नळदुर्ग - खासगी सावकाराकडून व्‍याजाने घेतलेल्‍या पैशाची परतफेड केल्‍यानंतरही पुन्‍हा खासगी सावकार वारंवार पैशाची मागणी करीत असून पैसे न दिल्‍यास दुकानाला कुलूप घालण्‍याची भाषा करणा-या सावकारावर कारवाई करण्‍याची मागणी अमजद डोंगरे यांनी केली आहे. शहरातील एका खासगी सावकाराकडून 20 हजार रूपये व्‍याजाने घेतले होते. त्‍याच्‍या मोबदल्‍यात त्‍या सावकाराला आतापर्यंत 50 हजार रूपये दिले आहेत. तरीही हा सावकार आणखी वीस हजारांची मागणी करीत आहे. मी पैसे देत नसल्‍याने हा गुंड प्रवृत्‍तीचा सावकार समोर उभे राहून शिवीगाळ करीत आहे व दुकानाची कुलूप घालण्‍याची भाषा करीत आहे. व्‍याजाने घेतलेले पैसे दुप्‍पट देवूनही पुन्‍हा पैशाची मागणी करून नाहक त्रास देणा-या सावकाराविरूद्ध कारवाई करून मला न्‍याय द्यावा, अशी मागणी अमजद डोंगरे यांनी केली आहे.
