उस्मानाबाद, दि. ७ :
पोलिसानी एका आरोपीस ताब्यात घेवुन जिल्हयातील नळदुर्ग , लोहारा ,तुळजापूर , उमरगा, बेंबळी, आनंदनगर या पोलिस ठाण्याच्या हाद्दीतील केलेल्या 13 घरफोडी, चोरीच्या गुन्हयातील सोने, चांदी , रोख रक्कम असे मिळुन सुमारे साडे आठ लाखाचा मुद्देमाल जप्त केला.
स्थानिक गुन्हे शाखा: गोपनीय खबरेच्या आधारे स्थागुशाच्या पोनि-गजानन घाडगे, पोउपनि-माने, भुजबळ, पोना- सय्यद, पोकॉ-जाधवर, मारलापल्ले , आरसेवाड, ढगारे, ठाकुर यांनी आज दि 06.07.2021 रोजी आरोपी किरण विलास भोसले, रा.सिंदगाव ता.तुळजापूर यास ताब्यात घेतले. त्याच्याकडे अधिक तपास केला असता त्याने अन्य सहका-यांसह जिल्हा भरात नळदुर्ग पो.ठा हददीत 05 गुन्हे, लोहारा 03 गुन्हे ,तुळजापूर 02 गुन्हे , उमरगा, बेंबळी, आनंदनगर पो.ठा हददीत प्रत्येकी 01 असे एकुण 12 घरफोडी व एक लुटमारीचा गुन्हा केल्याचे निष्पन्न झाले.
यावेळी पथकाने त्याच्या ताब्यातुन वर नमुद 13 गुन्हयांत चोरी केलेले 160 ग्रॅम सुवर्ण दागिने किंमत 7,52,000 रुपये , 80 ग्रॅम चांदी किंमत 5,200 रुपये व रोख रक्कम 89,000 रुपये असा एकुण 8,46,200 रुपये किंमतीचा माल जप्त केला आहे. पोलीस त्याच्या उर्वरीत साथीदारांचा शोध घेत असुन जाणार आहे.पुढील तपास संबंधीत पोलीस ठाण्यां मार्फत केला जाणार आहे.