बार्शी - येथील सोन्या चांदीचे व्यापारी यांच्या मुलास डेंग्युसदृश्य रोगाची लागण झाल्याची माहिती रुग्णाच्या नातेवाईकांनी दिली. त्याच्यावर खाजगी रुग्णालयात डेंग्युसदृश्य रोगावर उपचार सुरु करण्यात आले आहेत. बार्शीत अनेक महिन्यापासून डासांची संख्या मोठ्या प्रमाणात असून याकडे आरोग्य विभागाचे दुर्लक्ष दिसून येत आहे. अशा प्रकारचे अनेक रुग्ण एका मोठ्या खाजगी रुग्णालयात तपासणी करुन सोलापूर येथे उपचारासाठी गेले असल्याचेही समजते परंतु सदरच्या रुग्णालयात कोणत्याही प्रकारची माहिती उपलब्ध नसल्याचे सांगण्यात येत आहे.
