तुळजापूर -: विवाहितेवर अत्याचार केल्याप्रकरणी मुलांना अटक का केली, असे म्हणून पित्याने येथील पोलिस ठाण्यातच अंगावर रॉकेल ओतून पेटवून घेण्याचा प्रयत्न केला. पोलिसांनी प्रसंगावधान राखून आग विझवून रुग्णालयात उपचारासाठी दाखल केले आहे.
एका विवाहितेवर तिच्या पतीसमोरच अत्याचार केल्याप्रकरणी शुक्रवारी दि. 23 ऑगस्ट रोजी तुळजापूर येथील पोलिस ठाण्यात तालुक्यातील कसई येथील तिघांवर गुन्हा दाखल झाला आहे. यापैकी गड्या चंदू शिंदे, जकाला चंदू शिंदे यांना पोलिसांनी अटक केली. तर नेत्या चंदू शिंदे हा अद्याप फरार आहे. अटक आरोपींना पोलिस ठाण्याच्या कोठडीत ठेवण्यात आले आहे. रविवारी दि. 25 ऑगस्ट रोजी दुपारी दोन वाजण्याचा सुमारास आरोपीचा पिता चंदू विश्वंभर शिंदे (66 रा. कसई) हा पोलिस ठाण्यात आला. त्याने पोलिसांशी सुरुवातीला हुज्जत घातली. माझ्या मुलांना अटक का केली, असे म्हणून जाब विचारण्याचा प्रयत्न केला. पोलिसांनी प्रतिसाद न दिल्यामुळे प्लास्टिकच्या बाटलीत आणलेले रॉकेल ओतून घेऊन त्याने पेटवून घेतले. काही पोलिस कर्मचार्‍यांनी लागलीच शिंदे यांच्याकडे धाव घेऊन हातातील रॉकेलची बाटली घेऊन फेकून दिली व आग विझविली. यामध्ये चंदू शिंदे जखमी झाले आहेत. त्यांना तातडीने ग्रामीण रुग्णालयात उपचारासाठी दाखल करण्यात आले. फौजदार बन्सीलाल मेसाजी सगट यांच्या फिर्यादीवरून शिंदे यांच्यावर गुन्हा दाखल करण्यात आला आहे. अधिक तपास हवालदार पी. पी. शिंदे हे करीत आहेत.
एका विवाहितेवर तिच्या पतीसमोरच अत्याचार केल्याप्रकरणी शुक्रवारी दि. 23 ऑगस्ट रोजी तुळजापूर येथील पोलिस ठाण्यात तालुक्यातील कसई येथील तिघांवर गुन्हा दाखल झाला आहे. यापैकी गड्या चंदू शिंदे, जकाला चंदू शिंदे यांना पोलिसांनी अटक केली. तर नेत्या चंदू शिंदे हा अद्याप फरार आहे. अटक आरोपींना पोलिस ठाण्याच्या कोठडीत ठेवण्यात आले आहे. रविवारी दि. 25 ऑगस्ट रोजी दुपारी दोन वाजण्याचा सुमारास आरोपीचा पिता चंदू विश्वंभर शिंदे (66 रा. कसई) हा पोलिस ठाण्यात आला. त्याने पोलिसांशी सुरुवातीला हुज्जत घातली. माझ्या मुलांना अटक का केली, असे म्हणून जाब विचारण्याचा प्रयत्न केला. पोलिसांनी प्रतिसाद न दिल्यामुळे प्लास्टिकच्या बाटलीत आणलेले रॉकेल ओतून घेऊन त्याने पेटवून घेतले. काही पोलिस कर्मचार्‍यांनी लागलीच शिंदे यांच्याकडे धाव घेऊन हातातील रॉकेलची बाटली घेऊन फेकून दिली व आग विझविली. यामध्ये चंदू शिंदे जखमी झाले आहेत. त्यांना तातडीने ग्रामीण रुग्णालयात उपचारासाठी दाखल करण्यात आले. फौजदार बन्सीलाल मेसाजी सगट यांच्या फिर्यादीवरून शिंदे यांच्यावर गुन्हा दाखल करण्यात आला आहे. अधिक तपास हवालदार पी. पी. शिंदे हे करीत आहेत.