तुळजापूर,दि.४ : कुमार नाईकवाडी
येथील नगरपरिषदेकडुन कोरोना निर्मुलनाच्या अनुषंगाने तुळजापुरात सलग चौथ्या दिवशी धडक कारवाई करण्यात आली. दि. 3 मे रोजी सायंकाळी उशिरा तपासणी केली असता 3 दुकाने उघडी असल्याने त्यांच्यावर दंडात्मक करवाई करण्यात आली.
तसेच दि.4 मंगळवार रोजी शहरातील 5 दुकाने सकाळी 11 नंतरही चालू असल्यामुळे त्यांच्यावर दंडात्मक कारवाई केली.
त्याचबरोबर 2 विना मास्क फिरणारे व्यक्तींना दंडात्मक कारवाई केली. अशा एकूण 4600 दंडाची वसुली करण्यात आली असून, सदर मोहीम न.प. मुख्याधिकारी आशिष लोकरे यांच्या नेतृत्वाखाली राबवण्यात येत असून मुख्याधिकारी शहरातील प्रत्येक गल्ली बोळात फिरत असून, जास्तीत जास्त लोकांना कोरोना विषयक माहिती देत असुन लोकांना हात धुणे, मास्क वापरणे, सोशल डिस्टंन्सीग या विषयी स्वतः अवगत करत असून त्यामुळे लोकांमध्ये मोठ्या प्रमाणात जनजागृती झालेली असून कोरोनावर नियंत्रण मिळण्यास तुळजापुर नगरीचे नगराध्यक्ष सचिन रोचकरी व सर्व नगरसेवक , नगरपरिषद कर्मचारी प्रयत्नशील आहेत.
