कळंब -: नळदुर्ग येथील परिवर्तन सामाजिक संस्था, वसुंधरा राज्यस्तरीय विकास यंत्रणा, एकात्मीक पाणलोट व्यवस्थापन कार्यक्रम, पाणलोट विकास केंद्र उस्मानाबाद, तालुका कृषी कार्यालय कळंब, ग्रामपंचायत कार्यालय व पाणलोट विकास समिती भोसा (ता. कळंब) यांच्या संयुक्त विद्यमाने मंगळवार रोजी भोसा (ता. कळंब) येथे जाणीव जागृती कार्यक्रमाचे आयोजन करण्यात आले होते. यावेळी परिवर्तन सामाजिक संस्थेचे सचिव मारुती बनसोडे यांनी शेतक-यांना मार्गदर्शन केले. तसेच या कार्याक्रमात हिवरे बाजाराची यशोगाथा, पाणलोट प्रकल्पातून कसा विकास झाला, याबाबतचा फिल्म शो दाखवण्यात आला.
सदर कार्यक्रम यशस्वी करण्यासाठी पाणलोट समितीचे अध्यक्ष जाकीर पटेल, जिवन पन्हाळे व गावातील लोकप्रतिनिधी, युवक मंडळाच्या सर्व सदस्यांनी परिश्रम घेतले. या कार्यक्रमास गावातील शेतकरी, महिला व युवक मोठ्या संख्येनी उपस्थित होते. सदरील कार्यक्रमाची सांगता अण्णा सातपुते यांनी केली.
सदर कार्यक्रम यशस्वी करण्यासाठी पाणलोट समितीचे अध्यक्ष जाकीर पटेल, जिवन पन्हाळे व गावातील लोकप्रतिनिधी, युवक मंडळाच्या सर्व सदस्यांनी परिश्रम घेतले. या कार्यक्रमास गावातील शेतकरी, महिला व युवक मोठ्या संख्येनी उपस्थित होते. सदरील कार्यक्रमाची सांगता अण्णा सातपुते यांनी केली.
