सोलापूर :- सोलापूर जिल्ह्याच्या हद्दीत शांतता, सुरक्षितता अबाधित रहावी, समाजकंटक व गुडप्रवृत्तीचे इसमांवर प्रतिबंधक कारवाई करणे सोईचे जावे म्हणून मुंबई पोलीस कायदा व सुव्यवस्था राखता यावी म्हणून जिल्ह्याचे अप्पर जिल्हादंडाधिकारी पराग सोमण यांनी मुंबई पोलीस कायदा १९५१ चे ३७ (३) कलमान्वये पोलीस आयुक्तालय हद्द वगळून संपूर्ण सोलापूर जिल्ह्यातील ग्रामीण हद्दीत दि. १३ नोव्हेंबर सायंकाळी सहा वाजले पासून ते २८ नोव्हेंबर रात्री आठ वाजेपर्यंत पांच किंवा पांचाहून अधिक लोक एकत्र येण्यास बंदी घातली आहे असा आदेश जारी केला आहे. पोलीस निरिक्षक, दुय्यम पोलीस निरिक्षक यांनी पूर्व परवानगी दिली आहे. अशा यात्रास्थळे
तत्सम प्रकरणापुरता लागू होणार नाही. तसेच अत्यावश्यक सेवा, सरकारी कामकाज बजावणा-या यंत्रणांना लागू होणार नाही.
* सोलापूर जिल्ह्यात 37 (1) कलम लागु
सोलापूर :- सोलापूर जिल्ह्याच्या हद्दीत शांतता, सुरक्षितता अबाधित रहावी, कायदा व सुव्यवस्था राखता यावी म्हणून जिल्ह्याचे अप्पर जिल्हादंडाधिकारी पराग सोमण यांनी मुंबई पोलीस कायदा १९५१ चे ३७ (१) कलमान्वये पोलीस आयुक्तालय हद्द वगळून संपूर्ण सोलापूर जिल्ह्यातील ग्रामीण हद्दीत दि. १३ नोव्हेंबर रोजी रात्री आठ वाजले पासून ते २८ नोव्हेंबर च्या रात्री आठ वाजेपर्यंत आदेश जारी केला आहे.
या कलमान्वये शस्त्रे, सोटे, मलवारी, भाले, दंडे, सुरे, काठी, झेंडा लावलेली काठी किंवा शरीरास इजा करता येईल अशी कोणतीही वस्तू बरोबर नेणे, आणणे, दगड अगर त्यासारख्या वस्तू, शस्त्रे हाताळणे अगर त्यांचा फेकून मारण्यासाठी उपयोग करणे यावर बंदी घालण्यात आली आहे. कोणत्याही ज्वालाग्राही अगर स्फोटक पदार्थ वाहून नेणे, व्यक्ती किंवा त्याची प्रेत यात्रा, प्रतिमा यांचे प्रदर्शन करणे, सार्वजनिक घोषणा करणे या बाबीस प्रतिबंध जाहिर केला आहे. असभय हावभाव करणे, ग्राम्य भाषा वापरणे, सभ्यता अगर नितीविरुध्द निरनिराळ्या जाती जमातीच्या भावना दुखावल्या जातील, त्यामूळे त्यांच्यात भांडणे बखेडे निर्माण होवून शांततेस बाधा होईल अशी सोंगे, चिन्हे तयार करुन त्याचा प्रसार करणे यासही या कलमान्वये प्रतिबंध घालण्यात आला आहे. ज्या सरकारी नोकरांना त्यांची कर्तव्ये बजावताना वरील वस्तू हाताळाव्या लागतात त्यांना तसेच योग्य प्राधिका-याने परवानगी दिलेल्या व्यक्तीस हा आदेश लागू होणार नाही.
