सोलापूर :- जिल्हा परिषद सोलापूर कडील बांधकाम विभाग क्र १ व २ लघु पाटबंधारे व ग्रामीण पाणीपुरवठा विभागाकडील पाच लाखाच्या आतील कामे जिल्हा परिषदेकडील नोंदणी कृत मजुर सहकारी संस्था व सुशिक्षीत बेरोजगार अभियंता यांना लॉटरी पध्दतीने काम वाटप सभा मंगळवार दि. ६ नोव्हेंबर रोजी यशवंतराव सभागृहात जि.प., सोलापूर येथे बोलविण्यात आली आहे. चेअरमन मजूर सहकारी संस्था यांची सभा दि. 6 नोव्हेंबर रोजी दुपारी १ वाजता तर सुशिक्षीत बेरोजगार अभियंता यांची सभा दुपारी ३ वाजता आहे.
या सभेस जिल्हा परिषदेकडील चेअरमन मजूर सहकारी संस्था व सुशिक्षीत बेरोजगार अभियंता यांनी वेळेवर हजर रहावे, हजर रहाते वेळी ओळखपत्र (नोंदणी प्रमाणपत्र) सोबत असणे आवश्यक आहे. ओळखपत्राशिवाय सभागृहात उपस्थित रहाणेस परवानगी दिली जाणार नाही, कामवाटपाची यादी, अटी नियम जिल्हा परिषदेच्या नोटीस बोर्डवर पहावयास मिळेल असे अतिरिक्त मुख्य कार्यकारी अधिकारी, जिल्हा परिषद, सोलापूर यांनी एका पत्रकान्वये कळविले आहे.
