पुणे - गुजरातचे मुख्यमंत्री आणि भाजपचे प्रचारप्रमुख नरेंद्र मोदी यांची जाहीर सभा रविवारी (ता. 14) पुण्यात आहे. मात्र, आगमनापूर्वीच मोदींनी ‘फेसबुक’च्या माध्यमातून पुण्यातील विद्यार्थ्यांशी संवाद सुरू केला आहे तसेच त्यांची ‘मीडिया टीम’ही शहरात दाखल झाली आहे.
चार वर्षांच्या खंडानंतर मोदींची पुण्यात सभा होत आहे. सभेपूर्वी फर्ग्युसन महाविद्यालयातील अ‍ॅम्फी थिएटरच्या उद्घाटनाच्या निमित्ताने ते विद्यार्थ्यांशी संवाद साधणार आहेत. सायंकाळी सिंधी समाजाचे आदरस्थान साधू वासवानी यांच्या नावाने सुरू होणा-या नर्सिंग महाविद्यालयाचे उद्घाटनही करणार आहेत. तत्पूर्वी स्वत: मोदी यांनी ‘फेसबुक’च्या माध्यमातून ‘मी उद्या पुण्यात येतोय’ ही वर्दी पोस्ट केली आहे. फर्ग्युसन महाविद्यालयातील विद्यार्थ्यांशी ‘शिक्षण आणि विकास’ या विषयावर संवाद साधणार असल्याचेही त्यांनी आवर्जून नमूद केले आहे. देशाच्या विकासासाठी ‘परस्परांमधला विश्वास कसा वाढवावा’ या विषयावर मला तुमची मते जाणून घ्यायची आहेत, असे आवाहन मोदींनी फेसबुकवरून केले. या पोस्टला शनिवारी सायंकाळपर्यंत तब्बल साडेअकरा हजार विद्यार्थ्यांनी ‘लाइक’ केले, तर 1210 विद्यार्थ्यांनी त्यांची मते व्यक्त केली. ‘या उदंड प्रतिसादाबद्दल मी तुमचा आभारी आहे. देशाच्या भविष्यासाठी मला तुमच्याकडून आणखी कल्पना हव्या आहेत. फर्ग्युसन कॉलेजमध्ये तुमच्यासमोर आणि जगभरातल्या प्रेक्षकांसमोर माझी मते मांडायला मला आवडेल,’ असेही मोदींनी म्हटले आहे.
कार्यक्रम निवडीतले कौशल्य
साधू वासवानी आश्रम हा सिंधी समाजाचे आदराचे स्थाने. ज्येष्ठ नेते लालकृष्ण अडवाणी यांचा एकही पुणे दौरा या आश्रमाला भेट दिल्याखेरीज पूर्ण होत नाही. आश्रमाचे गुरू दादा वासवानी यांच्या पुस्तकाचे प्रकाशन आणि नर्सिंग कॉलेजचे उद्घाटन मोदी करणार आहेत. या माध्यमातून मोदींनी सिंधी समाजाशी ऋणानुबंध जोडण्याचा प्रयत्न केल्याचे सांगण्यात येते. तसेच मोदी फर्ग्युसन कॉलेजमधील वसतिगृहाला भेट देणार आहेत. प्रखर हिंदुत्ववादी वि. दा. सावरकर विद्यार्थिदशेत या वसतिगृहातल्या ज्या खोलीत राहत त्या खोलीच्या दर्शनासाठी त्यांनी आवर्जून वेळ राखीव ठेवला आहे.
मीडिया टीमचा लवाजमा
मोदींच्या कार्यक्रमाची जगभर प्रसिद्धी करण्यासाठी त्यांची मीडिया टीम एक दिवस आधीच शहरात दाखल झाली आहे. त्यात कॅमेरामन, फोटोग्राफर आणि सोशल मीडिया एक्स्पटर्सचा समावेश आहे. तसेच मोदी यांच्या संरक्षणासाठी गुजरात पोलिसांची आणि राष्‍ट्रीय सुरक्षा गाडर्स यांची स्वतंत्र टीमही आली आहे.
चार वर्षांच्या खंडानंतर मोदींची पुण्यात सभा होत आहे. सभेपूर्वी फर्ग्युसन महाविद्यालयातील अ‍ॅम्फी थिएटरच्या उद्घाटनाच्या निमित्ताने ते विद्यार्थ्यांशी संवाद साधणार आहेत. सायंकाळी सिंधी समाजाचे आदरस्थान साधू वासवानी यांच्या नावाने सुरू होणा-या नर्सिंग महाविद्यालयाचे उद्घाटनही करणार आहेत. तत्पूर्वी स्वत: मोदी यांनी ‘फेसबुक’च्या माध्यमातून ‘मी उद्या पुण्यात येतोय’ ही वर्दी पोस्ट केली आहे. फर्ग्युसन महाविद्यालयातील विद्यार्थ्यांशी ‘शिक्षण आणि विकास’ या विषयावर संवाद साधणार असल्याचेही त्यांनी आवर्जून नमूद केले आहे. देशाच्या विकासासाठी ‘परस्परांमधला विश्वास कसा वाढवावा’ या विषयावर मला तुमची मते जाणून घ्यायची आहेत, असे आवाहन मोदींनी फेसबुकवरून केले. या पोस्टला शनिवारी सायंकाळपर्यंत तब्बल साडेअकरा हजार विद्यार्थ्यांनी ‘लाइक’ केले, तर 1210 विद्यार्थ्यांनी त्यांची मते व्यक्त केली. ‘या उदंड प्रतिसादाबद्दल मी तुमचा आभारी आहे. देशाच्या भविष्यासाठी मला तुमच्याकडून आणखी कल्पना हव्या आहेत. फर्ग्युसन कॉलेजमध्ये तुमच्यासमोर आणि जगभरातल्या प्रेक्षकांसमोर माझी मते मांडायला मला आवडेल,’ असेही मोदींनी म्हटले आहे.
कार्यक्रम निवडीतले कौशल्य
साधू वासवानी आश्रम हा सिंधी समाजाचे आदराचे स्थाने. ज्येष्ठ नेते लालकृष्ण अडवाणी यांचा एकही पुणे दौरा या आश्रमाला भेट दिल्याखेरीज पूर्ण होत नाही. आश्रमाचे गुरू दादा वासवानी यांच्या पुस्तकाचे प्रकाशन आणि नर्सिंग कॉलेजचे उद्घाटन मोदी करणार आहेत. या माध्यमातून मोदींनी सिंधी समाजाशी ऋणानुबंध जोडण्याचा प्रयत्न केल्याचे सांगण्यात येते. तसेच मोदी फर्ग्युसन कॉलेजमधील वसतिगृहाला भेट देणार आहेत. प्रखर हिंदुत्ववादी वि. दा. सावरकर विद्यार्थिदशेत या वसतिगृहातल्या ज्या खोलीत राहत त्या खोलीच्या दर्शनासाठी त्यांनी आवर्जून वेळ राखीव ठेवला आहे.
मीडिया टीमचा लवाजमा
मोदींच्या कार्यक्रमाची जगभर प्रसिद्धी करण्यासाठी त्यांची मीडिया टीम एक दिवस आधीच शहरात दाखल झाली आहे. त्यात कॅमेरामन, फोटोग्राफर आणि सोशल मीडिया एक्स्पटर्सचा समावेश आहे. तसेच मोदी यांच्या संरक्षणासाठी गुजरात पोलिसांची आणि राष्‍ट्रीय सुरक्षा गाडर्स यांची स्वतंत्र टीमही आली आहे.
