नळदुर्ग -: चिकुंद्रा (ता. तुळजापूर) येथे खडडयात एसटी बसचे चाक जावून अंगावर पाणी उडाल्याचे कारणावरुन बसचालकास मारहाण झाल्याची घटना गुरुवार रोजी दुपारी घडली. याप्रकरणी नळदुर्ग पोलिसांत दोघांविरुध्द करण्यात आला आहे.
बाबू ऊर्फ लक्ष्मण गंजे व दयानंद शाहूराज गायकवाड असे गुन्हा दाखल झालेल्या आरोपीचे नाव आहे. तर विनायक भिमराव काळे असे मारहाण झालेल्या बसचालकाचे नाव आहे. तुळजापूर आगारातील बस (एम. एच. २0/बी. 0१५४) चिकुंद्रा मार्गे तुळजापूरहून नंदगावला जात होती. चिकुंद्रा येथे सदर बस आल्यानंतर खड्यातील पाणी गंजे व गायकवाड यांच्या अंगावर आले. यावेळी बसचालक विनायक काळे व वरील दोघांत झालेल्या बाचाबाचीत बाबू व दयानंदने लाथाबुक्क्याने मारहाण करुन जीवे मारण्याची धमकी दिल्याची फिर्याद बसचालक विनायक काळे यांनी दिली आहे. त्यावरुन वरील दोघांवरिुद्ध नळदुर्ग पोलिस ठाण्यात शासकीय कामात अडथळा आणल्याचा गुन्हा नोंद झाला असून पुढील तपास पोलीस करीत आहेत.
बाबू ऊर्फ लक्ष्मण गंजे व दयानंद शाहूराज गायकवाड असे गुन्हा दाखल झालेल्या आरोपीचे नाव आहे. तर विनायक भिमराव काळे असे मारहाण झालेल्या बसचालकाचे नाव आहे. तुळजापूर आगारातील बस (एम. एच. २0/बी. 0१५४) चिकुंद्रा मार्गे तुळजापूरहून नंदगावला जात होती. चिकुंद्रा येथे सदर बस आल्यानंतर खड्यातील पाणी गंजे व गायकवाड यांच्या अंगावर आले. यावेळी बसचालक विनायक काळे व वरील दोघांत झालेल्या बाचाबाचीत बाबू व दयानंदने लाथाबुक्क्याने मारहाण करुन जीवे मारण्याची धमकी दिल्याची फिर्याद बसचालक विनायक काळे यांनी दिली आहे. त्यावरुन वरील दोघांवरिुद्ध नळदुर्ग पोलिस ठाण्यात शासकीय कामात अडथळा आणल्याचा गुन्हा नोंद झाला असून पुढील तपास पोलीस करीत आहेत.