अतिवृष्टीमुळे घर कोसळले,शरण फाऊंडेशनने औदार्य दाखवले,घर पडलेल्या कुंटुंबाला आर्थिक मदतीचा हात
मुरुम,दि.०२ :
लोहारा तालुक्यातील अचलेर येथील भिमाशंकर माळगे व हिप्परगा (रवा) येथील सततच्या पावसामुळे रियाज मुलाणी यांचे घर कोसळून संसार उघड्यावर आला. या दोन्ही कुटुंबाला संकटाच्या काळात शरण पाटील फाऊंडेशनने सामाजिक औदार्य दाखवत भाजपाचे युवा नेते शरण बसवराज पाटील यांच्या हस्ते प्रत्येकी २१ हजार रुपयाची मदत देण्यात आली.
मागील २० दिवसांपासून उमरगा व लोहारा तालुक्यात पावसाने आहाकार माजवला आहे. अनेकांची खरीपाची पिके वाहुन गेली आहेत तर उर्वरित उभ्या पिकांना क-या येत आहेत. विविध गावातील नदी व ओढयाकाठच्या शेतात पाणी शिरल्याने पिकांसह माती वाहून गेली आहे. अनेकांची घरे पडून संसाराचा चिखल झाला आहे तर कांही गुरे ढोरे ही वाहुन गेली आहेत. अस्मानी संकटामुळे शेतकरी हवालदिल झाला आहे. त्यांना धीर देण्यासाठी उमरगा जनता बँकेचे चेअरमन शरण बसवराज पाटील व तहसीलदार रणजितसिंह कोळेकर यांनी तालुक्यातील अचलेर, आष्टा कासार, जेवळी, तावशीगड, सास्तुर, हिप्परगा रवा येथे झालेल्या नुकसानीची पाहणी केली. यावेळी अचलेर येथील भिमाशंकर माळगे व हिप्परगा (रवा) येथील सततच्या पावसामुळे रियाज मुलाणी यांचे घर कोसळून संसार उघड्यावर आला. या दोन्ही कुटुंबाला भेटल्यानंतर शरण पाटील फाऊंडेशनने सामाजिक औदार्य दाखवत फाउंडेशनच्या वतीने भाजपाचे युवा नेते शरण बसवराज पाटील यांनी प्रत्येकी २१ हजार रुपयाची मदत दिली.
यावेळी तहसीलदार रणजितसिंह कोळेकर, गटविकास अधिकारी जगदेव व्हग्गे, लोहारा कृषी उत्पन्न बाजार समितीचे सभापती प्रशांत काळे, मुरुम बाजार समितीचे उपसभापती बसवराज कारभारी, भाजपाचे तालुकाध्यक्ष राजेंद्र पाटील, पंसचे माजी सभापती सिद्रामप्पा दुलंगे, बुद्धिवंत साखरे, दीपक मुळे, योगेश राठोड, हरी लोखंडे, दत्तात्रय गाडेकर, आष्टा कासारचे सरपंच सुलभा कांबळे, दिपक पाटील, रब्बानी नळेगावे, बालाजी वडजे, धीरज घोटाळे, योगेश आळंगे, प्रशांत आळंगे, सुजित शेळके, विजय लोमटे, विनोद मोरे, सुनिल जाधव, मुरलीधर होनाळकर, गंगाधर बलसुरे, शिवराज कमलापुरे, प्रकाश लोखंडे, राजु मुल्ला, परमेश्वर पटणे, केदार कदारे, झपु काझी, बालाजी चव्हाण, दयानंद साळुंके, अब्बास शेख आदीसह मंडळाधिकारी, तलाठी, ग्रामसेवक व शेतकरी उपस्थित होते.
