नळदुर्ग, दि.१७:
मानमोडी ता. तुळजापूर येथिल जिल्हा परिषद शाळेस सिंदगाव ता. तुळजापूर येथिल शाळेच्या शिक्षकानी भेट देवुन शैक्षणिक प्रगतीचा आलेख पाहुन माहिती जाणुन घेतली.
तुळजापूर तालुक्यातील जळकोट परिसरातील आयएसओ मानांकन प्राप्त जिल्हा परिषद मानमोडी शाळेस जि. प. प्राथमिक शाळा सिंदगाव येथील मुख्याध्यापक बलसुरे एस.व्ही , चव्हाण.व्ही.जी, कुडकले डी.एम , सरवदे एस.एस आदीनी शाळेस भेट देऊन ई लर्निंग ,प्रोजेक्टर द्वारे अभ्यासक्रम, डिजिटल अभ्यासक्रम ,शाळेची संपूर्ण रंगरंगोटी ,शालेय रेकॉर्ड, कोरोना परिस्थितीत विद्यार्थ्यांची घेत असलेली काळजी तसेच परसबागेमध्ये फुलवलेली भाजीपाला बाग ड्रिप आणि तुषार सिंचन द्वारे जिवंत ठेवलेले अनेक झाडे ,मैदानावरील अंथरलले पेवर ब्लॉक पाहून समाधान व्यक्त केले.
शाळेस शुभेच्छा दिल्या यावेळी मानमोडी शालेय व्यवस्थापन समिती अध्यक्ष संदीपान गुंजकर ,उपाध्यक्ष शुभांगी सुरवसे , मुख्याध्यापक विक्रम पाचंगे , रमेश दूधभाते, रामकृष्ण मोहिते, श्रीमती सुचिता चव्हाण आदीजण उपस्थित होते.
