चिकुंद्रा - येथील भैरवनाथ विद्यालयातील विद्यार्थ्यांचे उस्मानाबाद येथे नुकतेच झालेल्या जिल्हास्तरीय कबड्डी स्पर्धेत मुलाच्या संघाने प्रथम क्रमांक पटकाविल्याने सदर संघाची लातूर येथे होणा-या विभागीय कबड्डी स्पर्धेसाठी निवड झाली आहे. लातूर येथे सोमवार दि. 24 सप्टेंबर रोजी क्रिडा संकुलन येथे या स्पर्धा पार पडणार आहेत. या संघास क्रिडा शिक्षक व्ही.टी. चव्हाण यांचे मार्गदर्शन लाभले. या संघास संस्थेचे अध्यक्ष यशवंत गायकवाड, उपाध्यक्ष धोडींबा काळुंके, सचिव प्रकाश जगदाळे, मुख्याध्यापक पी.एस. पवार, सहशिक्षक बी.के. कानडे, एम.डी. गरड, डी.बी. शिंदे, सरपंच रमाकांत गायकवाड आदीजणांनी शुभेच्छा दिल्या.
