यातील अधिक माहिती अशी की, कानगुडे हे दुचाकीवरुन आपल्या शेतातून घरी परतत असतांना पाठीमागून येणार्या सुमो क्र.एम.एच.13 बी. 2744 या वाहनाने धडक दिल्याने बाजूला पडून डोक्याला गंभीर दुखापत झाली व जागीच मृत्यू झाला. सदरच्या अपघातानंतर चालक व त्याचा साथीदार पळून गेले असून सदरच्या अपघाताची नोंद करण्याचे काम वैराग पोलिसांत उशीरापर्यंत सुरु होते. कानगुडे यांच्या पश्चात त्यांची पत्नी, 2 मुली, 1 मुलगा, आई, भाऊ असा परिवार आहे.
तर कांदलगांव (ता. बार्शी) येथील पांडूरंग ज्ञानदेव फुरडे वय 48 हे दुचाकीवरुन सायंकाळी 6 च्या सुमारास आपल्या गावाकडे निघाले असतांना अचानक वाहनाचा ताबा सुटल्याने खाली पडले. डोक्याला गंभीर मार लागल्याने त्यांचा मृत्यू झाला.
