तुळजापूर, दि. 01 : शहरातील वेताळनगर भागात राहणा-या एका युवकाने राहत्या घरी गळफास घेऊन आत्महत्या केल्याची घटना सोमवारी रात्री साडे अकरा वाजण्याच्या घडली आहे.
खंडू लक्ष्मण शिंदे (वय 23 वर्षे, रा. वेताळनगर, तुळजापूर) असे आत्महत्या केलेल्या युवकाचे नाव आहे. वेताळ नगर भागातील खंडू लक्ष्मण शिंदे या युवकाने रात्री साडे अकरा वाजण्याच्या सुमारास राहत्या घरी गळफास घेऊन आत्महत्या केली आहे. आत्महत्येचे कारण अद्याप समजू शकले नाही. तुळजापूरच्या घाटशिळ रोड येथील स्मशानभूमीत दुपारी बारा वाजता त्याच्या पार्थिवावर अंत्यसंस्कार करण्यात आले. त्याच्या पश्चात आई, वडील, दोन बहिणी, दोन भाऊ असा परिवार आहे.
