न्याय, हक्काच्या मागणीसाठी धाराशिव जिल्ह्यातील बंजारा समाज बांधवांनी मोठ्या संख्येनी सहभागी होण्याचे आवाहन
धाराशिव,दि.०७ :
धाराशिव जिल्हाधिकारी कार्यालयावर बंजारा समाजाचा बुधवार दि. ८ ऑक्टोबर २०२५ रोजी सकाळी ११ वाजता महामोर्चाचे आयोजन करण्यात आले आहे. बंजारा समाजाच्या न्याय, हक्काच्या मागणीसाठी धाराशिव जिल्ह्यातील बंजारा समाज बांधवांनी मोठ्या संख्येनी सहभागी होण्याचे आवाहन करण्यात आले आहे.
बंजारा समाजाला हैदराबाद गॅझेट नुसार अनुसूचित जमाती (ST) प्रवर्गात समाविष्ट करण्यात यावे, तसेच ऐतिहासिक नोंदी , इंग्रजकालिन दस्तऐवज , आयोगाचे अहवाल अशी संविधानिक मागणी असल्याने या सर्वावरुन बंजारा समाज आदिवासीच असल्याचे सिध्द झाले आहे.
या महामोर्चासाठी विधान परिषदेचे आमदार राजेश राठोड, माजी खासदार हरिभाऊ राठोड, गोर सिकवाडी लढाऊ विजय चव्हाण उपस्थित राहणार आहेत. तरी धाराशिव जिल्ह्यातील सर्व बंजारा बांधव या ऐतिहासिक महामोर्चासाठी मोठ्या संख्येने उपस्थित राहावे असे आवाहन जिल्हा परिषदेचे सदस्य प्रकाश चव्हाण, दिलीप जाधव,,विशाल जाधव, सुरेश पवार, हरिष जाधव, लक्ष्मण चव्हाण, सुरज चव्हाण, बालाजी राठोड,मोहन राठोड, कालीदास चव्हाण, दत्ता पवार, महादेव राठोड, उत्तम चव्हाण, बाबुराव राठोड, विजय राठोड, आदींनी केले आहे.
