काटी, दि.३०
तुळजापूर तालुक्यातील काटी येथे शुक्रवारी अण्णाभाऊ साठेनगर मध्ये बहुजन रयत परिषदेच्या शाखेचे उद्घघाटन बहुजन रयत परिषदेच्या महिला महाराष्ट्र प्रदेशाध्यक्षा ॲड. कोमल साळुंखे- ढोबळे यांच्या हस्ते करण्यात आले.
प्रारंभी छत्रपती शिवाजी महाराज, डॉ. बाबासाहेब आंबेडकर, साहित्यरत्न अण्णाभाऊ साठे, लहुजी वस्ताद साळवे यांच्या प्रतिमेचे पूजन मान्यवरांच्या हस्ते करण्यात आले. त्यानंतर बहुजन रयत परिषदेचे जिल्हा कार्याध्यक्ष संजय महापुरे यांच्या हस्ते ॲड.कोमल साळुंके-ढोबळे यांचा नागरी सत्कार करण्यात आला.
या कार्यक्रमाचे आयोजन बहुजन रयत परिषदेचे कार्याध्यक्ष संजय महापुरे यांच्या मार्गदर्शनाखाली एस.एम. ग्रुपच्या वतीने करण्यात आले. यावेळी उपस्थितांना कोमल साळुंके - ढोबळे यांनी मार्गदर्शन करताना म्हणाले की, समाजातील युवकांनी पदवीधर शिक्षण घेऊन पुढे यावे असे आवाहन करुन समाजातील अडीअडचणी सोडवण्यासाठी कटिबद्ध असल्याची ग्वाही उपस्थिताना दिली.
यावेळी संघटनेचे युवक प्रदेशाध्यक्ष रमेश गालफाडे, बहुजन रयत परिषदेचे जिल्हा कार्याध्यक्ष संजय महापुरे, विकास क्षिरसागर, देवा महापुरे, विष्णू कांबळे, भाऊ क्षिरसागर, दिलीप डोलारे, जितेंद्र चव्हाण, साजन क्षिरसागर, प्रविण क्षिरसागर, श्रावण वाघमारे आदींसह बहुजन रयत परिषदेचे कार्यकर्ते व महिला वर्ग उपस्थित होता.
