नळदुर्ग - येथील एस.टी. बस स्थानकांत भूम ते हैद्राबाद जाणार्‍या बसमध्ये अज्ञात चोरट्यांनी बसमध्ये चढणार्‍या तरूणीचे पर्स लांबविले असून या घटनेत सोने व रोख रक्कम असे मिळून सुमारे २६ हजार रूपयाचा मुद्देमाल चोरून नेले आहे. ही घटना नळदुर्ग एस.टी. बसस्थानकांवर रविवारी दुपारी दोन वाजण्याच्या दरम्यान घडली आहे. या घटनेची पोलिसांत नोंद करण्यात आली आहे.प्रिया राम वटे (वय ३० वर्ष, रा. बारूळ, ता. तुळजापूर) हिने बारूळ या आपल्या गावाहुन एस.टी. बसने नळदुर्ग बसस्थानकांवर बस बदलण्यासाठी उतरली. यावेळी भूम ते हैद्राबाद बसमध्ये चढताना तिच्याजवळ असलेल्या पर्समधील रोख १ हजार रूपये व २५ हजार किमतीचे सोने असे मिळून २६ हजार रूपये किंमतीचा ऐवज अज्ञात चोरट्यांने चोरून नेल्याची घटना घडली. या घटनेमुळे प्रवाशांत एकच खळबळ उडाली आहे. याप्रकरणी पुढील तपास सहाय्यक पोलीस निरीक्षक सुरेश शेटकर यांच्या मार्गदर्शनाखाली हवालदार कल्याण पवार हे करीत आहेत.