नळदुर्ग येथील शासकीय विश्रामगृहात आयोजित बैठकीस तुळजापूर पंचायत समितीचे उपसभापती प्रकाश चव्हाण, तहसीलदार व्ही. एल. कोळी, नगराध्यक्ष शब्बीर सावकार, शहबाज काझी, जि.प. सभापती जोकार, मंडळ अधिकारी एल. एस. गायकवाड, वीज वितरण कंपनीचे उप कार्यकारी अधिकारी पी. पी. बिच्छल, सहाय्यक अभियंता ए. डी. कांबळे, तालुका कृषी अधिकारी जाधव, लोकप्रतिनिधी, नगर परिषदेचे सदस्य, महिला , गावकरी उपस्थित होते.
ज्या विहिरींना पाणी आहे तेथून पाईप टाकुन पाणी उपलब्ध करुन देण्याच्या सुचना संबंधित अधिकाऱ्यांना दिल्या. तसेच तेथील ग्रामस्थांच्या अडीअडचणी समजावून घेउन गावातील उपलब्ध असणारे पाणी जनतेस देण्यासाठी जे हातपंप नादुरुस्त आहेत ते दुरुस्त करुन घेणे, ज्या विहिरींना पाणी आहे तेथुन पाईप टाकुन पाणी गावात आणून जनतेस उपलब्ध करुन देणे, तलाव, विहिरींमधील गाळ काढणे व नविन विहिरी घेणे याबाबत संबंधित अधिका-यांना सुचना दिल्या. टंचाईसंदर्भातील कोणतेही निर्णय प्रलंबित ठेवू नयेत, ते तातडीने मार्गी लावावेत, जेणेकरुन नागरिकांना या परिस्थितीत दिलासा मिळेल, असे त्यांनी सांगितले. विंधन विहिरींची दुरुस्ती, तात्पुरत्या नळ योजना, गाळ काढणे आदी कामे प्राधान्याने हाती घ्यावीत, असे त्यांनी सांगितले.
