नळदुर्ग - अहोरात्र सेवा करणा-या एस टी महामंडळातील वाहक, चालकांचा अणदूर (ता. तुळजापूर) येथील गणेशोत्सव मडळाच्या वतीने पुष्पगुच्छ, गौरवपत्र देऊन गौरव करण्यात आला. शुक्रवार दि. 21 रोजी सकाळी हा कार्यक्रम संपन्न झाला. गेल्या अकरा वर्षापासून या मंडळाच्यावतीने विविध सामाजिक उपक्रम राबविण्यात येत असून राज्यासह कर्नाटक व आंध्रप्रदेशातील महामंडळाच्या पन्नासहून अधिक वाहक-चालकांचा यावेळी सत्कार करण्यात आल्याची माहिती मंडळाचे अध्यक्ष पप्पू धमुरे यांनी दिली. या कार्यक्रमास वाहतूक नियंत्रक बसवराज स्वामी, सुरेश कंदले, भीमाशंकर मुळे, अमोल सालगे, राचप्पा जिडगे, प्रशांत पोतदार, आझर शेख, नागेश शेटे, जावेद तांबोळी यांच्यासह मंडळाचे पदाधिकारी कार्यकर्ते उपस्थित होते.