नळदुर्ग : जिल्हा परिषद केंद्रीय प्राथमिक शाळेतील वार्षिक संमेलन उत्साहात संपन्न
नळदुर्ग, दि.३० :
शहरातील जिल्हा परिषद केंद्रीय प्राथमिक शाळेचे वार्षिक स्नेहसंमेलन मंगळवार रोजी अत्यंत उत्साहात पार पडले. निवृत्त शिक्षक महयोद्दीन सय्यद, केंद्रप्रमुख सत्तेश्वर जाधव, निजाम इनामदार, कुमार सर्जे , प्रा. पवार , प्रा. निर्मळे , प्रा. पुराणिक यांच्या उपस्थितीत नळदुर्ग पोलिस ठाण्याचे पोलीस निरीक्षक गजेंद्र सरोदे यांच्या हस्ते या स्नेहसंमेलनाचे उद्घाटन करण्यात आले.
पहिली ते पाचवीतील विद्यार्थी व विद्यार्थिनींनी मराठी व हिंदी चित्रपट गीतातील गाण्यावर नृत्य सादर केले. तसेच पारंपारिक लेझीम, देशभक्तीपर गीते, भारतीय संस्कृतीतील विविध सणवार दाखवणारे गाणी यावर बहारदार नृत्य सादर करत उपस्थित त्यांची मने जिंकली.
मुख्याध्यापक भास्कर मस्के, बिलाल सौदागर, वंदना चौधरी, सुरेखा मोरे, जयश्री धुमाळ, प्रीती भंडारे, राहुल खोडके, अध्यापक विद्यालयातील महेश राठोड, आकाश पाटील, अभय चव्हाण, आदित्य चव्हाण, अमर बगले, वैष्णवी चंदे, सानिका मुळे, स्वाती पवार, अंजली चव्हाण, पायल जाधव, वैशाली शिरसागर यांच्यासह शालेय शिक्षण व्यवस्थापन समितीचे संजय डुकरे सह इतर सदस्यांनी स्नेहसंमेलन पार पाडण्यासाठी परिश्रम घेतले.
शाळेत मोठ्या संख्येने पालकांनी स्नेहसंमेलन पाहण्यासाठी हजेरी लावली होती. कार्यक्रमाचे सूत्रसंचालन बिलाल सौदागर व आकाश पाटील यांनी केले.
