नळदुर्ग, दि. 26 : नळदुर्गच्या ऐतिहासिक भुईकोट किल्ल्यास शनिवार दि. 26 डिसेंबर रोजी उस्मानाबाद जिल्हाधिकारी कौस्तुभ दिवेगावकर यांनी कुटूंबियासह भेट देवुन प्राचीन वास्तु, पुरातन तोफा व किल्ल्याच्या परिसराची पाहणी करुन माहिती जाणुन घेतली.
नळदुर्ग येथील किल्ला महाराष्ट्रातील सर्वात मोठा किल्ला असून शासनाकडुन जतन व संगोपनार्थ युनिटी मल्ट्रिकॉन कंपनीने घेवून सुशोभिकरण केल्याने देश-विदेशातील पर्यटकासाठी हा किल्ला पर्वणी ठरल्याचे सर्वश्रुत आहे. या ठिकाणी सोयीसाठी प्रदुषण विरहीत इलेक्ट्रिकल कार आहे व बहुतेक वेळा अधिकारी अथवा प्रतिष्ठित व्यक्ती या कारचा वापर करतात. मात्र जिल्हाधिकारी दिवेगावकर यांनी संपूर्ण किल्ला पायी फिरण्याबरोबरच उंच आसलेला उपली बुरूजही चढून पाहिला. जिल्हाधिका-यांनी किल्ल्यातील अनेक पुरातन वास्तुंचे फोटोही काढले. सकाळी आकरा वाजता किल्ल्यात प्रवेश केल्यानंतर दुपारी तीन वाजेपर्यंत किल्ल्याची पाहणी केली.
किल्ल्यातील पाणी महल, उपळी बुरूज, मुन्सिफ कोर्ट आदीसह पुरातन तोफ, बारादरी, पाणचक्कीचे निरिक्षण करुन ऐतिहासिक वस्तुंची माहिती घेतली. यावेळी मंडळ अधिकारी अमर गांधले, तलाठी तुकाराम कदम, नगरसेवक शहबाज काझी, युनिटीचे आदील मौलवी, व्यवस्थापक जुबेर काझी, हाजी शेख यांच्यासह युनिटी कंपनीचे कर्मचारी उपस्थित होते.
