नळदुर्ग येथील श्री तुळजाभवानी साखर कारखान्यासमोर असलेल्या मधुरजल येथे काँग्रेस कार्यकर्त्यांची बैठक पालकमंत्री ना. मधुकरराव चव्हाण यांच्या प्रमुख उपस्थितीत पार पडली. कार्यक्रमाच्या अध्यक्षस्थानी काँग्रेसचे जिल्हाध्यक्ष आप्पासाहेब पाटील हे होते.
यावेळी कार्यकर्त्यांना मार्गदर्शन करताना ना. मधुकरराव चव्हाण म्हणाले, सर्वसामान्य जनतेच्या अडीअडचणी सोडविण्याबरोबरच काँग्रेस पक्षाने विकासात्मक कामाला सर्वप्रथम चालना दिले आहे. कार्यकर्त्यांनी ग्रामीण भागातील वाडी, वस्तीवर जाऊन तळागाळातील नागरिकापर्यंत शासकीय लोककल्याणकारी विविध योजना व काँग्रेस पक्षाने केलेल्या विकासात्मक कामाची माहिती पोहचविण्याचे आवाहन केले. मतदारानी काँग्रेस पक्षाला साथ दिल्याने मोठयाप्रमाणावर विकासात्मक कामे करण्याची संधी मिळाली, असेही त्यांनी शेवटी सांगितले.
राष्ट्रवादी काँग्रेस पक्षाचे माजी नगराध्यक्ष उदय जगदाळे, माजी उपनगराध्यक्ष इमाम शेख यांनी काँग्रेस पक्षात प्रवेश केल्याने ना. चव्हाण यांनी त्यांचा शाल, पुष्पहार घालून सत्कार करुन स्वागत केले. यावेळी सत्काराला उत्तर देताना इमाम शेख म्हणाले की, आपण मूळचे काँग्रेस पक्षाचे कार्यकर्ते असून काही काळ रस्ता चुकलो होतो. यापुढे काँग्रेस पक्षाचे कार्य करुन सर्वसामान्यांच्या विकासासाठी प्रयत्नशील राहणार असल्याचे सांगितले. यावेळी माजी उपनगराध्यक्ष तथा विदयमान नगरसेवक शहबाज काझी यांनी लवकरच काँग्रेस पक्षाच्यावतीने नळदुर्ग शहरात भव्य कार्यक्रमाचे आयोजन करण्यात येणार आहे. या कार्यक्रमात राष्ट्रवादीसह अन्य पक्षाचे असंख्य कार्यकर्ते काँग्रेस पक्षात जाहीर प्रवेश करणार असल्याचे त्यांनी सांगितले. यानंतर निवृत्त उपप्रादेशिक परिवहन अधिकारी नंदकुमार डुकरे, आप्पासाहेब पाटील आदींनी आपले मनोगत व्यक्त केले.
याप्रसंगी श्री तुळजाभवानी साखर कारखान्याचे व्हा. चेअरमन सुनील चव्हाण, नगराध्यक्ष शब्बीरअली सय्यद सावकार, उपनगराध्यक्षा सौ. अपर्णाताई बेडगे, माजी नगराध्यक्ष नितीन कासार, नगरसेवक शहबाज काझी, अमृत पुदाले, माजी नगराध्यक्षा झिमाबाई राठोड, श्रीमती अर्चना डुकरे, सौ. सुभद्रा मुळे, शहर युवक काँग्रेस अध्यक्ष बसवराज धरणे, काँग्रेस शिक्षक सेलचे जिल्हाध्यक्ष संजय दळवी, काँग्रेस सेवा दल नळदुर्ग शहराध्यक्ष विनायक अहंकारी, युवक काँग्रेस तालुका उपाध्यक्ष समदानी कुरेशी, ॲड. अरविंद बेडगे, सामाजिक कार्यकर्ते मारुती खारवे, माजी पंचायत समिती सभापती बालाजी मोकाशे, उपसरपंच संगाप्पा हागलगुंडे, माजी नगरसेवक दत्तात्रय कोरे, सुभाष कोरे, अख्तर काझी, प्रा. जावेद काझी, रणजित राठोड, सुधीर हजारे यांच्यासह परिसरातील कार्यकर्ते मोठया संख्येनी उपस्थित होते. कार्यक्रमाचे सूत्रसंचालन व आभार विनायक अहंकारी यांनी मानले.
