नळदुर्ग -: मैलारपूर (नळदुर्ग) येथील श्री खंडोबाची यात्रा रविवार दि. २७ जानेवारी रोजी भरत असून, यात्रेनिमित्त विविध धार्मिक कार्यक्रमाचे आयोजन करण्यात आले आहे. या यात्रेची सध्या जोरदार तयारी सुरू आहे.
लाखोच्‍या संख्‍येनी भक्‍त श्री खंडोबाचे दर्शन घेण्‍यासाठी व नवस फेडण्‍यासाठी मैलारपूरमध्‍ये यात्रेनिमित्त येतात यावर्षीची यात्रा २६ जानेवारीपासून प्रांरभ होत असून, यात्रेचा मुख्य दिवस २७ जानेवारी हा आहे.
२७ जानेवारी रोजी पहाटे ४ वा. श्रींची काकडा आरती होईल. त्यानंतर पहाटे ४.१० वा. अभ्यंगस्नान व अभिषेक, पहाटे ४.१५ वा. महावस्त्र अलंकार महापूजा, पहाटे ४.२० वा. महानवैद्य तसेच दिवसभर नवससायाचे कार्यक्रम पार पडतील. रात्री १२ वाजता ळदुर्गच्या व अणदूर नंदीध्वजाचे छबिन्याच्या घोड्यासह आगमन व शोभेचे दारूकाम होईल. मध्यरात्री २ वाजता अणदूर व नळदुर्गच्या मानक-यांचा सन्मान करण्यात येईल. मध्यरात्री ३ वा. श्रींचा वाजत-गाजत घोडे, पालखी व नंदीध्वजासह छबिना निघेल. नदीकाठावरील मसोबा, जुने मंदिर व सध्याचे मंदिर असा पालखी मार्ग राहणार असून, पहाटे ५ वाजता पालखीची सांगता होईल.
सोमवार दि. २८ जानेवारी रोजी दु. २ वाजता नळदुर्ग नगरपरिषदेच्यावतीने जंगी कुस्त्यांचा कार्यक्रम आयोजित करण्यात आला आहे.
यात्रा सुरळीत पार पाडण्यासाठी दर्शन बारी तयार करण्यात आली असून, मंदिरावर विद्युत रोषणाई करण्यात आली आहे. त्याचबरोबर नळदुर्ग पोलिस स्टेशनच्यावतीने कडेकोट पोलिस बंदोबस्त ठेवण्यात येणार आहे. भाविकांना कोणतीही अडचण भासू नये म्हणून श्री खंडोबा मंदिर समिती तसेच अणदूर-नळदुर्ग यात्रा कमिटीचे कार्यकर्ते अहोरात्र परिश्रम घेत आहेत.
लाखोच्‍या संख्‍येनी भक्‍त श्री खंडोबाचे दर्शन घेण्‍यासाठी व नवस फेडण्‍यासाठी मैलारपूरमध्‍ये यात्रेनिमित्त येतात यावर्षीची यात्रा २६ जानेवारीपासून प्रांरभ होत असून, यात्रेचा मुख्य दिवस २७ जानेवारी हा आहे.
२७ जानेवारी रोजी पहाटे ४ वा. श्रींची काकडा आरती होईल. त्यानंतर पहाटे ४.१० वा. अभ्यंगस्नान व अभिषेक, पहाटे ४.१५ वा. महावस्त्र अलंकार महापूजा, पहाटे ४.२० वा. महानवैद्य तसेच दिवसभर नवससायाचे कार्यक्रम पार पडतील. रात्री १२ वाजता ळदुर्गच्या व अणदूर नंदीध्वजाचे छबिन्याच्या घोड्यासह आगमन व शोभेचे दारूकाम होईल. मध्यरात्री २ वाजता अणदूर व नळदुर्गच्या मानक-यांचा सन्मान करण्यात येईल. मध्यरात्री ३ वा. श्रींचा वाजत-गाजत घोडे, पालखी व नंदीध्वजासह छबिना निघेल. नदीकाठावरील मसोबा, जुने मंदिर व सध्याचे मंदिर असा पालखी मार्ग राहणार असून, पहाटे ५ वाजता पालखीची सांगता होईल.
सोमवार दि. २८ जानेवारी रोजी दु. २ वाजता नळदुर्ग नगरपरिषदेच्यावतीने जंगी कुस्त्यांचा कार्यक्रम आयोजित करण्यात आला आहे.
यात्रा सुरळीत पार पाडण्यासाठी दर्शन बारी तयार करण्यात आली असून, मंदिरावर विद्युत रोषणाई करण्यात आली आहे. त्याचबरोबर नळदुर्ग पोलिस स्टेशनच्यावतीने कडेकोट पोलिस बंदोबस्त ठेवण्यात येणार आहे. भाविकांना कोणतीही अडचण भासू नये म्हणून श्री खंडोबा मंदिर समिती तसेच अणदूर-नळदुर्ग यात्रा कमिटीचे कार्यकर्ते अहोरात्र परिश्रम घेत आहेत.
