फक्‍त महाराष्ट्रातच नाही तर देशातील सर्व राज्यांत ९ अनुदानित गॅस सिलिंडर देण्याचा विचार केंद्र सरकार करत आहे. मात्र, सध्या काही राज्यांमध्ये निवडणुका असल्याने हा निर्णय तूर्त थांबवण्यात आला असल्याचे अधिकार्‍याने सांगितले. राज्य सरकारने दिवाळीपूर्वी जाहीर केलेल्या तीन अतिरिक्त अनुदानित सिलिंडरमुळे राज्याच्या तिजोरीवर भार पडणार असून हा खर्च केंद्राने उचलावा, अशी विनंती राज्याने केली होती. सरसकट सर्वांना ९ अनुदानित गॅस सिलिंडर द्यावयाचे झाल्यास राज्याच्या तिजोरीवर २४०० कोटी रुपयांचा भार पडणार आहे.
