काटी , दि . २३
 
तुळजापुर तालुक्यातील तामलवाडी पंचायत समितीचे सदस्य तथा आमदार राणाजगजितसिंह पाटील यांचे विश्वासू व कट्टर समर्थक  दत्तात्रय भास्कर शिंदे यांची तुळजापूर पंचायत समितीच्या उपसभापतीपदी बिनविरोध निवड करण्यात आली. 

तुळजापूर तालुक्याचे भाजपचे आमदार राणाजगजितसिंह पाटील यांच्या आदेशानुसार ही निवड करण्यात आली. अधिकाधिक सदस्यांना उपसभापती पदाची संधी मिळावी या उद्देशाने आमदार राणा जगजितसिंह पाटील यांनी तुळजापूर पंचायत समितीमध्ये खांदेपालट केल्याचे समजते. सदरील निवड बिनविरोध होताच  तुळजापुर तालुका भाजपच्या वतीने, व तामलवाडी पंचायत समिती गणाच्या सर्व गावांच्या वतीने नुतन उपसभापती श्री दत्ता शिंदे यांचा सत्कार करण्यात आला. यावेळी तुळजापूर तालुका भाजपचे जिल्हाध्यक्ष संतोष दादा बोबडे, युवा नेते विनोद (पिठू) गंगणे, तुळजापूर तालुका कृषी उत्पन्न बाजार समितीचे संचालक श्री यशवंत (अण्णा) लोंढे, रुग्ण कल्याण समितीचे सदस्य, आनंद कंदले, सचिन रोचकरी, विश्वास मगर,रविदत्त मगर, सांगवी (काटी) चे उपसरपंच मिलिंदअंकुश मगर, पिंटू जाधव, भिमा भुईरकर. आदी मान्यवर उपस्थित होते.


मिलिंद मगर, 
उपसरपंच सांगवी (काटी)
तामलवाडी गणाचे कर्तव्य दक्ष सदस्य श्री दत्तात्रय भास्कर शिंदे. यांची तुळजापुर पंचायत समितीच्या उपसभापती निवड करुन आमदार राणाजगजितसिंह पाटील यांनी सर्वसामान्य सदस्यास संधी देऊन मोठी जवाबदारी दिली आहे. पंचायत समिती मध्ये सर्व सामान्य माणसांच्या अडी अडचणीच्या वेळी प्रचंड आक्रमक भूमिका घेऊन लोकांची कामे करणारा नेता अशी त्यांची ओळख आहे. या निवडीने तालुक्यांतील विविध विकास कामांना  फायदा होणार आहे.


दत्तात्रय भास्कर शिंदे.
नुतन उपसभापती पंचायत समिती तुळजापुर.
आमदार राणा जगजितसिंह पाटील यांच्या आदेशानुसार तुळजापुर पंचायत समितीच्या उपसभापती पदी बिनविरोध निवड केल्याबद्दल मी त्यांचा अत्यंत ऋणी आहे. मिळालेल्या संधीचा सर्वसामान्य लोकांसाठी काम करून संधीच सोनं करण्यासाठी मी प्रयत्न करणार आहे.
               
 
Top