छत्रपती शिवाजी महाराज जयंती निमित्त विविध कार्यक्रमांचे आयोजन; गुरुवारी सायंकाळी शिवव्याख्याते विशाल गरड यांचे व्याख्यान
काटी/उमाजी गायकवाड
तुळजापूर तालुक्यातील काटी येथे हिंदवी स्वराज्य संस्थापक महाराष्ट्राचे आराध्य दैवत राजे
शिवछत्रपती शिवाजी महाराज यांच्या जयंती निमित्त गुरुवार दि. 29 फेब्रुवारी रोजी विविध कार्यक्रमांचे आयोजन करण्यात आले आहे. यामध्ये प्रामुख्याने सकाळी ठीक 08 ते 02 वाजेपर्यंत भव्य रक्तदान शिबिर ग्रामपंचायत कार्यालयात होणार आहे. सन ग्रुपचे सत्यजीत (गजानन)देशमुख यांच्या वतीने गावातील सर्व शाळेतील अनाथ मुलांना शैक्षणिक साहित्य भेट देण्यात येणार आहे.आदर्श शिक्षक पुरस्कार,आदर्श शाळा पुरस्कार,एनएमएस परीक्षेतील यशस्वी विद्यार्थ्यांचा सत्कार व त्यानंतर सायंकाळी 6 वाजता दत्त चौकात काटी येथे जिजामाता कृषीभूषण पुरस्कार विजेत्या सौ.शुभांगी ढगे यांचा भव्य नागरी सत्कार होणार आहे. या कार्यक्रमासाठी कार्यकारी दंडाधिकारी अरविंद बेळगे, गटविकास अधिकारी अमोल ताकभाते, सहाय्यक पोलीस निरीक्षक शैलेश पवार यांची प्रमुख उपस्थिती राहणार आहे.
त्यानंतर सायंकाळी शिवव्याख्याते विशाल गरड यांचे व्याख्यान होणार असून जास्तीत नागरिकांनी उपस्थित रहावे असे आवाहन माजी चेअरमन सयाजीराव देशमुख सरपंच सुजित हंगरगेकर यांनी केले आहे.
