तुळजापूर, दि. २८ :
तुळजापुरातील सावरकर चौकामध्ये स्वातंत्र्यवीर विनायक दामोदर सावरकर यांच्या जयंतीच्या निमित्ताने सामाजिक अंतर राखून शहरातील स्वातंत्र्यवीर सावरकर प्रेमींनी प्रतिमा पूजन केले.
सावरकर विचार मंच यांच्या वतीने स्वातंत्र्यवीर सावरकर यांची १३८ वी जयंती तुळजापूर मध्ये सावरकर चौक येथे साजरी करण्यात आली. सावरकर विचार मंचचे कार्याध्यक्ष महेश कुलकर्णी यानी सावरकरांच्या प्रतिमेचे पूजन करण्यात आले.
या कार्यक्रमाला सावरकर विचार मंचाचे अध्यक्ष बाळासाहेब शामराज, सावरकर विचार मंचाचे उपाध्यक्ष उमेश गवते , महेश गरड, सचिन अमृतराव, शिवाजी बोदले ,बाळासाहेब भोसले ,गिरीश लोहारेकर, शिवाजीराव डावरे, अंबादास पोफळे, सचिन सरकाळे गणेशराव जळके व सावरकर प्रेमी उपस्थित होते.
यानिमित्ताने तुळजापुरात बसस्थानकासमोर असणाऱ्या सावरकर चौक येथे नगरपरिषदेच्या वतीने उभारण्यात आलेल्या नाम फलकाच्या समोर प्रतिमापूजन संपन्न झाले, संस्थेचे अध्यक्ष बाळासाहेब श्यामराज यांनी यावेळी सर्वांचे आभार मानले.