नळदुर्ग , दि. ०१
आतंरराष्ट्रीय पीपल्स आँलिम्पिकमध्ये कराटे स्पर्धेत भारताला सुवर्णपदक मिळवुन देणा-या प्रणिती पवार यास संपुर्ण शिक्षणाची व आवश्यक ती मदत मनसेच्या वतीने करणार असल्याचे जिल्हाध्यक्ष प्रशांत नवगिरे यानी मंगळवारी पवार कुटूंबियाची भेट घेवुन सांगितले .
२३ सप्टेंबर २०१७ रोजी श्रीलंका येथे पार पडलेल्या पहिल्या आंतरराष्ट्रीय पीपल्स ऑलिंपिक स्पर्धेत कराटे मध्ये पाकिस्तानच्या खेळाडूचा पराभव करून भारतासाठी सुवर्णपदक जिंकणाऱ्या रामतीर्थ ता . तुळजापूर येथील प्रणिता मोहन पवार या विद्यार्थीनीवर आज उपासमारीची वेळ आली आहे .
प्रणिता हिचे वडील रिक्षा चालवुन कुदुंबियांना सांभाळत होते व चरितार्थ चालवित होते . परंतु नियतीसमोर कुणाचेच काही चालत नाही असे बोलले जाते . अगदी तसेच झाले आणि प्रणिताच्या वडीलांचे दिडवर्षापुर्वी कोरोनामुळे निधन झाले . वडीलांच्या अचानक जाण्याने प्रणिताच्या कुटुंबाची स्थिती हालाखीची बनली कारण घरातील कर्ताच गेल्याने कुदुंबावर उपासमारीची वेळ आली . प्रणिताची दुसरी बहिण सुप्रिया ही इयत्ता १२ वी व लहान भाऊ सुमित हा इयत्ता ७ वी मध्ये शिक्षण घेत आहे. प्रणिता १० वी मध्ये शिकत आहे. अशा कठिण परिस्थितीत स्वतःची शेतजमिन नाही व उत्पनाचे दुसरे काहीच साधन नसल्याने प्रणिताच्या आई इंदुबाई ही दुस-याच्या शेतात मजुरीने मिळेल त्या कामाला जावुन कुटुंबाचा उदरनिर्वाह अत्यंत काटकसरीत भागवावा लागत आहे. हि संपूर्ण वस्तुस्थिती नुकतीच कांही दैनिकांतून प्रसिद्ध झाली . ही बाब समजताच मनसेचे जिल्हाध्यक्ष प्रशांत नवगिरे, जिल्हासचिव जोतिबा येडगे, नळदुर्ग शहरसचिव प्रमोद कुलकर्णी यांनी पत्रकारांसह तातडीने प्रणिता व तिच्या कुटुंबियांच्या घरी जावून भेट घेतली . सर्व परिस्थिती जाणून घेतल्यानंतर मनसेच्या वतीने किराणा साहित्य, कपडे, शैक्षाणिक व इतर आवश्यक साहित्य रोख रकमेसह प्रणिताच्या आईकडे सुपूर्द करण्यात आले . *प्रणिताच्या यापुढील शिक्षणाची व इतर आवश्यक संपूर्ण खर्चाची जबाबदारी मनसेचे जिल्हाध्यक्ष प्रशांत नवगिरे यांनी घेतली .
प्रशांत नवगिरे यांनी या संपुर्ण घटनेची सविस्तर माहिती जिल्हा क्रिडा अधिकारी सारिका काळे यांना फोनवरून दिल्यानंतर त्यांनीही उद्याच प्रणिताची तिच्या घरी भेट घेऊन सर्वोतोपरी सहकार्य करून सर्व शासकिय मदत मिळवून देऊ असे सांगितले . मनसेच्या या मदतीमुळे प्रणिता व संपूर्ण कुडुंबियांना अश्रु अनावर होवून अश्रुंचा बांध फुटला .
यावेळी रामतीर्थ येथील लक्ष्मण राठोड, गुरुदेव राठोड, पत्रकार शिवाजी नाईक ,अजित चव्हाण यांचेसह महिला व नागरीक मोठ्या संख्येने उपस्थित होते .
कु. प्रणिती मोहन पवार
हलाखीच्या परिस्थितीमुळे शिक्षण घेणे व कराटे प्रशिक्षण घेणे अवघाड झाले आहे. मला कराटेमध्ये करिअर करायचे असुन यापुढेही कराटेच्या माध्यमातुन देशाचे नेतृत्व करण्याचा मानस आहे.
