सोलापूर -: सोलापूर जिल्ह्यातील मिलट्री पेन्शन धारकांना योग्य पेन्शन मिळावून देण्याकामी, जिल्हा सैनिक कल्याण कार्यालय, सोलापूर द्वारे नेमलेल्या प्रतिनिधी मार्फत पेन्शन फॉर्म भरण्याचे काम जिल्ह्यातील माजी सैनिक संघटनांच्या कार्यालयात चालु आहे. सोलापूर जिल्ह्यातील पेन्शनधारकांनी आपआपल्या तालुक्यातील संघटनेच्या कार्यालयातुन आपले पेन्शन फॉर्म भरुन घ्यावेत असे आवाहन माजी कॅप्टन सु. मो. गोडबोले, जिल्हा सैनिक कल्याण अधिकारी, सोलापूर यांनी केले आहे. पेन्शनधरकांनी संघटनेच्या कार्यालयात जाताना सोबत आपले डिसचार्ज बुक, ओळखपत्र व पी.पी.ओ. ची आणि बँक पासबुकची मूळ प्रत व या सर्वांच्या छायांकित प्रती सोबत आणणे आवश्यक आहेत. अधिक माहितीसाठी कार्यालयाचा दूरध्वनी क्र. 0217-2731035 वर संपर्क साधावा.
