काटी , दि .२६ उमाजी गायकवाड
तुळजापूर तालुक्यातील काटी येथील कन्या व सावरगाव येथील प्रा.माणिकराव शिंदे यांच्या पत्नी तथा ब्लॉसम पब्लिक स्कूल पुणेच्या क्रीडा शिक्षिका सौ.शामल माणिकराव शिंदे यांना ओम साई फाऊंडेशनचा गुरू गौरव पुरस्कार नुकताच पुणे येथील मल्हार गार्डनमध्ये मान्यवरांच्या हस्ते प्रदान करण्यात आला.
गुरूपौर्णिमेनिमित्त पिंपळे गुरव मध्ये नवीन सांगवी येथील मल्हार गार्डन मध्ये पिंपरी चिंचवड महापालिकेच्या महापौर माई ढोरे व संजय गांधी निराधार योजनेचे संजय मराठे यांचे हस्ते शामल शिंदे यांचा गुरू गौरव पुरस्कार व मानपत्र देऊन सत्कार करण्यात आला.
आ.लक्ष्मण जगताप यांच्या प्रेरणेतून व माजी नगरसेवक शंकर जगताप यांच्या मार्गदर्शनाखाली ओम साई फाऊंडेशनच्या वतीने दर वर्षी शैक्षणिक व क्रीडा क्षेत्रातील उल्लेखनीय कार्य करणाऱ्या शिक्षकांचा सन्मान करण्यात येतो.
या कार्यक्रमास महापौर माई ढोरे,ओम साई फाउंडेशनचे संजय मराठे, जवाहर ढोरे, सोनम गोसावी, ज्योती खंडारे, मदन कोठुळे, रामचंद्र गायकवाड, राजेंद्र बाईत, रमेश चौधरी आदी मान्यवर उपस्थित होते.
या शैक्षणिक व क्रीडा क्षेत्रातील उल्लेखनीय कार्य करणारे शामल शिंदे यांच्यासह मुकेश पवार,मनीषा जाधव,चंद्रकांत सोनवणे, राजू सावंत, मनिषा पाटील,सचिन शिंगोटे,बलभीम भोसले,सुधा खोले आदी शिक्षकांचाही मानपत्र देऊन सत्कार करण्यात आला.
