खासगी अल्पसंख्याक बहूल शाळांनी या योजनेचा लाभ घ्यावा, असे आवाहनही खान यांनी केले आहे. या योजनेसाठी अर्ज करण्याची मुदत ३० ऑक्टोबर पर्यंत होती. पण मुदतीत अर्ज करु न शकल्याने अनेक संस्थांनी या योजनेसाठी अर्ज करण्यास मुदतवाढ देण्याची मागणी केली होती. त्यामुळे आता अर्ज करण्यासाठी १२ नोव्हेंबरपर्यंत मुदतवाढ देण्याचा निर्णय घेण्यात आला आहे. याबाबतचा शासन निर्णय www.mdd.maharashtra.gov.in या संकेतस्थळावर उपलब्ध आहे. या योजनेचा लाभ मिळविण्यासाठी जिल्हाधिकारी कार्यालयात अर्ज करता येईल. या अनुदानातून अल्पसंख्याक बहूल खासगी शाळांमध्ये पिण्याच्या पाण्याची सुविधा, शौचालय, संगणक कक्ष, ग्रंथालय, शाळेतील बाक, टेबल आदी साहीत्य खरेदी, वर्ग खोलीचे बांधकाम आदी पायाभूत सुविधा उभारता येऊ शकतात.
