नळदुर्ग : नुकतेच अवयव दान करुन चौघांना जीवनदान देणा-या शिवपार्थ कोळीचे वडील शिवशंकर कोळी याना युनिटी मल्ट्रीकाॅन्स कंपनीने नौकरीचे नेमणुक पत्र नळदुर्ग येथील किल्ल्यात आयोजित जिल्हा पत्रकार अभ्यास दौ-याच्या समारोप कार्यक्रमात प्रमुख मान्यवरांच्या हस्ते देण्यात आले.
उस्मानाबाद जिल्हा माहिती कार्यालयाच्या वतीने दि. १६ ते २२ मार्च दरम्यान पत्रकार अभ्यास दौरा आयोजित करण्यात आला होता. या अभ्यास दौ-याचा समारोप नळदुर्ग येथील ऐतिहासिक किल्ल्यात करण्यात आले. यावेळी व्यासपीठावर माहिती जनसंपर्क संचानालय औरंगाबाद विभागाचे प्रभारी संचालक यशवंत भंडारे, औरंगाबाद पुरातत्व विभागाचे सहाय्यक संचालक अजित कुमार खंदारे, जेष्ठ पत्रकार अभय दिवाणजी, उस्मानाबाद जिल्हा माहिती अधिकारी मनोज सानप, युनिटी मल्ट्रीकाॅन्सचे कार्यकारी संचालक कफील मौलवी, अनिल विपत आदीजण उपस्थित होते.
उस्मानाबाद येथील शिवपार्थ कोळी याचे काही दिवसांपूर्वी ब्रेनडेड झाल्याने मृत्यू झाला होता. त्याचे अवयन दान करण्यात आल्याची माहिती मिळताच शिवशंकर कोळी यांची युनिटी कंपनीने भेट घेवुन सामाजिक बांधिलकी जोपासत कोळी यांना नौकरीचे नियुक्ती पत्र मान्यवरांच्याहस्ते यावेळी दिले.
कार्यक्रमाच्या प्रारंभी युनिटी कंपनीचे एम.डी. कफिल मौलवी यानी उपली बुरुज,पाणी महालसह किल्ल्यातील सुशोभिकरणाचे करण्यात येत असलेल्या कामाची माहिती देवुन झालेली कामे उपस्थित पत्रकारांना दाखविले. त्याचबरोबर अजितकुमार खंदारे, अनिल विपत यानी किल्ला संबंधी सविस्तर माहिती आपल्या मनोगतात सांगितले. कार्यक्रमाचे प्रास्ताविक मनोज सानप तर सर्व उपस्थितांचे आभार कफिल मौलवी यांनी मानले
