्या प्रयत्नांचेही त्यांनी कौतुक केले.  सरासरीपेक्षा उस्मानाबाद जिल्ह्यात सरासरीपेक्षा कमी पाऊस झाला आहे.  गेल्या सलग दोन वर्षातही टंचाई परिस्थिती होती.  टंचाई परिस्थितीचा सामना करण्यासाठी सर्वतोपरी सहकार्य केंद्र शासनाकडून केले जाईल. उस्मानाबाद जिल्ह्यासंदर्भातील प्रलंबित प्रश्नांबाबत राज्य शासनामार्फत पाठपुरावा करावा, त्यांची सोडवणूक करण्याची ग्वाही यावेळी त्यांनी दिली.
          उस्मानाबाद जिल्ह्याचा केंद्र शासनाच्या मागास जिल्हा यादीत समावेश नाही. जिल्हा प्रशासनाने यासंदर्भातील परिपूर्ण प्रस्ताव राज्य शासनामार्फत सादर करावा. उस्मानाबाद जिल्ह्याचा समावेश या यादीत करण्याबाबत पाठपुरावा करण्यात येईल, असे श्री. गीते यांनी यावेळी सांगितले. टंचाई परिस्थितीचा मुकाबला करण्यासाठी सामाजिक संस्था पुढाकार घेणार असतील तर त्यांना आवश्यक ते सहकार्य आणि प्रोत्साहन प्रशासनाने द्यावे, अशी सूचनाही त्यांनी केली.
        पाणलोट क्षेत्र वाढविण्यासाठी आवश्यक त्या उपाययोजना हाती घ्याव्यात, स्थानिक पातळीवर एकात्मिक पद्धतीवर भर द्यावा, असे त्यांनी सांगितले. शेतकऱ्यांना कर्ज देताना अडवणूक करणाऱ्या बॅंकावर कार्यवाही करण्याच्या सूचनाही श्री. गीते यांनी दिल्या.    जिल्ह्यात अवजड उद्योग आणण्यासंदर्भातील मागणीचा सकारात्मक विचार केला जाईल, असेही त्यांनी नमूद केले.
        यावेळी आमदार राजेनिंबाळकर, आ. चौगुले, श्री.पाटील यांनीही जिल्हाविकासा संदर्भातील अपेक्षा केंद्रीय मंत्री श्री. गीते यांच्यासमोर मांडल्या. जिल्हाधिकारी डॉ. नारनवरे यांनी जिल्हा प्रशासनामार्फत करण्यात येत असलेल्या उपाययोजनांची माहिती सादरीकरणाद्वारे दिली.
        दरम्यान,  केंद्रीय मंत्री श्री. गीते यांचे मंगळवारी औरंगाबादहून तुळजापूर येथे आगमन  झाले. श्री तुळजाभवानी मातेचे दर्शन घेऊन त्यांनी उस्मानाबाद येथील मुक्कामी स्थानिक लोकप्रतिनिधींशी चर्चा केली.                  

वैराग- सां . बा. कार्यालयाच्‍या प्रवेशद्वारास तलावाचे स्‍वरूप

वैराग - येथिल सार्वजनिक बांधकाम विभागाचे भांडारगृह म्‍हणजे विविध पक्षाच्‍या कार्यकर्त्‍याचे विश्रामगृह अशी ओळख सर्वश्रुत असलेल्‍या या इमारतीमध्‍ये कार्यकर्त्‍याची गर्दी असली तरी नियोजना अभावी प्रवेश दारातच पाणी साठा होवुन त्‍यास तळयाचे स्‍वरूप प्राप्‍त झाले.
  पावसाळयात दरवर्षी बांधकाम विभागाच्‍या भांडारगृहाचे प्रवेशद्वार पाण्‍याच्‍या डबक्‍यात हरवुन जाते. त्‍यामुळे अनेकांना त्‍याचा त्रास सहन करावा लागतो.  सुंदर रस्‍ते व देख्‍ाणे इमारती तयार करण्‍याची जबाबदारी पार पाडण्‍यासाठी कार्यरत असलेले वैरागचे भांडारगृह दुर्लक्षामुळे समस्‍याच्‍या विळख्‍यात सापडले आहे. ही इमारत सोलापूर - बार्शी रस्‍त्‍यावर असुन गटारीची दुरावस्‍था झाल्‍याने इमारतीच्‍या दारतच पाणी साठत आहे. याठिकाणी रस्‍त्‍याच्‍या दुतर्फा गटारी नसल्‍याने ऐन पावसाळयात पाणी रस्‍त्‍यावरच साचते तर कधी वाहते, त्‍यामुळे थोडया फार प्रमाणात हा रस्‍ता खचतो , हमरस्‍त्‍यावरचे मुख्‍य कार्यलय असतानाही बार्शी-सोलापूर ,वैराग-माढा , वैराग-हिंगणी,या रस्‍त्‍याच्‍या दुर्ताफा गटारी आहेत. पंरतु संबधितांच्‍या दुर्लक्षामुळे गटारीवर अतिक्रमण झालेले आहे. तरी संबधितानी याकडे जाणीवपुर्वक लक्ष देवुन समस्‍या सोडविण्‍याची मागणी नागरिकातुन केली जात आहे.   

फोटो गॅलरी

जुनी लेखमाला

वाचक क्रमांक

नर—मादी धबधबा

तुळजापुरचे आजचे तापमान

जाहिरात


श्री क्षेत्र गाणगापूर, भक्‍त निवास

पद्मश्री डॉ. विठ्ठलराव एकनाथराव विखे पाटील स्‍मृती मंडळ

श्री दत्‍तात्रय कृपा भक्‍त निवास, संगम रोड, श्री क्षेत्र गाणगापूर, जि. गुलबर्गा

फोन - (08470) 274449

Shri Guru Datta Family Restaurant

Temple Ghangapur, tq - Afzalpur, Dist - Gulbarga

prop : M.N. Tonashal

Cell : 9449527500, 8722199972, 7411988898

अभय डिजीटल अँन्ड बुक डेपो

मेन रोड पांगरी, ता. बार्शी

प्रो.प्रा. वासकर बंधु

मो. 9421027633, 9604471107.

गुरूदत्त सिमेंट अँन्ड इलेक्ट्रिकल्स

पांगरी, ता. बार्शी

आमच्याकडे सर्व प्रकारचे इलेक्ट्रिकचे साहित्य व सिमेंट योग्य दरात मिळेल.

प्रो.प्रा. विक्रांत गरड

मो. 9423989888, 9763550450

जीप व कार भाड्याने मिळेल

आमच्‍याकडे टाटा स्‍पोसिओ गोल्‍ड जीप, इंडिका, क्रुझर योग्‍य दरात भाडयाने मिळेल

संपर्क - अफझल हॉटेल

व्‍यासनगर, नळदुर्ग, ता.तुळजापूर

मो. 9096719058, 9881785863

टाटा सुमो भाडयाने मिळेल

बालाघाट झेरॉक्‍स व जनरल स्‍टोअर्स

उस्‍मानाबाद जनता बँकेच्‍या खाली, नळदुर्ग, ता.तुळजापूर

संपर्क - विक्रम मगतराव

मो. 7588937491

चालक - विनायक वाघमोडे, मो. 8007205676

सायबर कॉम्पुटर्स

भवानी चौक पांगरी, ता. बार्शी

प्रो.प्रा. निलकंठ कदम

मो. 8275303079, 9096271219

सक्सेस कॉम्पुटर इन्स्टयुट पांगरी, ता. बार्शी प्रो.प्रा. वाहिद शेख मो. 8275457858, 9767777879. सादिक रेडीएटर्स सेल्स अँन्ड सर्व्हिस

हॉटेल शालीमार समोर, बार्शी

प्रो.प्रा. सादिक काझी

मो. 9822669832, 9158499000

ज्ञानगंगा कोचिंग क्लासेस

शिवरामनगर, पांगरी, ता. बार्शी

1 ली ते 12 वी पर्यंत गणित, इंग्रजी, विज्ञान, मराठी व इंग्रजी माध्यम.

प्रो.प्रा. दादासाहेब बचुटे

मो. 9561786109, 9404054796

जी.बी.घावटे

विमा व जनरल इंश्युरन्स प्रतिनिधी

मु.पो. पांगरी ता. बार्शी.

मो. 9922974675, 9405678213

बचुटे ट्रॅव्हल्‍स पांगरी

आमच्याकडे सर्व प्रकारच्या चारचाकी गाडया भाडयाने मिळतील

संपर्क - धनंजय बचुटे पांगरी ता.बार्शी़

मो. 8275266633, 9763637614.

कार विकणे आहे

महिंद्रा लोगन कंपनी 2007 चा मॉडेल,

ब्‍लॅक कलर, गुड कंडिशन मध्‍ये असलेली

कार योग्‍य किंमतीस विकणे आहे.

संपर्क - मनीषसिंह हजारे, नळदुर्ग (जि. उस्‍मानाबाद)

मो. 9975384400

समर्थ कॉम्‍प्‍युटर सेंटर

मेन रोड नळदुर्ग, माऊली नगर नळदुर्ग

आमच्‍याकडे नवीन संगणक विक्री, दुरुस्‍ती, नौकरीविषयक फॉर्म विक्री,

ऑनलाईन फॉर्म भरणे, जॉबवर्क यासह कलर झेरॉक्‍स

संपर्क - संजय हजारे

मो. 9860888020, 8275516356

फोन. 02471 - 246158

श्री तुळजाभवानी देवीचे पुजारी

श्री. रमेश रामचंद्र कदम

मंगळवार पेठ, खंडोबा मंदिरासमोर श्री क्षेत्र तुळजापूर

फोन नं. 02471-243184

मो.नं. 9850280838, 9028840845

श्री तुळजाभवानी देवीचे पुजारी

क्षेत्र तुळजापूर - पुजारी व सेवदारी, देवीच्‍या पुजेची व जेवणाची,

राहण्‍याची उत्‍तम सोय,

शिवपार्वती निवास, घाटशिळ रोड, कार पार्किंग समोर

श्री क्षेत्र तुळजापूर,

संपर्क : संभाजी शिवाजीराव चोपदार,

मो. 9850442574, 9850426337, 9922181829