मुंबई -: मंत्रालय आणि विधिमंडळ वार्ताहर संघातर्फे दरवर्षी देण्यात येणारा उत्कृष्ट पत्रकारिता पुरस्कार यंदा ज्येष्ठ पत्रकार एस.एम.देशमुख यांना जाहीर झाला आहे. उपमुख्यमंत्री अजित पवार हे या कार्यक्रमाच्या अध्यक्षस्थानी असून ज्येष्ठ पत्रकार आणि चित्रकार प्रकाश जोशी कार्यक्रमाला प्रमुख पाहुणे म्हणून उपस्थित राहणार आहेत. या पुरस्काराचे वितरण उद्या गुरुवार दि. १० जानेवारी रोजी मंत्रालयात मिनी थिएटर येथे दुपारी ३.३० वाजता होणार आहे. शाल, श्रीफळ सन्मानचिन्ह आणि मानपत्र असे या पुरस्काराचे स्वरुप आहे.
ज्येष्ठ पत्रकार अनिकेत जोशी आणि धर्मेंद्र जोरे यांच्या निवड समितीने ही निवड केली आहे. याआधी हा पुरस्कार सकाळचे वसंत देशपांडे, महाराष्ट्र टाइम्सचे संदिप प्रधान, लोकमतचे देवेंद्र गावंडे आदींना प्रदान करण्यात आला आहे.
एस.एम.देशमुख हे पत्रकारांचे न्याय्य अधिकार आणि हल्ल्यांपासून संरक्षण यासाठी गेली काही वर्षे लढा देत आहेत. पत्रकार हल्लाविरोधी कृती समितीचे ते निमंत्रक आहेत. वयाच्या अवघ्या तिसाव्या वर्षी ते ‘लोकपत्र’ दैनिकाचे संपादक झाले. रायगडहून निघणा-या ‘दैनिक कृषीवल’चे ते तब्बल १७ वर्ष संपादक होते. त्यांचे सहा पुस्तके प्रसिद्ध झाली आहेत. एम.ए. आणि बॅचलर ऑफ जर्नलिझमच्या पदव्या घेतलेल्या एस.एम. यांना आतापर्यंत अनेक पुरस्कार मिळाले आहेत.
पत्रकारांच्या न्याय्य हक्कांसाठी देशमुख देत असलेल्या लढ्याचा आणि त्यांच्या निस्पृह पत्रकारितेचा गौरव म्हणून त्यांना हा पुरस्कार देण्याच्या निर्णय समितीने घेतला आहे.
ज्येष्ठ पत्रकार अनिकेत जोशी आणि धर्मेंद्र जोरे यांच्या निवड समितीने ही निवड केली आहे. याआधी हा पुरस्कार सकाळचे वसंत देशपांडे, महाराष्ट्र टाइम्सचे संदिप प्रधान, लोकमतचे देवेंद्र गावंडे आदींना प्रदान करण्यात आला आहे.
एस.एम.देशमुख हे पत्रकारांचे न्याय्य अधिकार आणि हल्ल्यांपासून संरक्षण यासाठी गेली काही वर्षे लढा देत आहेत. पत्रकार हल्लाविरोधी कृती समितीचे ते निमंत्रक आहेत. वयाच्या अवघ्या तिसाव्या वर्षी ते ‘लोकपत्र’ दैनिकाचे संपादक झाले. रायगडहून निघणा-या ‘दैनिक कृषीवल’चे ते तब्बल १७ वर्ष संपादक होते. त्यांचे सहा पुस्तके प्रसिद्ध झाली आहेत. एम.ए. आणि बॅचलर ऑफ जर्नलिझमच्या पदव्या घेतलेल्या एस.एम. यांना आतापर्यंत अनेक पुरस्कार मिळाले आहेत.
पत्रकारांच्या न्याय्य हक्कांसाठी देशमुख देत असलेल्या लढ्याचा आणि त्यांच्या निस्पृह पत्रकारितेचा गौरव म्हणून त्यांना हा पुरस्कार देण्याच्या निर्णय समितीने घेतला आहे.
