तुळजापूर, दि.१७ :
कोरानोच्या वाढत्या प्रादुर्भावामुळे नगर परिषद तुळजापूर यांच्या वतीने आमदार राणाजगजितसिह पाटील यांच्या प्रयत्नातुन कळंब येथुन फवारणी मशीन उपलब्ध करुन दिली आहे.
तुळजापूर शहरामध्ये बुधवारी दिवसभर या यंत्रसामग्रीच्या साह्याने शहराच्या विविध भागांमध्ये फवारणी करण्यात आली. गर्दीचा परिसर असणाऱ्या तुळजाभवानी मंदिर परिसर, इतर भागात जातीने लक्ष देऊन नगरपरिषदेने फवारणीचे काम पूर्ण केले. तालुक्याचे आमदार राणा जगजितसिंह पाटील यांनी येथील भाविकांची आणि शहराची गरज लक्षात घेऊन या अत्याधुनिक मशिनच्या साह्याने फवारणी करण्यासाठी नगरपरिषदेला सूचित केले होते. या कामासाठी आवश्यक मदत त्यांच्या वतीने करण्यात आले आहे.
याप्रसंगी नगराध्यक्ष सचिन रोचकरी, मुख्याधिकारी आशिष लोकरे युवा नेते विनोद गंगणे , नगरसेवक पंडीत जगदाळे,विजय कंदले, विशाल रोचकरी,औदुंबर कदम,किशोर साठे आदी न. प. चे कर्मचारी उपस्थित होते.
