उस्मानाबाद :- सोयाबिन व कापूस पिकावर रस शोषक किडीचा प्रादुर्भाव दिसून आल्याने किडीच्या नियंत्रणासाठी शेतक-यांनी खालील उपाय योजना करण्याचे आवाहन उपविभागीय कृषी अधिकारी, उस्मानाबाद यांनी केले आहे.
स्पोडोप्टेरा तंबाखुवरील पाने खाणारी अळीच्या अंडी पुंज व समुहातील अळयावर लक्ष ठेवून स्पोडोप्टेरा व हेलिकोव्हर्पाच्या पतंगासाठी फेरोमन सापळ उभारावेत. किडीच्या आर्थिक नुकसान पातळीवर आधारीत फवारणी करावी. पाने लाल पडल्यास मॅग्नेशीयम सल्फेट 1 टक्का किंवा युरीया 2 टक्काची फवारणी करुन घ्यावी, असेही नमूद करण्यात आले आहे.
