CURRENT-NEWS

Today News

अज्ञात वाहनाची मोटारसायकल धडक; एक ठार

Written By tuljapurlive.com on Thursday, 31 July 2014 | Thursday, July 31, 2014

नळदुर्ग -: सोलापूर-हैद्राबाद राष्‍ट्रीय महामार्गावरील धनगरवाडी (ता. तुळजापूर) शिवारात अज्ञात भरधाव वाहनाने मोटारसायकलला जोरदार धडक दिल्‍याने झालेल्‍या अपघातात एकजण जागीच ठार झाला तर एकजण गंभीर जखमी झाला. ही घटना गुरुवारी दुपारी चार वाजता घडली.
    घटनास्‍थळावरुन मिळालेली माहिती अशी की,    सरोज पंचम गौतम (वय 35, रा. इटवा, जि. बोंडा, उत्‍तरप्रदेश राज्‍य) असे मृत्‍यू झाल्‍याचे नाव असून सुभाष श्रीराम गौतम (वय 32 वर्षे, रा. उत्‍तरप्रदेश राज्‍य) असे जखमीचे नाव आहे. सोलापूरहून एमएच 13 बीएच 9930 या क्रमांकाच्‍या मोटारसायकलवर बसुन हे दोघेजण येत होते. धनगरवाडी-फुलवाडी दरम्‍यान अज्ञात वाहनाने मोटारसायकलला जोराची धडक दिली. यात सरोज गौतम याचा जागीच मृत्‍यू झाला. तर सुभाष गौतम हा जखमी झाला असून त्‍याच्‍यावर सोलापूरच्‍या शासकीय रुग्‍णालयात उपचार सुरु आहेत. उशीरापर्यंत पोलिसात या घटनेची नोंद झाली नव्‍हती.

बेंबळी ग्रामपंचायतीवर धनगर समाजाचा मोर्चा

उस्‍मानाबाद :- राज्य घटनेतील तरतुदीनुसार धनगर समाजाचा अनुसूचित जमातीमध्ये समावेश करून आरक्षण जाहीर करावे तसेच तांडा वस्ती सुधार योजनेचा निधी मंजूर करवून घेऊन गावातील धनगर वस्तीच्या विकासासाठी तो निधी खर्च करावा, या मागण्यांसाठी धनगर समाजबांधवांनी मेंढरांसह ग्रामपंचायतीवर धडक मोर्चा काढला.
    गावातील श्रीखंडोबा मंदीर येथून सकाळी १० वाजता सामाजिक कार्यकर्ते शिवाजी फस्के, दत्ता सुडके, धनगर विकास परिषदेचे तालुका उपाध्यक्ष शिवाजी गावडे यांच्या नेतृत्वाखाली मोर्चास प्रारंभ झाला. मेंढपाळ व्यावसायिक गोरोबा कोकरे व लक्ष्मण गाडे यांनी आपल्या मेंढरांसह मोर्चात सहभाग नोंदविला. ‘आरक्षण आमच्या हक्काचं, नाही कुणाच्या बाप्पाचं’, ‘धनगर आरक्षण जाहीर झालेच पाहिजे’, अशा घोषणा देत हा मोर्चा ग्रामपंचायतसमोर आला. धनगर विकास परिषदेचे जिल्हाध्यक्ष डॉ. गोविंद कोकाटे व तालुका उपाध्यक्ष शिवाजी गावडे यांनी मोर्चेकर्‍यांना मार्गदर्शन करून या मोर्चामागील भूमिका स्पष्ट केली. यावेळी उपसरपंच बाळासाहेब माने यांनी आपले मनोगत व्यक्त करून धनगर समाजबांधवांच्या या आंदोलनास पाठींबा जाहीर केला. यावेळी ग्रामपंचायत सदस्य बालाजी गावडे, राष्ट्रवादी युवक कॉंग्रेसचे जिल्हा उपाध्यक्ष राजाभाऊ सोनटक्के, माजी सरपंच मोहन खापरे, नंदकुमार गावडे, नवनाथ कांबळे, महादेव गावडे, गोरोबा घोडके, शंकर वाघे, अविनाश सोनटक्के, सचिन कोरे, मारूती कस्पटे, नारायण सोनटक्के, रणजित सोनटक्के, विजय दगडकाडे, तानाजी तानले, दिलीप सोनटक्के, सुहास सोनटक्के, अजय गंगथडे, गणेश गंगथडे, दादा सोनटक्के, रामभाऊ सोनटक्के, मुन्ना वाघुलकर, गजेंद्र वाघुलकर, अंकुश डावकरे, अनिल दाणे, अनिल घोडके, विष्णू सोनटक्के, महेश सोनटक्के, महेश गाडे, आकाश सोनटक्के, बालाजी दाणे, तानाजी फस्के यांच्यासह शेकडो समाजबांधव उपस्थित होते. यावेळी ग्रामसेवक सोनटक्के व तलाठी यांना मागण्यांचे निवेदन सादर करण्यात आले.

आरक्षणासाठी धनगर समाजबांधवांचे आमरण उपोषण सुरु

उस्मानाबाद -: धनगर समाजाचा अनुसूचित जमातीत समावेश करून आरक्षण देण्यात यावे, या मागणीसाठी धनगर आरक्षण कृती समितीच्यावतीने येथील जिल्हाधिकारी कार्यालयासमोर गुरूवार, दि. ३१ जुलै २०१४ पासून आमरण उपोषण सुरू करण्यात आले आहे. याबाबतचे निवेदन  मुख्यमंत्र्यांना पाठविण्यात आले आहे. 
     राज्यातील धनगर समाजाला डॉ. बाबासाहेब आंबेडकर यांनी लिहिलेल्या घटनेनुसार एसटी प्रवर्गाची सवलत मिळणे आवश्यक असताना धनगड हा शब्द हिंदी असल्यामुळे महाराष्ट्रातील धनगर समाज या प्रवर्गात मोडत नसल्याचे सांगितले जात आहे. धनगड आणि धनगर हे दोन्ही शब्द एकच असल्याचा निकाल अलाहाबाद उच्च न्यायालयानेही दिला आहे. असे असताना सवलतीपासून वंचित ठेवण्यासाठी व राजकीय खच्चीकरण करण्यासाठी धनगर समाजाला न्याय दिला जात नाही. आगामी विधानसभा निवडणुकीपूर्वी धनगर समाजाला अनुसूचित जमातीचे आरक्षण लागू न केल्यास निवडणुकीत कॉंग्रेस व राष्ट्रवादी कॉंगे्रस आघाडीला याची किंमत मोजावी लागेल, अशा आशयाचे निवेदन देण्यात आले. या आमरण उपोषणात कमलाकर दाणे, संदीप वाघमोडे, अनिल ठोंबरे, यशवंत डोलारे हे उपोषण करीत आहेत. त्यांना डॉ. गोविंद कोकाटे, राजाभाऊ वैद्य, ऍड. खंडेराव चौरे, आश्रुबा कोळेकर, अमोल गाडे, राहुल कानडे, निळकंठ होळकर, शिवाजी गावडे, सुनिल कानडे, संदीप वाघमोडे, राजाराम तेरकर, पिंटू गायके, अमोल कस्पटे, अनिल ठोंबरे, दत्ता गायके, केशव सलगर, अमोल पाडुळे, पांडूरंग लोकरे, मुकेश कोळेकर, दौलत गाढवे, श्रीकांत मैंदाड, नामदेव गडदे, मनीष वाघमारे, शिवसेनेचे उपजिल्हाप्रमुख अजित पिंगळे, उस्मानाबादचे तालुकाप्रमुख दिलीप जावळे-पाटील, कॉंग्रेस मिडीया सेलचे जिल्हाध्यक्ष धनंजय रणदिवे, रूपामाता मल्टीस्टेटचे चेअरमन ऍड. व्यंकटराव गुंड, प्रशांत कावरे आदींनी पाठींबा दिला.

आपत्कालीन पीक नियोजन व्यवस्थापन

खरीप हंगामात शेतक-यांची आर्थीक उन्नती व्हावी, त्यांच्या प्रयत्नास यश मिळावे, कमी काळात, कमी वेळेत अधिक उत्पन्न देणारी पीक घेवून त्यांचा फायदा व्हावा, यासाठी आपत्कालीन पीक व्यवस्थापनाबाबत राज्य शासनाच्या कृषी विभागातर्फे मार्गदर्शन करण्यात येत आहे. कोणत्या कालावधीत कोणते पीक घ्यावे, याबाबत शेतक-यांना मार्गदर्शन करण्यात येत आहे.
    लहरी हवामानाचा फटका नेहमीच शेतकऱ्यांना बसतो. त्यातच पावसाचे उशीरा होणारे आगमन, पाऊस आल्यानंतरही त्याची अनियमितता यामुळे शेतकऱ्यांनी घेतलेली पीके वाया जातात. श्रम आणि आर्थिक फटकाही शेतकऱ्यांना बसतो. हे टाळण्यासाठी कृषि विभागातर्फे शेतकऱ्यांना आपत्कालीन पीक नियोजन व व्यवस्थापनाबाबत शेतकऱ्यांना आपत्कालीन काळात शेतीची निगा, करावयाची उपाययोजना पेरणी योग्य पावसाचे आगमन व कालावधीमध्ये कोणती पीक घ्यावी व कोणती घेवून नयेत, याबाबत शेतकऱ्यांना मौलिक सल्ला देण्यात येत आहे.
    खरीप हंगाम आता सुरु झाला आहे. अद्यापही जिल्ह्यात पाहिजे त्या प्रमाणात पाऊस पडलेला नाही. खरीप हंगामात पाण्याचा ताण पडल्यास पीकवाढीच्या काळात 15 ते 20 दिवसाची उघडीप झाल्यास पिकावर पाण्याचा ताण येण्याची शक्यता असल्याने शेतक-यांनी काही बाबी लक्षात घेऊन वेळेत शेतीची कामे करणे आवश्यक आहे.
    जमिनीत ओलावा टिकविण्यासाठी शेत तण विरहीत ठेवावे. तणामुळे ओलाव्यासाठी व अन्न द्रव्यासाठी पिकाबरोबर स्पर्धा वाढून ती पिकांना उपलब्ध होत नाही. त्यासाठी खुरपणी, निंदणी करावी. कोळप्याची हलकी पाळी दिल्यास जमिनीतील भेगाव्दारे नष्ट होणाऱ्या पाण्याचा अपव्यय टाळता येतो. आच्छादनाचा वापर करावा. उदा-गिरीपुष्प/ सुबाभूळ पाला किंवा गव्हाचे काडे पसरावे. पिकाच्या बाष्पीउत्सर्जन कमी करण्यासाठी पोटॅशियम नायट्रेटची फवारणी करावी. पाण्याची उपलब्धता असल्यास संरक्षित किंवा पीक जगविण्यासाठी पाणी दयावे, तुषार पध्दतीने पाणी दिल्यास जास्तीचे क्षेत्र कमी कालावधीत भिजविता येईल. तुषार पध्दतीने शक्य नसल्यास एक आड एक सरी भिजवावी व उपलब्ध पाण्याचा योग्य वापर करावा.
    पाण्याचा ताण दिर्घकाळ राहील्यास पिकावर किडीचा प्रादुर्भाव वाढतो. उदा- कापूस पिकावर फुलकिडे तर सोयाबीन पिकावर पाने गुंडाळणाऱ्या अळया, पाने कुरतडणाऱ्या अळ्या, केसाळ अळ्या आदि किडीचा प्रादुर्भाव वाढण्याची शक्यता असते अशा परिस्थितीत कीड नियंत्रण करणे गरजेचे असते.
    उघडिपीनंतर पाऊस पडल्यास नत्राची मात्रा दयावी. कोळप्याच्या साहयाने अथवा लाकडी नांगरास 5 ते 6 इंचावर दोरी बांधून 4 ओळीनंतर सऱ्या काढाव्यात. यामुळे पुढे पडणाऱ्या पावसाचे मुलस्थानी जलसंवर्धन होईल, अशा तऱ्हेने नैसर्गिक साधन संपत्तीचा वापर करुन पिकाचे संरक्षण करावे.
    अतिवृष्टीच्या कालावधीत घ्यावयाची काळजी- अतिवृष्टी झाल्यास शेतातील पाण्याचा निचरा करावा, कापूस, तूरसारख्या जास्त अंतरावरील पिकात एक आड एक सऱ्या काढाव्यात म्हणजे पाण्याचा ताण पडल्यास संरक्षित पाणी दयावे व अतिवृष्टी झाल्यास निचरा होण्यास मदत होईल. जमीन आणि पाण्याचे संवर्धन करणे हा कोरडवाहू शेतीचा आत्मा आहे.
    यानुसार,  दिनांक 1 ते 15ऑगस्ट या कालावधीत संकरित बाजरी, रागी, सुर्यफुल, तूर, एरंडी-धने, एरंडी+तूर,एरडी+आणि धने अपरिहार्य परिस्थीत घ्यावीत. परंतु कापूस, संकरित ज्वारी, भुईमुगाची लागवड करु नये. दि.16 ते 31 ऑगस्ट या कालावधीत संकरित बाजरी, सुर्यफुल, तुर, एरंडी+धने, एरंडी+तूर आणि धने अपरिहार्य परिस्थिती लागवड करावीत. परंतु कापूस, संकरितज्वारी, भुईमग आणि तीळ ही पीके घेवू नयेत.
    दि.20 सप्टेंबर ते 30 सप्टेंबर या कालावधीत रब्बी ज्वारी, करडई पीके घ्यावीत. परंतु हरभरा, जवस आणि गव्हाची पेरणी करु नये. दि. 1 ऑक्टोबर ते 15 ऑक्टोबर पर्यंत रब्बी ज्वारी, करडई आणि जवसाची पीके घ्यावीत. परंतु सुर्यफुल व गव्हाची पेरणी करु नये. आणि दि. 16 ऑक्टोबर ते 10 नोव्हेबर या कालावधीत हरभरा, करडई, गहू आणि जवसाची पीके घ्यावीत. परंतू रब्बी ज्वारी आणि सूर्यफुल या पीकाची लागवड करु नये.
    शेतकऱ्यांनी अधिक माहितीसाठी गावपातळीवरील कृषी सहायक यांच्यासह मंडळ कृषी अधिकारी, तालुकास्तरावर तालुका कृषी अधिकारी, आणि जिल्हास्तरावर अधीक्षक कृषी कार्यालय आणि जिल्हा परिषदेचा कृषी विभाग यांच्या कार्यालयाशी संपर्क साधला तरीही त्यांना ही माहिती मिळू शकेल. त्यामुळे या सर्व मार्गदर्शनाचा लाभ शेतकऱ्यांनी घ्यावा, असे आवाहनही कृषी विभागाच्या मार्फत करण्यात येत आहे.    

- जिल्हा माहिती कार्यालय,
उस्मानाबाद

पिकविम्याची मुदतवाढ करण्याची शेतकरी संघटनेची मागणी

बार्शी (मल्लिकार्जून धारुरकर) -: सद्यस्थितीचा विचार करुन पिकविमा भरण्याची मुदत वाढविण्यात यावी तसेच वंचित गारपीठग्रस्त शेतकर्‍यांना अद्यापही अनुदान मिळाले नसल्याने सखोल चौकशी करावी अशी मागणी शेतकरी संघटनेचे युवा जिल्हाध्यक्ष शंकर गायकवाड यांनी तहसिलदारांकडे केली आहे.
    दुष्काळसदृष्य परिस्थिती निर्माझ झाल्यानंतर उशीराने पावसाचे आगमन झाले त्यमुळे बार्शी तालुक्यात सद्यस्थितीत केवळ ५५ टक्के पेरण्या झाल्या आहेत. पिकविमा भरण्यासाठी देण्यात आलेली मुदत संपत असल्याने शेतकर्‍यांना पिकविम्याचा प्रस्ताव सादर करण्यासाठी मोठ्या संकटाला सामोरे जावे लागत आहे. पिकविम्यासाठी आवश्यक असलेल्या कागदपत्रांची जुळवाजुळव करतांना तलाठ्यांची अनुपस्थिती, शेतकर्‍यांना पेरण्या करण्यासाठी शेतामध्ये थांबावे लागणे आदी कारणांसाठी विलंब होत आहे.
    मुदतवाढ केल्यास शेतकर्‍यांना त्याचा उपयोग होईल याबरोबरच गारपीठग्रस्त शेतकर्‍यांचे नुकसान भरपाई मिळावी यासाठी केंद्र व राज्य शासनाने दिलेले अनुदान ज्यांचे नुकसान झाले नाही त्यांना देण्यात आले आहे. नुकसानग्रस्त शेतकर्‍यांनी विहीत नमुन्यातील र्ए करुनही त्यांचे अर्ज बाजूला ठेऊन ज्यांचे कसलेही नुकसान झाले नाही त्यांच्या खात्यावर पैसे वर्ग करण्याची घाई केली आहे. सदरच्या घटनेत प्रचंड भ्रष्टाचार झाल्याची शंका येत असल्याने त्याची सखोल चौकशी करावी अशी मागणीही शेतकरी संघटनेच्या वतीने करण्यात आली आहे. शेतकरी संघटनेच्या वतीने शेतकर्‍यांच्या मागणी व तक्रारीकडे जाणीवपूर्वक दुर्लक्ष केल्यास शेतकरी संघटना रस्त्यावर उतरेल व प्रसंगी तहसिल कार्यालयास टाळे ठोकून संबंधीत अधिकार्‍यांना तोंडाला काळे फासेल असेही शेतकरी संघटनेच्या वतीने सांगण्यात आले आहे.

खामगावात शुध्द पाणी जागृती अभियान

बार्शी : माणसांना अनेक आजार हे अशुध्द पाण्यामुळेच होतात, ग्रामीण भागात तर बहुतांश नागरीक अशुध्दच पाणी पितात, त्यामुळेच स्वयंसेवी संस्थांनी ही बाब गांभीर्याने घेत ग्रामीण भागात शुध्द पाण्याचे प्रकल्प उभा करण्याचा स्तुत्य आहे़ अशा प्रकल्पामुळे पाण्याबरोबरच नागरीकांची मने देखील स्वच्छ होतील असे प्रतिपादन डॉ़ सुनिल पाटील यांनी केले़.
    खामगाव येथे मातृभुमी प्रतिष्ठाणच्या वतीने शुध्द पाणी जागृती अभियानांतर्गत आयोजित कार्यक्रमात बोलत होते़. अध्यक्षस्थानी शिवाजी ग्राम कृषि मंडळाचे अध्यक्ष प्रभाकर डमरे हे होते़ यावेळी शिवाजी पवार, रोटरीचे अध्यक्ष गौतम कांकरिया, मातृभुमी प्रतिष्ठाणचे अध्यक्ष संतोष ठोंबरे, सचिव प्रतापराव जगदाळे, सदस्य मुरलीधर चव्हाण, शहाजी फुरडे-पाटील, माजी सभापती युवराज काटे, सरपंच सुरज नलगे, कैलास मडके,शुध्द पाणीपुरवठा समितीचे अध्यक्ष काकासाहेब झांबरे, महादेव पाटील आदी उपस्थित होते़
    डॉ़ पाटील म्हणाले की, ग्रामीण भागात आजही मुलभुत सोयीसुविधांची वानवा आहे़ आपण रोज जे पाणी पितो ते आपल्याला वरुन शुध्द आहे असे वाटते मात्र ते तसे  सते, त्यामुळे अनेक आजार होऊ शकतात, त्यामध्ये कॉलरा हा मुख्य आजार आहेक़ॉलºयाबरोबरच काविळ, टॉयफॉइड, व आतड्याचे साठ प्रकारचे आजार होतात़ नागरिकांनी  जार झाल्यावर काळजी घेण्यापेक्षा पुर्वीच घेतलेले चांगले़ असे सांगून मातृभुमी प्रतिष्ठाण ने शुध्द पाणी नव्हे आरोग्याची गंगा गावात आणली असल्याचे पाटील म्हणाले़ शिवाजी पवार यांनी आज आपण नको त्या ठिकाणी कितीतरी पैसा खर्च करतो, मात्र पाण्याच्या बाबतीत आपण दक्ष नाही़ शुध्द रहाणे व चांगले खाणे हे महत्वाचे आहे़ आपण तंदुरुस्त असणे हे सर्वात महत्वाचे असून तंदुरुस्त असल्याशिवाय कांहीच करु शकणार नाही, त्यासाठी शुध्द पाणी पिणे गरजेचे आहे़ रोटरी क्लब, मातृभुमी प्रतिष्ठाण यासारख्या संस्था यासाठी  पुढे आल्या ही बाबत कौतुकास्पद आहे़ नागरीकांनी या शुध्द पाण्याचा जास्तीत जास्त लाभ घ्यावा असे आवाहन पवार यांनी केले़ प्रास्ताविकात प्रतापराव जगदाळे यांनी  मातृभुमी प्रतिष्ठाण विषयी तसेच शुध्द पाण्याच्या प्रकल्पाविषयी माहिती दिली़ सुत्रसंचलन काकासाहेब झांबरे यांनी केले़ कार्यक्रम यशस्वी करण्यासाठी तुकाराम नलगे, यशवंत मुठाळ, सुभाष ठोंबरे, तानाजी लोखंडे, सुधाकर करंडे, आण्णासाहेब उघडे, सचिन काटे, शंकर देशमुख, हरिश्चंद्र मुठाळ, बापूसाहेब नाईकनवरे, बाळासाहेब लोखंडे,शरद खंदारे, संतोष कंगले, यांनी परिश्रम घेतले़.
    बार्शी शहर व तालुक्यातील उद्योग, व्यवसाय,पत्रकारिता , प्रशासन आदीसह विविध क्षेत्रात यशस्वी झालेल्या तसेच ज्यांना समाजकार्यांची आवड आहे अशा कार्यकर्त्यांनी एकत्र येऊन मातृभुमी प्रतिष्ठाणची स्थापना केली आहे़ नौकरीनिमीत्त आपण जरी आपल्या गावापासून बाहेर असलो तरी आपल्या मातृभुमीची सेवा करणे या एकमेव उद्देशाने या मंडळाची स्थापना करण्यात आली आहे.
    पहिल्या वर्षी आर ओ प्लँट बसवून शुध्द पाण्याचा प्रकल्प राबविण्यासाठी खामगाव, घारी, घाणेगाव, आगळगाव व इर्ले या गावांची निवड करण्यात आली आहे़ यामध्ये गावात सौरदिवे बसवणे, प्राथमिक शाळेसाठी मनोरंजनाची खेळणी बसवणे, आदी प्रकल्प मातृभुमी प्रतिष्ठाण, रोटरी क्लब, कृषी पदवीधर संघटना व गावकºयांचा लोकसहभाग यामधून बसवण्यात येणार आहेत.

दुष्ट प्रवृत्तींना ठेचून काढू - प्रा.साहेबराव देशमुख

बार्शी (मल्लिकार्जून धारुरकर) :- सोलापूर जिल्हा परिषद आवारात असलेल्या सहकारमहर्षि शंकरराव मोहिते पाटील यांच्या पुतळ्याची समाजकंटकाकडून विटंबना करण्यात आली. त्याचे पडसाद संपूर्ण जिल्ह्यात दिसून आले. जनसेवा संघटना व विजय प्रताप युवा मंचच्या वतीने बार्शीतील शासकिय विश्रामगृहात पत्रकार परिषद घेऊन सदरच्या घटनेचा तीव्र निषेध व्यक्त करण्यात आला.
    यावेळी बोलतांना संघटनेचे तालुकाध्यक्ष प्रा.साहेबराव देशमुख व सुनिल पवार यांनी बुधवारी दि.३१ रोजी सोलापूर येथे जिल्हाधिकारी कार्यालयावर भव्य मोर्चाचे आयोजन करण्यात आले असल्याची माहिती दिली. जिल्ह्यातील शेतकरी व सर्वसामान्य शेतकर्‍यांचे दैवत असलेल्या सहकारमहर्षि शंकरराव मोहिते पाटील यांनी सहकाराची मुहूर्तमेढ रोवली. त्यांच्या पुतळ्याच्या विटंबनेमुळे गालबोट लागले असून जिल्ह्यातील सर्व ठिकाणहून त्याबाबत निषेध केला जात आहे. सदरच्या प्रकरणानंतर खासदार विजयसिंह मोहिते पाटील यांनी कार्यकर्त्यांना शांततेचे आवाहन केले आहे. समाजकंटकाकडून वारंवार थोर पुरुषांची विटंबना करण्याचे प्रकार वाढत असल्याने अशा दुष्ट प्रवृत्तींना जनसेवा संघटना व विजय प्रताप युवा मंचच्या वतीने ठेचून काढू असेही साहेबराव देशमुख यांनी यावेळी म्हटले.
    बार्शी तालुक्यातील जनतेच्या वतीने तसेच शिवसेनेचे माजी आमदार राजेंद्र राऊत यांनी आपण व्यक्तीश: निषेध व्यक्त करत असल्याचे सांगीतले. सदरच्या घटनेची संपूर्ण चौकशी करुन दोषींवर कडक कारवाई करावी अशी मागणी जनसेवा संघटना, विजय प्रताप युवा मंच, मोहिते पाटील समर्थक यांच्या वतीने संयुक्तपणे करण्यात आली आहे.
    या पत्रकार परिषदेसाठी विजय प्रताप मंचचे अध्यक्ष प्रा.साहेबराव देशमुख, बार्शी तालुका राष्ट्रवादीचे माजी तालुकाध्यक्ष ऍड्.अनिल पाटील, जनसेवाचे जिल्हा सरचिटणीस सुनिल पवार, बाबासाहेब शिंदे, बाळासाहेब पाटील, नरेंद्र नलावडे, कौरव माने, अनिल डिसले, धनाजी गायकवाड, उमेस भोसले आदी प्रमुख पदाधिकारी उपस्थित होते.

बार्शीत धनगर समाजाचे रास्ता रोको

बार्शी (मल्लिकार्जून धारुरकर) :- राज्यातील सुमारे दिड कोटी लोकसंख्या असलेल्या धनगर समाजाला अनुसूचित जमाती (एस.टी.) मध्ये समाविष्ट करावे या मागणीसाठी बार्शीतील धनगर समाज कृती समितीच्या वतीने कुर्डूवाडी रस्त्यावर पोस्ट चौकात सुमारे एक तास रास्ता रोको आंदोलन करण्यात आले. आंदोलनामुळे वाहतुक विस्कळीत झाली होती. सकाळी ११ च्या सुमारास शहर व तालुक्यातील धनगर समाजातील कार्यकर्ते पिवळे ध्वज, ढोल व हळदीची उधळण करत घोषणा देत होते. पोष्ट चौकात धनगर समाजबांधवांनी एकत्र येऊन शासनाच्या विरोधात घोषणा दिल्या. धनगर समाजाच्या रास्त मागण्यांसाठी शिवसेनेचे माजी आमदार राजेंद्र राऊत यांनी रास्ता रोकोच्या ठिकाणी हजर राहून जाहीर पाठींबा दिला. पालकमंत्री दिलीप सोपल यांना निवेदन देण्यात आले त्यांनी याबाबत पाठपुरावा करु असे आश्वासन दिले आहे. शिवसेना नेते भाऊसाहेब आंधळकर, राजेंद्र मिरगणे यांनी या आंदोलनास पाठींबा दर्शविला आहे.
    धनगर जातीच्‍या नमोल्‍लेखात झालेल्‍या त्रुटीमुळे अनेक वर्षापासून हा समाज अनुसुचित जमाती या सवलतीपासून वंचित राहिला आहे. शिक्षणाबरोबरच नोकरीतही आरक्षण मिळावे, या मागणीचे निवेदन नायब तहसिलदार गायकवाड यांना देण्‍यात आले.   
    यावेळी नारायण मारकड, विश्‍वास शेंडगे, आरपीआयचे तानाजी बोकेफोडे, धनगर समाज आरक्षण कृती समितीचे बसवराज कुंटोजी, आप्‍पा शेंडगे, प्रमोद वाघमोडे, सुभाष शेळके, अॅड. आर.यू. वैद्य, बाळासाहेब पाटील, सचिन वायकुळे, दिपक खरात, बिभीषण पाटील, शितल पाटील, भिकाजी शिंगाडे, अंबऋषी कोळेकर, अरुण वैद्य, पांडुरंग गडदे यांच्‍यासह मोठ्या संख्‍येनी धनगर समाजबांधव उपस्थित होते.
    रास्‍ता रोकोच्‍या ठिकाणी पोलीस निरीक्षक सालार चाऊस, सहाय्यक पोलीस निरीक्षक अभिषेक डाके, अतुल पोस, सुरेखा धस, युवराज वाळके, पोलीस उपनिरीक्षक पंकज निकम यांच्‍यासह पोलिस बंदोबस्‍त तैनात करण्‍यात आला होता.

पीक विमा भरण्‍यासाठी बँकेत शेतक-यांची गर्दी

पांगरी (गणेश गोडसे) :- दुष्काळी परिस्थतीच्या पार्श्‍वभुमीवर शेतक-यांचा आगाताचा हंगाम वाया जाण्‍याची चिन्हे असुन शेतक-यांनी पिक विमा भरण्‍यासाठी बँकामध्ये एकच गर्दी केली असुन पिक विम्याची मुदत वाढवुन मिळावी अशी बार्शी तालुक्यातील शेतक-यांची मागणी आहे. पीक विमा भरण्‍यासाठी बरेच सोपस्कर पार पाडावे लागत असल्यामुळे व त्यासाठी बराच काळ जात असल्यामुळे मुदतवाढ मिळणे गरजेचे आहे.
     शेतक-यांनी अल्पशा ओलीवर काळया आईची ओटी भरली असुन पिकांची उगवण झाली आहे. इतर भागात पर्जन्यवृष्ठी सुरू असताना बार्शी तालुका मात्र कोरडाच राहीला आहे. शासनाने सुरू केलेल्या राष्ट्रीय कृषी विमा योजनेतुन उडीद, मुग, सोयाबिन, तुर, सुर्यफुल, भुइमुग, भात हुलगा, मटकी, बाजरी, कांदा आदी पिकांचा विमा उतरवण्‍याचे काम सुरू असुन पिक विमा भरण्‍याची अंतिम मुदत ३१ जुलै ही ठरवण्‍यात आली आहे. त्यामुळे पिक विमा भरण्‍यासाठी शेतक-यांची एकच धांदल उडाली आहे. बँकामधुन इतर कामांना फाटा देऊन पिक विमा भरून घेण्‍यासाठी विशेष उपाययोजना राबुन त्यासाठी स्वतंत्र टेबलांची यंत्रणा तयार करण्‍यात आली आहे. पिक विमा भरण्‍यासाठी एकच दिवसाचा कालावधी शिल्लक राहीला असल्यामुळे बँक कर्मचा-यांसह शेतक-यांना त्रासदायक ठरत आहे. शेतक-यांच्या रांगा बँकेतुन दुरपर्यंत बाहेर पडुन रस्त्यांवर आल्याचे निदर्शनास येत आहे. पिक विमा भरणा-या शेतक.यांची संख्या अजुनही मोठया प्रमाणात शिल्लक असुन शासनाने पिक विमा भरून घेण्‍यासाठी मुदतीत वाढ करावी असा सुर शेतक-यांमधुन उमटत आहे.
    अगोदरच दुष्काळी परिस्थती त्यात पुरेश्या ओलीमुळे बियानांची उगवण झाली नाही. ज्यांच्या बियानांची उगवण झाली ती पिके पावसाअभावी माना टाकु लागली आहेत. पिकांची अवस्था भयावह असल्यामुळे किमान यावर्षी तरी पिक विम्याचा आधार मिळेल अशी आशा शेतकरी बाळगुन आहेत. मात्र पिक विमा भरूनही तो मिळेलच याची शाश्‍वती नसल्यामुळे ब-याच शेतक-यांनी याकडेही पाठ फिरवल्याचे दिसत आहे. चार वर्ष विमा भरल्यानंतर एकांदयावेळीच शेतक-याला विमा मिळतो असे शेतक-यांचे म्हणणे आहे. शेतक-यांचेच पैसै गोळा करून परत शेतक-यांना फिरवले जाते.

विहीरीत बुडुन महिलेचा मृत्यु

पांगरी (गणेश गोडसे) :- पिण्यासाठी पाणी आणण्‍यासाठी गेलेल्या महिलेचा पाण्यात बुडुन मृत्यु झाल्याची घटना बुधवार रोजी सकाळी ११.३० वाजण्‍याच्या सुमारास ममदापुर (ता. बार्शी) येथील शिवारात घडली.
    सुरेखा हरी गायकवाड (वय ५०, रा.ममदापुर) असे विहीरीत बुडुन मृत्युमुखी पडलेल्या महिलेचे नांव आहे. मयताचा पती हरी गेना गायकवाड यांनी दिलेल्या खबरीत म्हटले आहे की, त्यांची पत्नी सुरेखा ही बुधवारी सकाळी रामलिंग बाबुराव गायकवाड यांच्या शेतातील विहीरीवर पिण्यासाठी पाणी आणण्‍यासाठी गेली होती. तेथे गेल्यानंतर पाय घसरून पाण्यात पडुन बुडुन मयत झाली. हरी गायकवाड यांच्या खबरीवरूण पांगरी पोलिसात अकस्मात मयत म्हणुन गुन्हा दाखल करण्‍यात आला असुन अधिक तपास पांगरी पोलिस करत आहेत.

फोटो गॅलरी

Adversite

Adversite

जुनी लेखमाला

वाचक क्रमांक

नर—मादी धबधबा

तुळजापुरचे आजचे तापमान

जाहिरात


श्री क्षेत्र गाणगापूर, भक्‍त निवास

पद्मश्री डॉ. विठ्ठलराव एकनाथराव विखे पाटील स्‍मृती मंडळ

श्री दत्‍तात्रय कृपा भक्‍त निवास, संगम रोड, श्री क्षेत्र गाणगापूर, जि. गुलबर्गा

फोन - (08470) 274449

Shri Guru Datta Family Restaurant

Temple Ghangapur, tq - Afzalpur, Dist - Gulbarga

prop : M.N. Tonashal

Cell : 9449527500, 8722199972, 7411988898

अभय डिजीटल अँन्ड बुक डेपो

मेन रोड पांगरी, ता. बार्शी

प्रो.प्रा. वासकर बंधु

मो. 9421027633, 9604471107.

गुरूदत्त सिमेंट अँन्ड इलेक्ट्रिकल्स

पांगरी, ता. बार्शी

आमच्याकडे सर्व प्रकारचे इलेक्ट्रिकचे साहित्य व सिमेंट योग्य दरात मिळेल.

प्रो.प्रा. विक्रांत गरड

मो. 9423989888, 9763550450

जीप व कार भाड्याने मिळेल

आमच्‍याकडे टाटा स्‍पोसिओ गोल्‍ड जीप, इंडिका, क्रुझर योग्‍य दरात भाडयाने मिळेल

संपर्क - अफझल हॉटेल

व्‍यासनगर, नळदुर्ग, ता.तुळजापूर

मो. 9096719058, 9881785863

टाटा सुमो भाडयाने मिळेल

बालाघाट झेरॉक्‍स व जनरल स्‍टोअर्स

उस्‍मानाबाद जनता बँकेच्‍या खाली, नळदुर्ग, ता.तुळजापूर

संपर्क - विक्रम मगतराव

मो. 7588937491

चालक - विनायक वाघमोडे, मो. 8007205676

सायबर कॉम्पुटर्स

भवानी चौक पांगरी, ता. बार्शी

प्रो.प्रा. निलकंठ कदम

मो. 8275303079, 9096271219

सक्सेस कॉम्पुटर इन्स्टयुट पांगरी, ता. बार्शी प्रो.प्रा. वाहिद शेख मो. 8275457858, 9767777879. सादिक रेडीएटर्स सेल्स अँन्ड सर्व्हिस

हॉटेल शालीमार समोर, बार्शी

प्रो.प्रा. सादिक काझी

मो. 9822669832, 9158499000

ज्ञानगंगा कोचिंग क्लासेस

शिवरामनगर, पांगरी, ता. बार्शी

1 ली ते 12 वी पर्यंत गणित, इंग्रजी, विज्ञान, मराठी व इंग्रजी माध्यम.

प्रो.प्रा. दादासाहेब बचुटे

मो. 9561786109, 9404054796

जी.बी.घावटे

विमा व जनरल इंश्युरन्स प्रतिनिधी

मु.पो. पांगरी ता. बार्शी.

मो. 9922974675, 9405678213

बचुटे ट्रॅव्हल्‍स पांगरी

आमच्याकडे सर्व प्रकारच्या चारचाकी गाडया भाडयाने मिळतील

संपर्क - धनंजय बचुटे पांगरी ता.बार्शी़

मो. 8275266633, 9763637614.

कार विकणे आहे

महिंद्रा लोगन कंपनी 2007 चा मॉडेल,

ब्‍लॅक कलर, गुड कंडिशन मध्‍ये असलेली

कार योग्‍य किंमतीस विकणे आहे.

संपर्क - मनीषसिंह हजारे, नळदुर्ग (जि. उस्‍मानाबाद)

मो. 9975384400

समर्थ कॉम्‍प्‍युटर सेंटर

मेन रोड नळदुर्ग, माऊली नगर नळदुर्ग

आमच्‍याकडे नवीन संगणक विक्री, दुरुस्‍ती, नौकरीविषयक फॉर्म विक्री,

ऑनलाईन फॉर्म भरणे, जॉबवर्क यासह कलर झेरॉक्‍स

संपर्क - संजय हजारे

मो. 9860888020, 8275516356

फोन. 02471 - 246158

श्री तुळजाभवानी देवीचे पुजारी

श्री. रमेश रामचंद्र कदम

मंगळवार पेठ, खंडोबा मंदिरासमोर श्री क्षेत्र तुळजापूर

फोन नं. 02471-243184

मो.नं. 9850280838, 9028840845

श्री तुळजाभवानी देवीचे पुजारी

क्षेत्र तुळजापूर - पुजारी व सेवदारी, देवीच्‍या पुजेची व जेवणाची,

राहण्‍याची उत्‍तम सोय,

शिवपार्वती निवास, घाटशिळ रोड, कार पार्किंग समोर

श्री क्षेत्र तुळजापूर,

संपर्क : संभाजी शिवाजीराव चोपदार,

मो. 9850442574, 9850426337, 9922181829