मुंबई -: राष्ट्रीय व्यावसायिक प्रशिक्षण परिषद, नवी दिल्ली मार्फत अखिल भारतीय व्यावसायिक परीक्षा ऑक्टोबर 2013 महिन्याच्या शेवटच्या आठवड्यात घेण्यात येणार आहे. या परीक्षेस बसणा-या उमेदवारांची माहिती आस्थापनांनी विहित नमुन्यात आस्थापनेच्या पत्रासह दिनांक 25 मे 2013 पर्यंत पाठवावी तसेच उमेदवारांचे पात्रता प्रमाणपत्र विहित केलेल्या फॉरमेट -4 मध्ये परीक्षा सुरु होण्यापूर्वी 15 दिवस अगोदर परीक्षा केंद्रात पाठविण्यात यावे, असे सह संचालक, व्यवसाय शिक्षण व प्रशिक्षण संचालनालय, महाराष्ट्र राज्य यांनी कळविले आहे.
शिकाऊ उमेदवारांबरोबर पुढील अटी पूर्ण करणा-या खासगी उमेदवार म्हणून परीक्षेस बसू इच्छिणाऱ्या तसेच माजी खासगी उमेदवारांनी अर्जाच्या विहित नमुन्यांसाठी व सविस्तर माहितीपत्रकासाठी संबंधित जिल्ह्यातील शासकीय औद्योगिक प्रशिक्षण संस्थेच्या प्राचार्यांशी संपर्क साधून दिनांक 19 जून 2013 पूर्वी अर्ज सादर करावेत , असेही कळविण्यात आले आहे.
परिक्षेस पात्र असणा-या शिकाऊ उमेदवारांनी या परिक्षेसाठी विहित नमुन्यातील परीक्षा अर्जाचे शुल्क 10 रुपये आणि एक वर्षाच्या अभ्यासक्रमाकरिता परीक्षा शुल्क 50 रुपये व दोन वर्षाच्या अभ्यासक्रमाकरिता 75 रुपये दि. 19 जून 2013 पूर्वी भरावेत.
उमेदवारांसाठी पात्रतेच्या अटी
उमेदवार शिल्पकारागिर प्रशिक्षण योजनेंतर्गत संबंधित व्यवसाय अभ्यासक्रमाची परीक्षा उत्तीर्ण आणि एन. टी. सी नंतर 1 वर्षाच्या अभ्यासक्रमासाठी चार वर्ष तर, दोन वर्षाच्या अभ्यासक्रमासाठी दोन वर्षाचा अनुभव आवश्यक आहे. शिकाऊ उमेदवारी योजनेंतर्गत अथवा शासकीय, निमशासकीय उपक्रमांतर्गत आस्थापनेत कार्यरत असणारे उमेदवार यासाठी पात्र असतील.
शिकाऊ उमेदवारांबरोबर पुढील अटी पूर्ण करणा-या खासगी उमेदवार म्हणून परीक्षेस बसू इच्छिणाऱ्या तसेच माजी खासगी उमेदवारांनी अर्जाच्या विहित नमुन्यांसाठी व सविस्तर माहितीपत्रकासाठी संबंधित जिल्ह्यातील शासकीय औद्योगिक प्रशिक्षण संस्थेच्या प्राचार्यांशी संपर्क साधून दिनांक 19 जून 2013 पूर्वी अर्ज सादर करावेत , असेही कळविण्यात आले आहे.
परिक्षेस पात्र असणा-या शिकाऊ उमेदवारांनी या परिक्षेसाठी विहित नमुन्यातील परीक्षा अर्जाचे शुल्क 10 रुपये आणि एक वर्षाच्या अभ्यासक्रमाकरिता परीक्षा शुल्क 50 रुपये व दोन वर्षाच्या अभ्यासक्रमाकरिता 75 रुपये दि. 19 जून 2013 पूर्वी भरावेत.
उमेदवारांसाठी पात्रतेच्या अटी
उमेदवार शिल्पकारागिर प्रशिक्षण योजनेंतर्गत संबंधित व्यवसाय अभ्यासक्रमाची परीक्षा उत्तीर्ण आणि एन. टी. सी नंतर 1 वर्षाच्या अभ्यासक्रमासाठी चार वर्ष तर, दोन वर्षाच्या अभ्यासक्रमासाठी दोन वर्षाचा अनुभव आवश्यक आहे. शिकाऊ उमेदवारी योजनेंतर्गत अथवा शासकीय, निमशासकीय उपक्रमांतर्गत आस्थापनेत कार्यरत असणारे उमेदवार यासाठी पात्र असतील.
