धाराशिव,दि.१६ :
सोलापूर - हैद्राबाद महामार्गावर गोवा गुटख्याची वाहनातुन तस्करी करताना पोलिसानी रंगेहात पकडल्याने एकुण 54 मोठ्या गोण्या मिळून आल्या. अंदाजे 39 लाख 76 हजार रुपये किंमतीच्या मालासह आयशर वाहन अंदाजे 10,50,000 रुपये किंमतीचा असे मिळुन एकुण 50 लाख 26,000 रुपये किंमतीचा माल पोलिसानी जप्त करुन एका आरोपीविरुध्द उमरगा पोलिसात गुन्हा दाखल करण्यात आला आहे.
पोलीस. अधिक्षक, श्री. अतुल कुलकर्णी, अपर पोलीस अधीक्षक श्री. नवनीत कॉवत यांचे मार्गदर्शनाखाली दि.15.9.2023 रोजी उमरगा पो. ठाणेचे प्रभारी अधिकारी श्री. पारेकर यांना मिळालेल्या बातमी प्रमाणे चौरस्ता उमरगा येथे नाकाबंदी नेमुन हैद्राबाद कडून सोलापूर कडे जाणारे येणारे वाहने चेक करत असताना समोरुन येणारे वाहन क्र एम.एच. 20 इ.जी. 5357 आयशर टॅम्पो हे वाहन नाकाबंदी दरम्यान चेक केले असता त्यात महाराष्ट्र राज्यात प्रतिबंधीत केलेला गोवा गुटखा मिळून आला.
यातील चालक आरोपी नामे- मुराद लाल शेख रा. गेवराई, ता. जि. छत्रपती संभाजीनगर याचे ताब्यात सदर वाहनात गोवा गुटखा एकुण 54 मोठ्या गोण्या मिळून आल्या. अंदाजे 39,76,000₹ किंमतीचा माला सह आयशर वाहन अंदाजे 10,50,000₹ किंमतीचा असा एकुण 50,26,000₹ किंमतीचा माल मिळून आलेने जप्त करुन मिळून आलेला एका आरोपी नामे- मुराद लाल शेख रा. गेवराई, ता. जि. छत्रपती संभाजीनगर याचे विरुध्द पोलीस ठाणे उमरगा येथे गुरनं 560/2023 भा.द.वि. सं. कलम 328, 272, 273, 188 सह अन्न व सुरक्षा व मानके कायदा 2006 मधील कलम 26 (2), (आय), 26(2) (आय.व्ही), 27 (3), (ई), 30(2) दंडनिय कलम 59 अन्वये गुन्हा दाखल करण्यात आला आहे. तपास सहाय्यक पोलीस निरीक्षक गायकवाड करत आहे.
सदर कामगिरी ही मा. पोलीस अधीक्षक श्री. अतुल कुलकर्णी,अपर पोलीस अधीक्षक श्री. नवनीत कॉवत यांचे मार्गदर्शनाखाली मा. उपविभागीय पोलीस अधिकारी श्री. बरकते साहेब, उमरगा पोलीस ठाण्याचे प्रभारी श्री. निरीक्षक पारेकर, सपोनि श्री. गायकवाड सपोनि श्री. कासार, पोलीस अमंलदार/1759 मोरे, 1752/ घाटे, 1535/ भोरे, 163/अनसरवाड, 1806/ कांबळे, 1701/ उंबरे, यांचे पथकाने केली.
