वागदरी ,दि..३० : एस.के.गायकवाड
वागदरी ता.तुळजापूर येथे आगामी होऊ घातलेल्या ग्रामपंचायत निवडणूक संदर्भात येथील प्रभागानूसार जागेचे आरक्षण जाहीर करण्यात आले आहे.
नोव्हेंबर-डिसेंबर २०२२ मध्ये राज्यात मुदतपूर्व ग्रामपंचायतीच्या सार्वत्रिक निवडणूका होणार असल्याची शक्यता आहे. त्यात तुळजापूर तालुक्यातील मौजे वागदरी ग्रा.प.चा समावेश आहे. त्याअनुषंगाने येथील प्रभागानूसार जागेचे आरक्षण निवडणूक प्राधिक्रत आधिकारी तथा प.स.तुळजापूरचे आभियंता बि.एल.वाघमारे यांनी प्रत्यक्ष मोक्याच्या ठिकाणी हजर राहून जहीर केले.
वागदरी येथे तिन प्रभागातून सात जागेकरिता निवडणूक होणार आहे. त्यानुसार जाहीर करण्यात आलेले आरक्षण पुढील प्रमाणे. प्रभाग क्रमांक-१ मध्ये सर्वसाधारण महिलेसाठी १ जागा व अनुसूचित जातीसाठी (पुरुष) १ जागा , तर प्रभाग क्रमांक-२ मध्ये सर्वसाधारण गटाकरिता(षुरुष) १ व ओबीसी महिला करिता १ जागा तसेच प्रभाग क्रमांक-३ मध्ये अनुसूचित जाती महिला १,सर्वसाधारण महिला १ व ओबीसी (पुरुष )करिता १ जागा आरक्षित करण्यात आली आहे. याप्रमाणे येथील ग्रा.प.चे आरक्षण जाहीर करण्यात आले.
यावेळी विद्यामान सरपंच ज्ञानेश्वर बिराजदार, ग्रामसेवक जी.आर.जमादार,माजी सरपंच ह.भ.प.राजकुमार पाटील, रिपाइं (आठवले) चे जिल्हा सचिव एस.के. गायकवाड, पोलीस पाटील बाबुराव बिराजदार, ग्रा.प.सदस्य रावसाहेब वाघमारे,जेष्ठ कार्यकर्ते मोहनसिंग चव्हाण,शालेय व्यवस्थापन समितीचे अध्यक्ष रामसिंग परिहार, ग्रा.प.सदस्या विद्या बिराजदार,युवा कार्यकर्ते अमोल पवार,नामदेव यादव, आदीसह ग्रामस्थ उपस्थित होते.
