नळदुर्ग
:- भारतीय सैन्य दलातील नायक सुधाकर धेनू पवार (वय 38 वर्षे, रा. शास्त्रीनगर दाळींब,
ता. उमरगा) या जवानाचे कर्तव्य बजावत असताना शहीद झाले. त्यांच्या पश्चात आई-वडील,
दोन मुले, एक मुलगी, पत्नी, भाऊ असा परिवार आहे. निधनाची वार्ता समजताच त्यांच्या राहत्या
मुळगावी दाळींब व परिसरावर शोककळा पसरली.
सुधाकर पवार हा भारतीय
सैन्य दलात सेवेत रुज झाला, त्यानंतर तो सिक्कीम राज्यातील गंगटोक येथे कर्तव्य बजावत
असताना गुरुवार दि. 28 जानेवारी रोजी रात्री दहा वाजण्याच्या सुमारास त्याचे निधन झाल्याचे
सैन्य अधिका-यांनी कळविले. मात्र त्याचे निधन कशामुळे झाले याची माहिती दिले नाही.
दरम्यान आमच्या प्रतिनिधीने सेवेत असलेल्या ठिकाणी 03592256307 या क्रमांकावर शनिवार
रोजी संपर्क साधले असता सुधाकर पवार यांचे पार्थिव त्याच्या मुळगावी रवाना केल्याचे
सांगून अधिक माहिती देण्यास नकार दिला. पवार यांच्या नातेवाईकांशी संपर्क होवू शकला
नाही.
फोटो : सुधाकर पवार
