उस्मानाबाद, दि. 14 : महाराष्ट्र शासनाने महाराष्ट्र कोविड-19 उपायोजना नियम, 2020 प्रसिद्ध केले असून करोना विषाणुमुळे (COVID-19) उद्भवलेल्या संसर्गजन्य रोगाचा प्रतिबंध व नियंत्रण यासाठी जिल्हाधिकारी यांना त्यांचे कार्यक्षात सक्षम प्राधिकारी म्हणून घोषित केले आहे.
प्रधान सचिव, सार्वजनिक आरोग्य विभाग, मंत्रालय, मुंबई यांनी राज्यातील सर्व कोविड-19 रुग्णालये आणि कोविड--19 हेल्थ सेंटर मधील ऑक्सीजन पुरवठा सुरळीत ठेवणेबाबत मार्गदर्शक सूचना दिलेल्या आहेत.
जिल्हाधिकारी कौस्तुभ दिवेगावकर, तथा अध्यक्ष, जिल्हा आपत्ती व्यवस्थापन प्राधिकरण,उस्मानाबाद यांनी प्राप्त झालेल्या अधिकारांनुसार उस्मानाबाद जिल्ह्यामधील कोविड-19 रुग्णांना पुरेसा ऑक्सीजन उपलब्ध व्हावा. यासाठी जिल्ह्यातील सर्व CCC, DCH, DCHC याठिकाणी होण्या-या ऑक्सीजनच्या पुरवठ्याचे सनियंत्रण करण्यासाठी जिल्हास्तरावर पुढीलप्रमाणे अधिकारी यांची समिती स्थापन करीत असल्याचे आदेश जारी केले आहेत.
समितीमध्ये नियुक्त केलेले अधिकारी, नेमून दिलेल्या कामकाजाचे स्वरुप:-निवासी उपजिल्हाधिकारी, उस्मानाबाद सर्व जिल्हाधिकारी कार्यालयाशी समन्वय साधून नियोजन करणे,सहाय्यक आयुक्त, अन्न व औषध प्रशासन उत्पादकांशी समन्वय व बॉटलींग प्लांटमधून वाटप,महाव्यवस्थापक, जिल्हा उद्योग केंद्र, उस्मानाबाद उत्पादनात वाढ व उत्पादकांशी समन्वय उप प्रादेशिक परिवहन अधिकारी, उस्मानाबाद वाहतूक-टँकर समन्वय व अतिरिक्त जिल्हा शल्य चिकित्सक, जिल्हा रुग्णालय, उस्मानाबाद मागणी नोंदविणे.
वरिलप्रमाणे नियुक्त समितीने जिल्ह्यातील दैनंदिन ऑक्सीजनची गरज व ती पुरविणा-या Botling Plants,Bulk Suppliers यांचे सतत संपर्कात राहून प्रत्येक रुग्णालयात वेळेत ऑक्सीजन प्राप्त होईल, याची दक्षता घ्यावी.जिल्हा शल्य चिकित्सक ,जिल्हा रुग्णालय,उस्मानाबाद यांनी जिल्हयातील कोविड-19 रुग्णांना औषधोपचार करणा-या सर्व सार्वजनिक आरोग्य विभाग,वैदयकीय शिक्षण,नगर पालिका/नगर पंचायती आणि खाजगी रुग्णालयांना प्रतिदिन लागणा-या ऑक्सीजनची माहिती रुग्णालयानुसार संकलित करावी आणि ती माहिती निवासी उपजिल्हाधिकारी,उस्मानाबाद यांना सादर करावी.
सहाय्यक आयुक्त अन्न व औषध प्रशासन, उस्मानाबाद यांनी लिक्वीड ऑक्सीजन उत्पादक, बॉटलिंग प्लॅन्ट्रस आणि अन्न व औषध प्रशासनाचे ऑक्सीजन. पुरवण्यासाठीचे जिल्हावार नोडल अधिकारी यांची नावे व संपर्क क्रमांक तसेच लिक्वीड ऑक्सीजन आणि ऑक्सीजन सिलेंडरच्या किंमती यांची माहिती निवासी उपजिल्हाधिकारी उस्मानाबाद व जिल्हा शल्य चिकित्सक, जिल्हा रुग्णालय, उस्मानाबाद यांचेकडे सादर करावी.
जिल्हा आपत्ती व्यवस्थापन अधिकारी यांनी ऑक्सीजन पुरवठ्याच्या कामकाजामध्ये निवासी उपजिल्हाधिकारी यांना सहाय्य करावे. यासाठी जिल्हास्तरावर स्थापन केलेल्या कंट्रोल रूमला ऑक्सीजन पुरवठ्याची जबाबदारी दयावी आणि कंट्रोल रूम दि.31डिसेंबर-2020 पर्यत सुरू ठेवण्यात याव्यात व त्यांचा वापर Oxygen Supply संबंधित अडचणी सोडवणूक करण्यासाठी करावा. या कंट्रोल रूमना काही अडचण असल्यास त्यांनी FDA कंट्रोल रुम दुरध्वनी क्र.022-26592364Toll Free No-1800 222 365 वर संपर्क साधण्याचे आवाहन करण्यात आले आहे.
जिल्हयातील सर्व 100 खाटा व त्यावरील सार्वजनिक रुग्णालयांनी त्यांचे रुग्णालय आवश्यकतेनुसार 6 KL ते 20 KL Cryo Oxygen tank स्थापन करण्यासाठी DPC/स्टेट डिझास्टर मॅनेजमेंट निधी/CSR मधुन निधी प्राप्त करावा व शक्य नसल्यास राष्ट्रीय आरोग्य, अभियान कार्यालयाशी संपर्क करावा.
सर्व रुग्णालयांनी तज्ञांनी दिलेल्या Protocol नुसारच ऑक्सीजनचा वापर करावा. ऑक्सीजन वाया जाणार नाही याची दक्षता घ्यावी. रुग्णास स्वत: ऑक्सीजन घेण्यास सांगू नये. तसेच आवश्यकते पेक्षा जास्त कालावधीसाठी ऑक्सीजन लावू नये.
उपरोक्त नुसार कार्यवाही करुन कोणत्याही रुग्णालयात ऑक्सीजन पुरवठा खंडीत होणार नाही याबाबत दक्षता घ्यावी. तसेच केलेल्या कार्यवाहीबाबत नियमितपणे जिल्हाधिकारी, उस्मानाबाद यांचेकडे अहवाल सादर सादर करावा.
या आदेशाचे उल्लंघन करणारी व्यक्ती आपत्ती व्यवस्थापन अधिनियम 2005 चे कलम 51 ते 60 तसेच भारतीय दंड संहिता (45 ऑफ 1860) कलम 188 व इतर लागू होणा-या कायदेशीर तरतुदीनुसार दंडनिय/कायदेशीर कारवाईस पात्र राहील. असे ही आदेशात नमुद केले आहे.
