उस्मानाबाद :- नाशिक जिल्ह्यात बंधाऱ्याच्या दुरुस्तीचे काम पाहताना मृत्युमुखी पडलेल्या पाच अभियंत्यांना आज येथील जिल्हाधिकारी कार्यालयात आदरांजली वाहण्यात आली. जिल्हाधिकारी डॉ.के.एम. नागरगोजे यांच्यासह निवासी उपजिल्हाधिकारी संजय गायकवाड, उपजिल्हाधिकारी शिल्पा करमरकर, महावितरणचे अधीक्षक अभियंता श्री.पापडकर, जिल्हा शल्य चिकित्सक डॉ.अशोक धाकतोडे, उपविभागीय अधिकारी प्रशांत सुर्यवंशी, तहसीलदार सुभाष काकडे यांच्यासह विविध विभागांचे अधिकारी यावेळी उपस्थित होते.
