तुळजापूर, दि. ६ : डॉ. सतीश महामुनी
श्री तुळजाभवानी देवीच्या दर्शनासाठी येणाऱ्या लाखो भाविकांना प्रेरणादायी ठरणारा छत्रपती शिवरायांचा पुतळा लवकरच भव्य आणि दिव्य स्वरुपात साकार होत असल्याचा आनंद तुळजापूरचे आमदार राणा जगजितसिंह पाटील यांनी भूमिपूजन प्रसंगी व्यक्त केला.
रविवार रोजी तुळजापूर येथे छत्रपती शिवाजी महाराज पुतळा परिसर सुशोभीकरण कामाचा भूमिपूजन सोहळा आमदार तथा प्राधिकरण सदस्य राणाजगजितसिंह पाटील यांच्या हस्ते भुमीपुजन संपन्न झाला. या कार्यक्रमास महंत तुकोजीबुवा, महंत मावजीनाथ महाराज,इच्छागिरी महाराज,व्यंकटअरण्य महाराज, नगराध्यक्ष सचिन रोचकरी, काँग्रेस तालुकाध्यक्ष अमर मगर, युवा नेते विनोद गंंगणे,जेष्ठ नेते गोकुळ शिंदे, शिवसेना नेते शाम पवार, युवक नेते आनंद कंदले, शिवसेना शहरप्रमुख सुधीर कदम, शिवबाराजे प्रतिष्ठान अध्यक्ष अर्जून साळुंके, मुख्याधिकारी डॉ. आशिष लोकरे, नगरसेवक विशाल रोचकरी,विजय कंदले,रणजीत इंगळे,औदुंबर कदम,नागेश नाईक, सुनील रोचकरी,माऊली भोसले, सचिन पाटील,तानाजी कदम, बापुसाहेब कणे,अभिजीत कदम,नाना लोंढे आदी नगरसेवक उपस्थित होते.
कार्यक्रम प्रसंगी राष्ट्रवादी नेते संदीप गंगणे,चेतन शिंदे,सिध्दीनाथ रोचकरी,सार्थक रोचकरी, बापुसाहेब नाईकवाडी,प्रकाश मगर,नितीन जंट्टे, हणमंत पुजारी,समाधान जगताप, नानासाहेब डोंगरे,सागर इंगळे आदीसह शिवभक्त यांची उपस्थिती होती.
कोरानोच्या पार्श्वभुमीने सर्व नियम पाळुन सदरील भुमीपुजनाचा कार्यक्रम संपन्न झाला सदरील कार्यक्रमात आमदार राणाजगजितसिंह पाटील यांनी सदरील काम हे लवकरच तथा भव्य दिव्य होईल अशी अपेक्षा व्यक्त केली.
नगराध्यक्ष सचिन रोचकरी यांनी सदरील कामास शहर वासियांनी संबंधीत गुत्तेदारास सहकार्य करावे असे आवाहन केले व सर्व शहरांतील प्रतिनीधी नेते,शिवभक्तांचे भुमीपुजन कार्यक्रमात यावेळी आभार मानले.
