अधिक माहिती अशी की साधारण एक महिन्यांपुर्वी पांगरी परिसरात सलग पडलेल्या पावसामुळे झानपुर तलावात अतिरीक्त पाणी आले होते.जास्त क्षमतेचे पाणी सांडव्यादवारे निलकंठा नदीत आल्यामुळे ममदापुर गावाला जोडणारे बार्शी-ममदापुर व पांगरी-ममदापुर या मार्गावरील दोन्ही पुल पाण्याच्या प्रवाहामुळे वाहुन गेले होते.कांही दिवस गावाचा संपुर्ण संपर्क तुटला होता.मात्र त्यादिवशीपासुन बार्शी आगारातर्फे या मार्गावर सोडण्‍यात येणा-या गोरमाळे गावच्या फे-या पुर्णताः बंद करण्‍यात आल्या असुन त्या अद्यापपर्यंत पुर्ववत सुरू करण्‍यात आलेल्या नाहीत.त्यामुळे बार्शीला व्यापार व दैनंदीन कामासाठी जाणा-या प्रवाशांचे हाल सुरू आहेत.तरी बार्शी आगार व्यवस्थापकांनी तात्काळ या मार्गावरील बसेसच्या सर्व फे-या सुरू कराव्यात अशी या मार्गावरील अनेक गांवामधील प्रवाशी व नागरिकांची मागणी आहे.
