.jpg)
उस्मानाबाद :- उस्मानाबाद व सोलापूर जिल्हयातील आदिवासींसाठी आदिवासी विकास विभागाच्या विविध योजनांचा लाभ मिळावा, यासाठी शासनातर्फे सोलापूर येथे प्रकल्प अधिकारी, एकात्मिक आदिवासी विकास प्रकल्प, सोलापूर येथे कार्यालय सुरु करण्यात आले आहे.
उस्मानाबाद व सोलापूर जिल्हयातील अनुसूचित जमातीच्या (आदिवासी) लाभार्थ्यांनी विविध विकास योजानांचा लाभ घेण्यासाठी, माहिती घेण्यासाठी व सेवायोजन नांव नोंदणीसाठी प्रकल्प अधिकारी, एकात्मिक आदिवासी विकास प्रकल्प, तहसील कार्यालय सोलापूर इमारत, उत्तर सोलापूर, सोलापूर या पत्यावर संपर्क साधावा, असे आवाहन अप्पर आयुक्त, आदिवासी विकास, ठाणे यांनी कळविले आहे.
उस्मानाबाद :- केंद्र सरकारच्या अन्न महामंडळाच्या सल्लागार समितीच्या सदस्यपदी उस्मानाबाद येथील अरुण भाऊराव निटूरे यांची नियुक्ती करण्यात आली आहे. ही नियुक्ती झाल्याबाबत केंद्र सरकारच्या ग्राहक व अन्नधान्य वितरण मंत्रालयाचे उपसचिव ए.के. राणा यांनी श्री.निटूरे यांना कळविले आहे.
* लेखापरीक्षकांची नियुक्तीबाबत सूचना
उस्मानाबाद :- सहकारी संस्थांचे लेखापरिक्षण करावयाची कार्यवाही व उपाययोजनेबाबत लातूर विभागातील सर्व लेखापरीक्षकांना सूचित करण्यात येते की, लातूर विभागाची प्रमाणित लेखापरीक्षकांची सन 2013-2015 ची 24 ऑटोंबर ते 23 नोंव्हेंबर 2012 या कालावधीत पुरवणी नामतालिका तयार करण्यात येणार आहे.
यासाठी संबंधिताकडून आवेदनपत्र मागविण्यात येत असून नियुक्तीबाबतचे निकष व आवेदनपत्राचा नमुना विभागीय सहनिबंधक, सहकारी संस्था, लातूर, जिल्हा उपनिबंधक सहकारी संस्था, लातूर, बीड, नांदेड, उस्मानाबाद आणि जिल्हा विशेष लेखापरीक्षक वर्ग-1, सहकारी संस्था, बीड, नांदेड, उस्मानाबाद यांच्या कार्यालयात उपलब्ध आहे, असे विभागीय सहनिबंधक, सहकारी संस्था, लातूर यांनी कळविले आहे.
