तुळजापूर दि . ३५
कुलस्वामिनी श्री तुळजाभवानी देवीच्या दर्शनासाठी भाविकांना ओढ लागली आहे, सोशल डिस्टन्स आणि मास्क याचा वापर करून भाविक देवीच्या दर्शनासाठी तुळजापुरात येत असून महाद्वार दर्शन करून परत जात आहेत.
श्री तुळजाभवानी देवीचे दर्शन भाविकांना मागील पावणेदोन वर्षांपासून बंद आहे कुलधर्म कुलाचार करण्यासाठी तसेच घरामध्ये शुभकार्य झाल्यानंतर देवीचे दर्शन घेण्यासाठी भाविक तुळजापुरात येत आहेत ही संस्कृती असल्यामुळे शेकडो लोक दररोज महाद्वार दर्शन करीत आहे. या दरम्यान प्रशासनाने घेतलेली काळजी लक्षात घेऊन भाविक गर्दी न करता मास्कचा वापर करून निर्माणचे पालन करीत आहेत . त्यामुळे येथील पुजारी मंडळ आणि व्यापारी मंडळ यांच्याकडून तुळजाभवानी देवीचे भाविकांना दर्शन सुरू करण्याची मागणी आहे.
महाराष्ट्राच्या सर्व भागांमध्ये जनजीवन सुरळीत होत आहे. त्यामुळे तुळजापूर येथील तुळजाभवानी मंदिर देखील भाविकांना दर्शनासाठी खुले करण्यात यावे , जास्त वेळ मंदिर उघडल्यानंतर गर्दीवर नियंत्रण करणे शक्‍य होईल अशी नागरिकांची मागणी आहे.
तुळजाभवानी मंदिर संस्थान प्रशासन तुळजापूर नगरपरिषद प्रशासन आणि राज्य शासनाच्या वतीने तुळजापूर येथे खबरदारीच्या उपाययोजना केल्या आहेत त्या लक्षात घेऊन व्यापारी आणि शहरवासीय बाहेरगावाहून येणाऱ्या भाविकांना सेवा देण्यासाठी उत्सुक आहेत . प्रशासनाने तातडीने मंदिर भाविकांना खुले करून व्यापारपेठ सुरळीत सुरू ठेवण्याची परवानगी करण्याची गरज आहे कारण दुकाने बंद असल्यामुळे व्यापाऱ्यांचे खूप मोठ्या प्रमाणावर आर्थिक नुकसान होत आहे . नुकसान सहन करण्याची व्यापाऱ्यांची क्षमता संपून गेली आहे . या बाबीचा गांभीर्याने विचार करणे गरजेचे आहे. स्थानिक प्रशासनाने यासंदर्भातला अहवाल तयार करून जिल्हा प्रशासन व राज्य प्रशासनाकडे दिला पाहिजे. सर्वांनी एकत्रित खबरदारी घेऊन शहर सुरळीत करण्यासाठी प्रयत्न करणे गरजेचे आहे.
