नळदुर्ग ,दि.२६ :
तुळजापूर तालुक्यातील जळकोट येथील प्राथमिक आरोग्य केंद्रात कोरोना लस घेतलेल्या नागरिकांना मास्कचे वाटप करण्यात आले.
या प्राथमिक आरोग्य केंद्रात जळकोट व परिसरातील नागरिक लस घेण्यासाठी येत आहेत. त्यांच्या सुरक्षेसाठी व कोरोनापासून बचाव होण्यासाठी जिल्हा परिषद सदस्य प्रकाश चव्हाण यांच्यातर्फे मास्कचे वाटप करण्यात आले.
जळकोट प्राथमिक केंद्रात सोमवारी जळकोट व परिसरातील दीडशे नागरिकांनी लस घेतली. या नागरिकांना मास्कचे वाटप जिल्हा परिषद सदस्य प्रकाश चव्हाण ,जळकोटचे सरपंच अशोकराव पाटील, राष्ट्रवादी काँग्रेसचे जिल्हा सहचिटणीस महेश कदम, शिवसेनेचे तालुका उपप्रमुख कृष्णात मोरे, उपसरपंचपती बसवराज कवठे, ग्रामपंचायत सदस्य कल्याणी साखरे,माजी ग्रा.पं. सदस्य जितेंद्र कदम, प्राथमिक आरोग्य केंद्राचे वैद्यकीय अधिकारी डॉ.विष्णू सातपुते,डॉ. चंद्रकांत गायकवाड, ग्राम विकास अधिकारी जी .के. पारे, मेघराज किलजे ,शिवराम कदम, नितीन माळी, रावसाहेब कदम आदींच्या हस्ते वाटप करण्यात आले.
यावेळी ग्रामपंचायत कर्मचारी व प्राथमिक आरोग्य केंद्राचे कर्मचारी उपस्थित होते.
