श्री.शारदीय नवरात्र महोत्सव
श्री.तुळजाभवानी मंदिर संस्थान तुळजापूर
ऑनलाईन पद्धतीने सिंहासन पूजा नोंदणी
भाविकांनी पूजा नोंदणीचा लाभ घ्यावा
धाराशिव दि.17 :
महाराष्ट्राची कुलस्वामिनी श्री. तुळजाभवानी देवीच्या दर्शनासाठी महाराष्ट्रासह आंध्रप्रदेश,कर्नाटक, तेलंगणा व इतर राज्यातून मोठ्या संख्येने भाविक कुलदेवता असल्याने तुळजापूरला कुलाचार व कुलधर्म करण्यासाठी येतात.श्री.देवीजींची सिंहासन पूजा ही अत्यंत महत्त्वाची मानली जाते.या सिंहासन पूजेसाठी ऑनलाईन पद्धतीने नोंदणी श्री. तुळजाभवानी मंदिर संस्थानच्या https://shrituljabhavani.org या अधिकृत संकेतस्थळावर उपलब्ध करून देण्यात येत आहे.माहे नोव्हेंबर 2023 या महिन्याच्या सिंहासन पूजेच्या नोंदणीसाठी वेळापत्रक तयार करण्यात आले आहे.
नोव्हेंबर - 2023 मधील इतर दिवशी सिंहासन पूजा ऑनलाईन पद्धतीने स्वीकारण्यात येणार असल्याची सर्व भाविक भक्त, महंत,पुजारी व सेवेकरी व नागरिकांनी नोंद घ्यावी.तसेच भाविकांनी सिंहासन पूजा श्री. तुळजाभवानी मंदिर संस्थानचे अधिकृत संकेतस्थळ https://shrituljabhavani.org यावरून सिंहासन पूजा पास बुकींग या मेन्यूवर क्लिक केल्यानंतर https://
21 ऑक्टोबर रोजी सकाळी 10 वाजतापासून ते 26 ऑक्टोबर रोजी सकाळी 10 वाजेपर्यंत ऑनलाइन पद्धतीने पूजा नोंदणी करता येईल.ऑनलाइन ड्रॉ पध्दतीने प्रथम सोडत व भाविकांना पेमेंटसाठी 26 ऑक्टोबर 2023 रोजी सकाळी 10.30 वाजतापासून एसएमएस
पाठविण्यात येईल. भाविकांनी प्रथम सोडतीचे पेमेंट 26 ऑक्टोबर रोजी रोजी सकाळी 10.30 वाजतापासून 27 ऑक्टोबर रोजी सकाळी 10 वाजता पर्यंत करता येईल.
सिंहासन संख्या पूर्ण न झाल्यास ऑनलाईन ड्रॉ पद्धतीने द्वितीय सोडत व भाविकांना पेमेंटसाठी 27 ऑक्टोबर रोजी सकाळी 10.30 वाजतापासून एसएमएस पाठविण्यात येईल. भाविकांनी द्वितीय सोडतीचे ऑनलाइन पेमेंट 27 ऑक्टोबर रोजी सकाळी 10:30 ते 28 ऑक्टोबर सकाळी 10 वाजतापर्यंत करावे. प्रथम व द्वितीय फेरीत सिंहासन संख्या पूर्ण न झाल्यास ऑनलाईन ड्रॉ पद्धतीने तृतीय सोडत व भाविकांना पेमेंटसाठी 28 ऑक्टोबर रोजी सकाळी 10.30 वाजतापासून एसएमएस पाठविण्यात येईल.
28 ऑक्टोबर रोजी सकाळी 10.30 वाजतापासून ते 29 ऑक्टोबर सकाळी 10 वाजतापर्यंत भाविकांनी तृतीय सोडतीचे ऑनलाइन पेमेंट करावे.29 ऑक्टोबर 2023 रोजी सायंकाळी 5 वाजतापर्यंत ऑक्टोबर 2023 या महिन्यातील अंतिम सिंहासन पूजा बुकिंग झाल्याची यादी प्रसिद्ध करण्यात येईल.तरी भाविकांनी पूजा नोंदणीचा लाभ घ्यावा.असे आवाहन श्री. तुळजाभवानी मंदीर प्रशासनाकडून करण्यात आले आहे.
