नळदुर्ग -: अणदूर (ता. तुळजापूर) येथील केशव वाचनालयाच्यावतीने गुढीपाडव्यानिमित्त शालेय विद्यार्थ्यांना साखरेच्या हारांचे वाटप पंचायत समिती उपसभापती प्रकाश यांच्या प्रमुख उपस्थितीत करण्यात आले. कार्यक्रमाच्या अध्यक्षस्थानी उमाकांत कर्पे हे होते. आपलं घरचे व्यवस्थापक शिवाजी पोतदार, क्रांतीज्योत सामाजिक संस्थेचे दयानंद घुले, परिवर्तन सामाजिक संस्थेचे मारुती बनसोडे, आधार सामाजिक संस्थेचे दयानंद काळुंके, सोमनाथ बनसोडे आदीजण उपस्थित होते. यावेळी बोलताना शिवाजी पोतदार म्हणाले की, सध्याचे वातावरण स्फोटक व चिंतेचे असून बालवयातच आता बालकांवर चांगले संस्कार होणे गरजेचे आहे. त्यासाठी बाल वाचनालये सुरु करणे ही काळाची गरज असल्याचे सांगितले. यावेळी बळीराम जेठे यांनी गोष्टी सांगून उपस्थित बालकांना मार्गदर्शन केले.
या कार्यक्रमास डॉ. सुजित तोडकरी, संदीप सदाफुले, प्रशांत माने, काशिनाथ घुगे, लक्ष्मण नरे, खंडू मुळे यांच्यासह नागरीक उपस्थित होते. कार्यक्रमाचे प्रास्ताविक साहेबराव घुगे यांनी तर सुत्रसंचालन देवेंद्र घुगे यांनी केले.
